موضوع للنقاش وليس للسخرية
انا 27 سنه عشت حياتي لدرجه وشغل وحاليا بدون شغل مش مرتبطه وطول عمرى وحيده وكنت مستنيه ابن الحلال يجي وبعد فتره شيلت الفكره من دماغي لكن حاليا بقيت أحس ان محتاجه اعيش حياتي وحد يكون جنبي يسمعني في حلال ربنا بس بصراحه الموضوع طول وربنا مبعتش حد وخايفه اموت وانا وحيده ومعرفيش ليه الفتره دي نفسي اتخطب زي باقى البنات بس انا شكلى عادي ونفسيتي تعبت من كتر تفكير ان محدش هيجي عشان انا عاديه
" واضح إنك تعبتي كتير في حياتك واعتمدتي على نفسك، وده مش قليل أبدًا. إنك توصلي 27 سنة وانتي محافظة على نفسك وعايشة بالحلال دي نعمة كبيرة مش كل الناس تقدر عليها، وربنا قال: ﴿وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ﴾ وده وعد من ربنا إن الرزق هييجي في وقته الصح، مش لما الناس كلها تتخطب أو تتجوز. إحساسك إنك محتاجة حد جنبك ده مش ضعف… ده احتياج طبيعي لأي إنسان، وربنا خلقنا كده. والزوج في القرآن اسمه سكن، يعني راحة وطمأنينة، وربنا قال: ﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا﴾ يعني رغبتك دي شيء جميل ومشروع وربنا بيعترف بيه. وفكرة إنك خايفة تفضّلي لوحدك… ده خوف بيعدي على ناس كتير، بس مش معناه إن ربنا نساكي. ربنا قال: ﴿لَا تَدْرِينَ لَعَلَّ اللَّهَ يُحْدِثُ بَعْدَ ذَٰلِكَ أَمْرًا﴾ محدش يعرف الخير متخبّي فين، وساعات بييجي في لحظة، من غير مقدمات. وبالنسبة لسؤالك: "ليه البنات حواليّ اتخطبوا إلا أنا؟" مش دايمًا السبب بيكون في الشكل أو إنك ناقصة حاجة، أبدًا. كل واحدة ليها نصيب ووقت معيّن، ومفيش مقارنة بينك وبين غيرك. ربنا قال: ﴿إِنَّ رَبَّكَ يُبَسِطُ الرِّزْقَ لِمَن يَشَاءُ وَيَقْدِرُ﴾ يعني كل حاجة بتتوزّع بحكمة، مش عشوائي. وانتي بتقولي "نفسي اتخطب زي باقي البنات"… مفيهاش أي حاجة وحشة، بالعكس، دي رغبة بالحلال وربنا هيكرمك بيها. بس متقصّيش على نفسك، ولا تسمحي للخوف إنه يخليكي تحسّي إنك وحيدة… انتي مش لوحدك، وربنا معاكي في كل خطوة. لو في فرصة مناسبة تتفتح من أهلك أو معارف موثوقين، خديها بالعقل والهدوء، ومن غير استعجال. المهم يكون شخص كويس، مش بس مجرد ارتباط. وصدقيني… التأخير مش معناه إن مفيش نصيب، التأخير ساعات بيكون حماية من اختيار غلط. ويمكن ربنا بيحضّرلك حاجة أحسن مما تتخيّلي. اختصري على نفسك القلق… وكمّلي حياتك، وشغلك، واهتمامك بنفسك، وسيبي باب الخير مفتوح. والله العظيم ربنا أكرم من إنه يسيب قلب بيدعي بالحلال."🌸💗
تم النشر الأربعاء، ١٠ ديسمبر ٢٠٢٥
اولا اختي الفاضله الله اسال الله ان يرزقك الزوج الحلال وثانيا الله ما حرمنا شيئا الا لحكمه وما اعطينا شيئا الا لرحمه انا انصحك بانك ترجعين الى الله سبحانه وتعالى هو الرقيب والمدبر وابحثي عن نفسك في مواطن الايمان مثل قيام الليل والصدقه في الخفاء وفعلي خاصيه الرجاء والانابه لله سبحانه وتعالى وكوني على ثقه بان الله سيستجيب دعائك ويرزقك ما تشائين
