جماعة كنت عايزة أخد رأيكم في سواقة العربية للبنـت، الفرق بيني وبين كليتي 3 ساعات والمواصلات متعبة والفترة دي المواصلات مشاكلها كتير من تحرش ل إستغلال والسواقين أخلاقهم مش حلوة إلا من رحم ربي طبعًا.. المهم أنا كنت عايزة أعرف رأيكم عشان خايفه مثلا أسوق وحدي وتحصل حاجة أنا بعرف أسوق بس خايفه لأني بنت وكنت بسوق العربية في وجود بابا معايا دالوقتي بابا سافر وبيقولي روحي الكلية بالعربية، معايا إبن خالي بس نفس الكلية بس مش هينفع أركب معاه وحدي عشان مش من محارمي ومش معايا أخوات صبيان أعمل إيه أكمل مواصلات ولا اروح بالعربية، بس عايزة نصايح تفيدني خاصة من الشباب عشان الشباب فاهمة أكتر هل عادي ولا هتأذي؟
بصي في العموم بيختلف من مكان لمكان وعلى حسب الطريق وعلى حسب المكان اللي انتى عايشه فيه .... بس بصي انتي صح الصح في تفكيرك وابعدي عن ابن خالك خالص لأن دي خلوة صريحة والشيطان شاطر وبما إنك بتعرفي تسوقي وباباكي مشجعك فده أسلم حل ليكي ولدينك وكرامتك لأن العربية هتسترك من قرف المواصلات والتحرش والبهدلة اللي بنسمع عنها والضرورات تبيح المحظورات وانتي كدة بتحمي نفسك وبتصونيها استعيني بالله وسوقي عربيتك وبلاش حوار ابن خالك ده خالص عشان تريحي ضميرك وربنا يحفظك في طريقك...
تم النشر السبت، ٩ مايو ٢٠٢٦
يا حبيبتي، أول حاجة أشكرك إنك شاركتيني اللي جواكِ، وأنا فاهمة تمامًا القلق ده، خاصة مع مشاكل المواصلات اللي بقت كابوس لكتير من البنات زيكِ. 😊 رأيي الصريح: قيادة العربية للبنات عادي جدًا ومفيد ، ومش هتأذي إن شاء الله لو أخدتِ احتياطات بسيطة. في الإسلام، القيادة جائزة ومش حرام، الحذر واجب بس الثقة بالله أكبر. أبوكِ عارف وثق فيكِ، ده دليل إيجابي! نصائح عملية عشان تروحي الكلية آمنة بالعربية (خاصة من منظور الشباب اللي فاهمين الشارع): ابدئي بطرق آمنة ومضيئة: اختاري الطريق اللي مليان حركة وكاميرات، وتجنبي الشوارع الوحشة أو الليل. الـ3 ساعات مش بعيدة، قسميها رحلات قصيرة مع توقفات. تطبيقات الأمان: حملي تطبيقات للتتبع، أو شاركي موقعكِ مع أمكِ أو أختكِ كل رحلة عبر WhatsApp (فيها خاصية Share Live Location). السيارة جاهزة: تأكدي من الزيت، الإطارات، والوقود قبل الخروج. حطي هاتف شاحن في العربية، واعملي صيانة سريعة لو محتاجة. لو حصل حاجة: خلي رقم الطوارئ (122) مفتوح، ولو حسيتِ بتوتر، وقفي في مكان عام واتصلي بأحد. بديل سريع: شوفي زميلات في الكلية يقسمن معاكِ الطريق (بنات بس)، أو استخدمي أوبر/كريم للأيام الأولى لحد ما تتعودي. لو المواصلات أحسن مؤقتًا: كمليها لو الطريق قريب، بس مع تجنب السواقين اللي مش مريحين (غيري فورًا). المهم ما يتعبكِ نفسيًا. أنتِ قوية وبتعرفي تسوقي، ابدئي خطوة خطوة وهتتعودي. لو عايزة نصائح أكتر أو استشارة، روحي صفحة الخبراء في https://www.fedni.net/experts، أو ابحثي أسئلة مشابهة في فدني هتلاقي تجارب بنات كتير. ربنا يحفظكِ وييسر أمركِ! 💪❤️ إيه رأيكِ، هتجربي؟
تم النشر السبت، ٩ مايو ٢٠٢٦
لو العربية حالتها الفنية جيدة والصيانة مظبوطة، ولو حضرتك بتسوقي كوبس وعارفة نظام المرور، إن شاء الله هيكون أنسب شيء طبعا ليكي هو العربية ومفيش أي مشاكل.
تم النشر الاثنين، ١١ مايو ٢٠٢٦
بالنسبالك هاتى عربية هاتشباك صغيرة هتبقى فى الزحمة حلوة معاكى وكمان جبيها اتوماتيك عشان تريحك فى الزحمه واهم حاجه السواقة عايزة تركيز بدون توتر والموضوع بسيط وربنا يوفقك
تم النشر الأحد، ١٠ مايو ٢٠٢٦
زى ما حفصه قالتلك بس أهم حاجة متتوتريش وخلى بالك من نفسك و وحده وحده هيبقى الموضوع ابسط ما يكون لدرجة فيما بعد هتستغلى وقتك ف العربية زى إن تسمعى بودكاست أو حاجات دى
تم النشر الأحد، ١٠ مايو ٢٠٢٦
@BR 2008 سكرتر أنت بتتكلم جد إزاي بنت تسوق سكوتر، مش بس عيب أنا شايفة دا بيدخل في حياء البنت وحاجه بالنسبالي مستحيلة خاااالص
تم النشر الأحد، ١٠ مايو ٢٠٢٦
روحي واستعيني بالله انا نفس الموضوع ده معايا مبعرفش اسوق من غير وجود والدي
تم النشر السبت، ٩ مايو ٢٠٢٦
هو مش عيب لو مبينتيش جسمك ممكن تلبسي كارديجان وتثبتيه في السكوتر وتثبتي النقاب بدبوس كنت شايف واحدة عامله كدة وتركبي لوح بلاس٠تيك او قزاز عشان الهواء دة اللي انا شوفته
تم النشر الأحد، ١٠ مايو ٢٠٢٦
@BR 2008 لا عيب البنت تركب سكوتر..وكمان أنا منتقبة😅
تم النشر الأحد، ١٠ مايو ٢٠٢٦
طب ما تجربي جيبي سكوتر
تم النشر السبت، ٩ مايو ٢٠٢٦
لعرض السؤال في فدني اضغط هنا