خطيبتي انسانه كويسه جدا ومتدينه وكل الصفات الي فيها تعتبر كويس فيها بعض العيوب ودا وارد فكل الناس حتى فيا ولكن هي مش جميله يعني مش حتى عاديه لا هي مش حلوه خالص والموضوع دا مدايقني جدا مبسوط بانها فيها كل الصفات الي انا عايزها ولكن موضوع الشكل دا فارق معايا جدا انا بغض بصري وبتجنب الحرام بس عايز وقت ما أبص بالحلال ابقى شايف جمال مش حاجه مش حلوه انا بجد مش عارف اعمل اي انا خايف اسيبها وملاقيش واحده فيها مواصفتها وخايف اكمل معاها واندم العمر كله
سيراها غيرك جميلة، برأيي ان كان رأيك فيها هكذا منذ البداية لا تظلمها معك، ربما ستجد من هي اجمل بنفس مواصفاتها الخلقية؛ وربما ستكون اجمل مع تدين اقل(لا يوجد اي شيء مضمون).. لكن المهم في الزواج هو انه يعين على العفاف، والبعد عن الحرام... استخر الله وقرر.
تم النشر السبت، ٢٦ أبريل ٢٠٢٥
طبعا انت لك مخاوفك وقلقك ان انت تتجوز واحده مش حلوه بس هو من الاساس إيه اللي خلاك تخطبها. انت اخترتها ولا هي اتفرضت عليك يعني انت راجل ما اعتقدش انه ممكن يتفرض عليه الجواز فانت اخترتها على اساس ايه؟ هل انت ما شفتش انها حلوه قبل ما تخطبها؟ عموما اللي حصل حصل وده نصيب لكن لو انت بتفكر في الحلاوه بس ده ما ينفعش الحلاوه والجمال لا يدوم. انت عشان تختار زوجه صالحه تحافظ عليك وعلى بيتك وتربيه ولادك وتحفظ سرك وبصون عرضك انت بتبص لحاجات كتيره جدا غير بس الجمال ثاني الجمال لا يدوم طب افرض انت اتجوزت واحده قمر وما فيهاش اي غلطه لكن حصل لها حادثه واصبحت قبيحه هتعمل إيه هتطلقها عشان ما بقتش حلوه ما ده اسوأ لان انت واخد واحده حلوه وتعودت على جمالها وفجأة الجمال ده راح هتعمل ايه اه طبعا الحلاوه مطلوبه بس مش الحلاوه الزايده، جمال المراه في روحها في اخلاقها في صفاتها في تدينها وتربيتها جمال المراه ان هي تراعيك وتحافظ عليك وتصونك وتحبك لكن انت لو شايف ان انت مش هتقدر ومتردد ان انت تكمل علشان حلاوتها او ان انت حتكمل وبعد كده هيحصل مشاكل يبقى يستحسن من دلوقتي تسيبها لان حرام ان انت تجرحها بعد كده والست يعني دي هتبقى امانه في رقبتك وهتسأل عليها يوم القيامه فحرام ان انت تربطها بيك وتعلقها بيك او تتجوز وتفتحوا بيت وبعد كده تقول لها لا انا مش قادره اكمل معاكي ويبقى معاها معكم عيال وهي اللي تشيل مسؤوليه العيال فلو من دلوقتي انت شايف ان هي لا يبقى تسيبها.
تم النشر الاثنين، ٢٨ أبريل ٢٠٢٥
أفهم حيرتك ومشاعرك المتعلقة بهذا الأمر. من المهم أن نفهم أن الجمال ليس فقط مظهرًا خارجيًا، بل هو أيضًا مزيج من الصفات الداخلية والشخصية. لكن في الوقت نفسه، يُعَدُّ الجانب الجمالي خارجيًا أحد الأمور التي تؤثر على العلاقة. إليك بعض النقاط التي قد تساعدك في اتخاذ قرارك: قيم الصفات الداخلية : كما ذكرت، خطيبتك تتمتع بصفات رائعة مثل الدين والأخلاق. هذه الصفات مهمة للغاية وتساهم في بناء علاقة سليمة ومستدامة. الجمال نسبي : قد تكون مشاعرك تجاه الجمال مرتبطة بمعاييرك الشخصية أو المجتمعية. فكر في أن الجمال يمكن أن ينمو عند معرفة الشخص بشكل أعمق. تحدث بوضوح : إذا استمرت مشاعرك بالتأثير عليك، فكر في إمكانية التحدث مع خطيبتك بشكل صريح لكن لطيف عن مشاعرك. التواصل هو أساس أي علاقة. التأمل في المستقبل : من المهم أن تسأل نفسك، هل ستظل معجبًا بشخصيتها وقيمها حتى بعد فترة من الزواج؟ الجمال قد يتغير على مر الزمن، لكن القيم والمشاعر العميقة تبقى. طلب الإرشاد : إذا كنت تواجه صعوبة في اتخاذ القرار، قد يكون من المفيد استشارة شخص موثوق به أو الاستعانة برأى مختص للتوجيه. في النهاية، القرار متروك لك. تأكد من أنك تقوم بما تشعر أنه صحيح ويعكس قيمك ومبادئك. أسأل الله أن يوفقك ويهدِيك إلى ما فيه خير لك.
تم النشر السبت، ٢٦ أبريل ٢٠٢٥
اخاف انك تتركها وتروح لصاحبة المظاهر وتكتشف مدى بشاعتها الداخلية .. وترهقك نفسيا وماديا وصحيا
تم النشر الأحد، ٢٧ أبريل ٢٠٢٥
سبها لانك عاوز وحده جميله انت هتاخدها شفقه سبها للإنسان اللي يحبها بكل تفاصيلها انت عاوز شكل خليك صريح
تم النشر السبت، ٢٦ أبريل ٢٠٢٥
المهم هو احترامها وشخصيتها مش الشكل لو مش عايز تشوف ده يبقى أحسن إن حضرتك تسيبها عشان ما تظلمهاش كل واحد له ذوقه بس الأهم يكون فيه احترام
تم النشر السبت، ٢٦ أبريل ٢٠٢٥
لعرض السؤال في فدني اضغط هنا