تم النشر الجمعة، ١٢ ديسمبر ٢٠٢٥
الارتباط دا رزق ورزق جميل لما يجيلك مع الشخص الصح ولكن بيكون رزق منزوع البركة لو جالك مع شخص لا يتقي الله وبما ان الزواج رزق فهو كمن يرزق بالمال = من يعمل موظف في محل او شركة يحقق دخل وكذلك من يتاجر بالمحرمات أيضآ يحقق دخل ولكن ليسو سواء وهكذا الزواج حينما يأتيك رزقك برجل صالح هكذا تكون الحياة مستقرة وأما إذا ما رزقنا بشخص لا يتقي الله فسوف تصبح الحياة غير مستقرة ولذلك نجد بنات من نفس عمرك ومنهم المطلقات ومنهم التي تعيش في ذل وهوان ومنهم من جلبت المرض بسبب سوء العشرة فلعل تأخر ذلك عنك حتى الان لعل فيه نجاتك من سوء الاختيار ثم ان سنك ليس بالكبير وانتي ما زلتي صغيرة وبالصبر والدعاء وحسن الاختيار هتلاقي ربنا بيجبر خاطرك بالزوج الصالح اللي يكون عوض وسند يسعدك وتسعد معه ايامك
تم النشر الجمعة، ١٢ ديسمبر ٢٠٢٥
عليكي بالدعاء واياكي تتسرعي بالخطوة دي مترتبة عليها كل حياتك
تم النشر السبت، ١٣ ديسمبر ٢٠٢٥
ادعي علطول وابحثي الدعاء بيبقى ازاي وايه اوقات الاجابه والسنن في الدعاء وايه مبطلاته وتجنبيها و حولي متسمعيش كلام نفسك لما تقولك انا دعيت ومحصلش حاجه خليه روتين ليكي وان شاء الله ربنا هيقدملك الى فيه الخير
تم النشر الجمعة، ١٢ ديسمبر ٢٠٢٥
حبيبتي ده حال بنات كتييييير اوي وعاوزة اقولك اتفائلي انتي فعلا لسة صغيرة الزمن اختلف زمان البنت كانت بتتجوز بدري علي سن 17 مثلا وتخلف بدري وتلاقيها علي سن الاربعين بقت جده كمان ويمكن تشوف نفسها عجزت دلوقتي الزمن اختلف مع خروج البنت للتعليم والعمل وظروف الحياة ارتفع سن الزواج لبعد الثلاثين بصي انا مش عاوزة اقول زمان افضل والفتن اقل ودلوقتي الزمن اصعب والفتن اكتر لاني مش هتكلم معاكي في النقطة دي انا بقولك ان ده بأه حال ناس كتير شباب وبنات المهم انك اولا لا تفقدي ثقتك بالله لان الزواج رزق والانجاب رزق ورزقك بس هو اللي ليكي محدش هياخده غيرك وربنا اكيد شايلهولك باذن الله قلبك هيفرح قريب وثانيا حافظي علي نفسك من الفتن واوعي تدخلي في اي علاقة مع اي حد لان الميزة مش في الجمال في الزمن ده الميزة الوحيدة هو انك تكوني محترمة وخلوقه ومحافظة علي نفسك علشان ربنا يبعتلك حد شبهك ويعوضك خير ..وفي النهاية طالما رزقك بيد الله لا تقلقي من اي شئ ..ربنا يسعد قلبك يارب ويبعتلك زوج صالح يعوض صبرك خير انتي وكل اللي زيك اللي طالب الحلال مهما كان عمره
تم النشر الجمعة، ١٢ ديسمبر ٢٠٢٥
إن شاء الله ربنا يفرحك إن شاء الله
تم النشر الخميس، ١١ ديسمبر ٢٠٢٥
اتقي ربنا وادعي ربنا يرزقك الزوج الصالح
تم النشر الأربعاء، ١٠ ديسمبر ٢٠٢٥
لعرض السؤال في فدني اضغط هنا