السلام عليكم
أنا متزوجة وطالبة جامعية في الفرقة الثالثة ، أنا منجحتش السنة اللى فاتت لانشغالى بتجهيزات الفرح وكدا والسنادي بعيد في سنة تالتة فجوزي حلف عليا من يومين وقال (عليا الطلاق بالتلاتة لو سقطتي في مادة السنادي مانتي داخلة سنة رابعة) بس المشكلة اني منجحتش في مادة في الترم الاول و مقولتلهوش للان وامتحانات الترم التاني بعد خمس ايام اهو
وانا متعلقة بدراستي اوي وحابة اكمل تعليمي ومش على استعداد انه يحرمني ادخل سنة رابعة سوا منجحتش ف مواد من تالتة أو نجحت وانا بذاكر على قد م اقدر والله بس من بعد الزواج ضغوطات في البيت و عدم حضور ف الكلية و المناهج صعبة اوي ومع ذالك بحاول نعدي السنتين اللى باقين بقدر الامكان ، فسؤالى دلوقتي ما حكم هذا اليمين؟
السلام عليكم، الأفضل في هذه الحالة التواصل مع دار الافتاء وسؤال العلماء مباشرة، لأن في النهاية هذا زواج وطلاق فيجب التأكد تمامًا من الفتوى. هذا رابط طلب الخدمات سواء قمتِ بالاتصال هاتفيًا أو عن طريق الرسائل الإلكترونية. https://dar-alifta.org/ar/services
تم النشر الثلاثاء، ٢٠ مايو ٢٠٢٥
1. الطلاق المعلق على شرط: إذا قال الزوج: "عليّ الطلاق بالتلاتة لو حصل كذا..."، فهذا يُعتبر طلاقًا معلقًا، ولو تحقق الشرط (وهو هنا السقوط في المادة)، فيقع الطلاق عند كثير من العلماء، إلا إذا كان يقصد التهديد أو الحث أو المنع فقط، وليس الطلاق الحقيقي. 2. نية الزوج هي الأساس: لو كان يقصد التهديد بس، يعني كان عايز يخوفها علشان تذاكر، مش يقينًا ينوي الطلاق، فهذا يُعامل كيمين وليس طلاقًا. وعليه كفارة يمين فقط: إطعام عشرة مساكين أو كسوتهم أو صيام ثلاثة أيام. 3. لكن لو كان فعلاً ناوي الطلاق يقع لو سقطت، فالطلاق يقع، وكونه قال "بالتلاتة"، يبقى دي تعتبر طلقة واحدة على رأي بعض العلماء، لكن على رأي آخرين (اللي بياخدوا بظاهر الكلام)، تعتبر ثلاث طلقات، وده بيخلّيها محرّمة عليه إلا بعد الزواج من رجل آخر والدخول به.
تم النشر الثلاثاء، ٢٠ مايو ٢٠٢٥
الحلف بالطلاق ثلاثة دفعه واحده (في الطلاق المعلق) تحسب طلقه واحده ان كان ينوي الطلاق
تم النشر الأربعاء، ٢١ مايو ٢٠٢٥
السلام عليكم ورحمه الله هو حكم اليمين بيسموه معلق يعني بيُسأل الزوج لو اليمين ده تقصد إنك تحلف بس يعني لا تقصد حقيقة الطلاق فكده اصبح يمين وممكن تروحي الكليه وهو يكفر عن اليمين وكفارة اليمين إطعام عشر مساكين يروح لجمعيه يقولهم عاوز أطعم عشر مساكين عشان عليا يمين لو مش معاه وفقير يصوم ثلاث أيام، اما الوجه الاخر اللي هو يسأل برضه هل كنت تقصد اليمين ولا الطلاق لو كان يقصد الطلاق كده خلاص كده لو رحتِ الكليه وقعت طلقه اتحسبت طلقه خلاص كده اتطلقت مره، خلاص تعيشي وتكملي معاه ويرجعك يعني ولكن تفضلي فاكره ان في طلقه اتحسبت.
تم النشر الأربعاء، ٢١ مايو ٢٠٢٥
حاولي تذاكري قدر استطاعتك وخليه يساعدك في البيت قوليله عشان اعرف اذاكر وانجح ولو قدر الله وحصل حاجه ومنجحتيش بعديها بفتره اتدلعي عليه واهتمي بيه ب الي هوه عايزه واثري عليه وهوه هيوافق ونصيحه اسمعي رضوي جلال علي اليوتيوب
تم النشر الأربعاء، ٢٨ مايو ٢٠٢٥
اسألي شيخ شخص موثوق، بتخافي اذا كملتي سنة رابعة يقع الطلاق... انا ما بعرف ولا بفتي ، بس ضروري توخدي فتوى من مركز الافتاء او شيخ موثوق
تم النشر الثلاثاء، ٢٠ مايو ٢٠٢٥
وإن كان افضل أن تهتمي ببيتك وأولادك وزوجك فهم أهم من كل شئ حتي التعليم .فما أجمل بأم تجلس مع أطفالها وتربيتهم علي القيم والمبادئ وعلي الدين.ويجب عليكي أن تقدري حجم أضرر وأن تبحثي في حل عادل وليس هناك مانع أن تستشيري زوجك وأولادك في هذا الأمر وعلمي أن بتربيتك أولادك تربيه صحيحه تؤخذي علي ذالك أجر.
تم النشر الثلاثاء، ٢٠ مايو ٢٠٢٥
هذا اليمين إن كان قبل كتب الكتاب أي قبل الزواج.لا يعتد به .أي لا يقع يمينه.لقول الرسول صلى الله عليه وسلم.لا طلاق إلا بعد نكاح.والله أعلم
تم النشر الثلاثاء، ٢٠ مايو ٢٠٢٥
لعرض السؤال في فدني اضغط هنا