السلام عليكم ورحمة الله وبركاته. أنا حالياً أدرس وأتطور في مجال Backend باستخدام .Net. أود أن أستفسر من أصحاب الخبرة: هل التسجيل في كورس منحة رواد مصر الرقمية بمجال Software Testing سيكون مفيداً لمساري المهني، أم الأفضل أن أركز بالكامل على مسار الـ Backend كما أنا الآن؟
المفروض تحدد اهدافك عشان ترسم مسار تمشي عليه. لكن بشكل عام، ممكن أفتي لك حسب خبرتي إن backend وحده مش كفاية على المدى الطويل، ولا لغة واحدة كافية. حاول تتوسع وتبقى full stack، وتضيف لغة تانية زي python أو أي واحدة من عائلة C. مهارات Testing جزء حتمي ولابد منه في أي وظيفة برمجية، ومفيش أي مانع من تطوير مهاراتك فيه سواء كنت عاوز تتخصص فيه أو لأ على المدى الطويل. لكن هنا في شرط مع تزايد مهارات الذكاء الصناعي وقدراته - مثلا نموذج Mythos من Anthropic وحجم الاشاعات المحيطة بقدراته - انك مينفعش تبقى مهندس testing عادي، بتكتب اختبارات بسيطة أو بتعمل اختبار يدوي او ادارة CI/CD مثلا. ماديا وفي الدول الأجنبية، عادة مهندس النظم Systems/Backend Engineer بيكون دخله أعلى من Testing Engineer في مستوى المبرمج المبتدئ والمتوسط. ممكن مستوى الدخل يتقارب في مستويات الخبرة العالية والأدوار القيادية. بالنسبة لمصر للأسف معنديش فكرة كافية. أبسط طريقة تعرف بيها المهارات المطلوبة لدور معين هي إنك تشوف اعلانات الوظائف للدور اللي انت مهتم بيه. الشركات أصبحت تتفنن في ذكر المواصفات والمهارات المطلوبة والمناسبة لبيئة العمل لديهم. وممكن تشوف مستويات المرتبات لكل دور ووظيفة أنت مهتم بيها. أخيرا بالنسبة للكورس نفسه، فأي مصدر للمعلومات مناسب طالما تضمن بشكل ما سلامة المعلومات المطروحة فيه، وانضباط الأداء والتنظيم عشان ميبقاش مضيعة لوقتك. ابحث عن آراء الآخرين في أي مكان عدا المنصة المقدمة للكورس، لأن الطبيعي إن أي منصة بتعمل دعايتها وتخفي عيوبها.
تم النشر الاثنين، ١٥ يونيو ٢٠٢٦
وعليكم السلام ورحمة الله وبركاته يا أحمد. أولاً، من الرائع إنك بتدرس Backend .Net، لأن المجال ده مطلوب جداً في سوق العمل، خاصة مع الشركات اللي بتستخدم تقنيات Microsoft. استمرارك فيه هيخليك تبني مهارات قوية في التطوير والتصميم، وده أساس متين لمستقبلك المهني. بالنسبة لكورس منحة رواد مصر الرقمية في Software Testing، فهو مفيد فعلاً كمهارة إضافية، لأن الـ testing بيفتح أبواب كتير في الشركات، ولو اتعلمت الـ automation testing معاه هيبقى مكمل ممتاز لـ Backend. بس لو الكورس هيأخذ وقت كبير ويبعدك عن التركيز الأساسي في .Net، فالأفضل تكمل زي ما أنت دلوقتي وتاخد الكورس كـ side skill أو بعد ما تتقدم في الـ Backend. يعني، متغيرش الاتجاه كله، لكن استغل المنحة لو قدرت توازن بين الاتنين. نصيحتي العملية: ركز على بناء مشاريع صغيرة بـ .Net دلوقتي عشان تقوي الـ portfolio بتاعك، ولو لقيت إن الـ testing هيساعدك في فهم الـ code أحسن، خده كإضافة. لو عايز آراء أكتر، ابحث عن أسئلة مشابهة على فدني. ربنا يوفقك ويفتح لك أبواب الرزق.
تم النشر السبت، ١٣ يونيو ٢٠٢٦
فية جروب على الفيس اسمه مليون مبرمج مصرى مفيد جدا اسأل هناك هيفيدوك أكتر .. السؤال فى مجال معين يستلزم أهل المجال للرد علية .. الله يعينك ويوفقك ويكتب لك الخير 🖤
تم النشر السبت، ١٣ يونيو ٢٠٢٦
لعرض السؤال في فدني اضغط هنا