مش عارفة ابدأ ازاي كل اللي أعرفه اني محتاجة علاج نفسي ومش متاح بالنسبة لي اني اروح لدكتور قررت اسأل هنا يمكن الاقي حل لحد ما اقدر اروح عيادة أنا بمر بضغط عائلي رهيب في البيت، وبسمع ألفاظ بتدمر نفسيتي وتخدش حيائي، وعندي فراغ وإجازة مخليني أدخل في دايرة تدمير ذاتي وعادات غلط مش عارفة أخرج منها
الألفاظ السيئة والضغط اللي في البيت هي "ابتلاء" بالنسبة ليك, والابتلاء سنة جارية, أي نعم الألفاظ جارحة وخادشة للحياء والضغط مؤلم ولكن دي أفعالهم هم, وعيوبهم هم, يعني مش عيب فيك ولا دا بيحدد قيمتك نهائي, أنت مش مسئولة عن إصلاح أهلك أو تغيير ألفاظهم، مسؤليتك هي أنك تحمي نفسك وأن كلامهم ما يدخلش لقلبك وخليك زي عابرة سبيل في البيت دا --- التدمير الذاتي والعادات الغلط هي مش رغبة منك في السوء ولكنها أشبه بالمخدر للألم الخارجي, قسوة خارجية بتحوليها لقسوة ضد النفس ---- فلو قلنا أن المشكلة مستويان: مستوى خارجي مفروض عليك (الضغط العائلي والألفاظ)، ومستوى داخلي تحت سيطرتك (الفراغ والعادات الغلط), المشكلة بتكون في "ربط المسارين ببعض" بحيث تبقى البيئة الصعبة مبرر وسياق طبيعي لإنتاج سلوكيات سيئة ذاتية. فالعقل بيهرب من العجز قدام البيئة الخارجية (اللي ما يقدرش يغيرها)، لممارسة "سيطرة مشوهة" عن طريق تدمير الذات (لأنه الشيء الوحيد اللي يقدر يسطر عليه) ------- الحل في: فك الارتباط بين اللي بيعملوا أهلك وبين نفسك, كون البيئة سيئة فدي حاجة ثابتة معكيش زر عشان تغيريه, فكل التركيز يكون على نفسك وإزاي تديريها في البيئة دي , الفراغ في البيئة دي هو أشبه بوسيلة لجلب حزن وصعوبة ونكد أكتر على نفسك,,,فالنفس إن لم تشغلها بالحق شغلتك بالباطل, اعملي جدول ليومك فيه صلاة وقراءة قرآن بتدبر وقراءة كتب مفيدة أو دورات, أي حاجة بتحتاج عقل ومجهود ذهني انشغلي بيها, وربنا يذهب عنك كل هم وكل حزن, وداومي على دعاء " اللَّهُمَّ إِنِّي عَبْدُكَ، ابْنُ عَبْدِكَ، ابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُلِّ اسْمٍ هُوَ لَكَ، سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَدًا مِنْ خَلْقِكَ، أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ، أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجَلَاءَ حُزْنِي، وَذَهَابَ هَمِّي"
تم النشر الثلاثاء، ٣٠ يونيو ٢٠٢٦
أنا آسفة جدًا إنك بتمري بكل ده، وأقدر إن الضغط العائلي والكلام اللي بتسمعيه بيأثر على نفسيتك وحيائك بشكل عميق. إحساسك بالفراغ والدخول في دايرة التدمير الذاتي طبيعي في الظروف دي، وإنك عارفة إنك محتاجة مساعدة ده خطوة قوية جدًا. لحد ما تقدري تروحي عيادة، فيه خطوات عملية تقدري تبدئي بيها دلوقتي عشان تكسري الدايرة دي تدريجيًا. أول حاجة، حاولي تنظمي يومك حتى لو الإجازة مخلياكي حاسة بالفراغ. قسمي اليوم لفترات صغيرة: وقت للصلاة والقرآن (حتى لو آيات قليلة يوميًا) عشان يديكي إحساس بالسكينة والقوة الداخلية، ووقت لنشاط بسيط زي ترتيب غرفتك أو المشي في البيت أو حتى كتابة اللي بيحصل معاكي في ورقة. ده بيساعد على إخراج المشاعر بدل ما تتراكم وتدفعك للعادات الغلط. ركزي على استبدال عادة واحدة بس في البداية، زي إنك لما تحسي بالرغبة في العادة السيئة، تقومي تعملي حاجة تانية بسيطة زي شرب مية أو تغيير المكان. ثانيًا، حاولي تحمي نفسك من التأثير السلبي قدر الإمكان. لو الكلام اللي بتسمعيه بيخدش حيائك، ابعدي عن المصدر ده لو ممكن، أو استخدمي سماعات بصوت هادي أو ركزي على أذكار بسيطة زي "حسبنا الله ونعم الوكيل" عشان تحافظي على توازنك النفسي. وفي الوقت نفسه، ابدئي تكتبي ثلاث حاجات إيجابية صغيرة كل يوم، حتى لو "نجحت أصلي الفجر" أو "ما عملتش العادة دي النهاردة"، عشان تبني ثقة في نفسك تدريجيًا. أنتِ مش لوحدك في المعاناة دي، وكتير بنات بيعدوا بظروف مشابهة وبيقدر يخرجوا منها بخطوات صغيرة مستمرة. استمري في البحث عن أسئلة مشابهة على فدني عشان تشوفي تجارب تانية. لو قدرتي تروحي لدكتور نفسي حتى لو جلسة واحدة في الأول، هتكون خطوة مهمة. أنا هنا لو عايزة تتكلمي أكتر عن أي جزء من اللي بتمري بيه.
تم النشر الاثنين، ٢٩ يونيو ٢٠٢٦
هو فعلا الموضوع ده صعب جدا واحسن حاجه عملتيها ان انت مش عايزه تستسلمي لاي استجابات غلط ممكن تكون حواليك ممكن لو مش متاح معاكي ان انت تروحي لدكتور نفسي ممكن تتكلمي مع لايف كوتش بيكون من خلال جلسات دعم نفسي وصحه نفسيه او اخصائيين في الصحه النفسيه
تم النشر الثلاثاء، ٣٠ يونيو ٢٠٢٦
فيه هنا اخصائيين هتلاقيهم فى خبراء فدنى وفيه تطبيق اسمه مجتمع سراج ممكن تبصى عليه
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا