السلام عليكم ورحمة الله وبركاته
انا حاليا في أسوأ مرحله في حياتي بحس أوقات كتير انه بيجيلي انهيار عصبي ده لان انا مجبتش مجموع يدخلني طب حكومي فدخلته خاص واغتربت بعيد عن اهلي وانا اصلا شخصيه انطوائيه جدا جدا يعني فالموضوع صعب حبتين
المشكله بقا ان اهلي عانوا كتير عشان يعرفو يدخلوني الكليه دي ولسه عندي 3 اخوات غيري فخايفين ميعرفوش يصرفو عليهم زيي وياريتني كويسه في مذاكرتي انا مش عارفه جرالي اي
انا كنت بذاكر عن كدا دلوقتي بخلص ال 5 صفح بالعافيه واحنا عندنا اصلا كل يوم تخلص 4 محاضرات وكدا تبقى تمام انا مبكملش محاضره واحده وامتحاناتي الاسبوع الجاي وكل ما احط جدول الم بيه افشل
والمذاكره بتاخد وقت طويل جدا يعني المحاضره ساعه علما اسمعها وانا عندي اصلا تفكير مفرط فبفكر كتير اوي فدا بينتج اني بخلصها في اكتر من ساعه وبعدين علما اترجم وعلما اذاكر الصفحه ممكن تاخد معايا ربع ساعه وبالطريقه دي انا مش هخلص اصل
وماما بتقولي لو فضلتي كدا ومجبتيش مجموع عدل في الترم الاول هحولك تمريض هو مش تقليل من تمريض ولا حاجه بس الفكره انا حلمي طب وداخلاه اهليه فحاجه تزعل لما اغير حلمي بس،
الفكره هنا أنا ازاي اظبط نومي يعني بقيت بنام ب 12 ساعه ودا مينفعش ابدا ومعنديش إراده تقومني من النوم وغير كدا مبقتش ملتزمه زي زمان وبقيت بقصر في صلواتي وبأخرها وبصلي الفرض مش في معاده مش عارفه لي ربنا بينتكسني في اصعب اوقاتي،
أنا عايزه حل بجد عايزه اظبط نومي وانام 7 ساعات بس واصحي الفجر واليوم يبقى منتج ويبقى فيه بركه محستش بالبركه غير مره واحده بس في ثانويه عامه نفسي ابقى راضيه عن حياتي بجد
متفهم كلامك تماماً.... انا عارف ان ده ضغط عليكي من أكتر من جانب سواء الدراسه والمجموع والمصاريف والتفكير المفرط والنوم الكتير... شيء صعب جدا اننا نواجه ده في وقت واحد.... بس خلينا نقول حاجه مهمه.... مفيش حياة مثالية ده شيء مش موجود كلنا نفسنا نصحى من الفجر نمسك يومنا ونعبد ربنا كما ينبغي ومنقصرش في المذاكرة والجدول الي بنعمله نخلصه حتى لو فيه 10 محاضرات كل ده احنا بنحاول فيه لكن صعب جدا جدا يتحقق كله مع بعضه ولو اتحقق يوم صعب يتحقق التاني فاهماني؟ الدنيا فيه متغيرات مش هنفضل بنفس الأداء كل يوم وطول الوقت..... عمليا بقا 😁.... بما اني في طب بشري بردو أحب اقولك عندي نفس المشكله والله نوم كتير... يوم حلو اوي ويوم مش أحسن أداء.... ضغط مذاكره رهيب وكل ده بحاول إحله من وأنا قدك كده 😂... طيب هل نجحت؟ ايوه نجحت ولا منجحتش... ايام كنت فيها هيرو وأيام زيرو... وحاولت جدا أوصل لليوم المثالي ولكنه مش موجود فتحول القلق الي كنت فيه الى يقين ان ده الطبيعي والطب لازم تكون مضغوط بس كل المطلوب منك صدق التوكل على الله وهات آخرك.... وآخرك هنا مقصدش نخلص الجدول ولكن نذاكر لحد ما نبقاش قادرين نكمل.... فيا مدام ريلاكس خالص وسيبك من موضوع المصاريف مش مطلوب منك غير باتنين جنيه تركيز واتنين جنيه محاوله هو الطب محتاج كده منزهقش عشان دي بقت حياتنا خلاص 🫠.... لكن التفاؤل حلو والنهارده مكنش كويس بكره اكيد أحلى بردو الكلام كتير وتفاصيل أكتر وانا بصراحه بحب أتكلم مع الشباب الصغيرين في كلية طب عشان كنت في يوم زيهم محتاج حد ينصحني وملقيتش... المهم يفندم في اي حاجه عموما بنعمل الي نقدر عليه وبس وإذا قامت الساعه وفي يد أحدكم فسيلة فليغرسها.... سوبر ايزي.... دمتي سالمه وشدي حيلك في الامتحانات ❤️
تم النشر الأربعاء، ٢٤ ديسمبر ٢٠٢٥
وعليكم السلام ورحمة الله وبركاته يا حبيبتي 🌸، أول حاجة، أنا فاهمة تماماً إيه اللي بتمرّي بيه.. الاغتراب، الضغط من الدراسة، الخوف على أهلك، والشعور بالانهيار ده كله طبيعي في مرحلة زي دي، خاصة مع شخصيتك الانطوائية. بس أنتِ قوية وبتقدري تخرجي منها أقوى، إن شاء الله. خلينا نرتب خطة عملية بسيطة خطوة بخطوة، عشان تحسي بالفرق في أسبوع واحد بس: 1. ضبط النوم والفجر (أولوية أولى عشان البركة): الليلة دي قبل النوم: حددي موعد نوم ثابت 11 مساءً. اقرئي صفحتين قرآن قبلها (سورة الشرح أو الضحى للراحة النفسية)، وادعي ربنا يساعدكِ. اشربي كوباية ماء دافي مع عسل (مش قهوة!). الإيقاظ: حطي المنبه على 4:30 صباحاً، وابعديه عن السرير. لما يرن، قومي فوراً اغسلي وجهكِ بماء بارد، وصلّي ركعتين قيام الليل أو سنة الفجر. هتكسبي بركة اليوم كلها زي ما حسيتِ في الثانوية! هدف أول أسبوع: 7 ساعات نوم (11 مساءً - 6 صباحاً). لو نمتِ 12، متزعليش، قومي وقصّري النهار شوية. الإرادة بتيجي مع الاستمرار. 2. المذاكرة الفعّالة (عشان الامتحانات والمجموع): جدول بسيط جداً (مش معقد عشان متفشليش): قسّمي اليوم لـ3 كتل بس: | الوقت | المهمة | |-----------------|------------------------| | 5-8 صباحاً | محاضرة 1 + 2 (سمعيها بسرعة 1.5x، اكتبي النقاط الرئيسية فقط في 45 دقيقة لكل واحدة). | | 9-12 ظهراً | محاضرة 3 + 4 (نفس الطريقة، ركّزي على الرسوم والكلمات الرئيسية مش الترجمة كلها). | | 2-5 مساءً | مراجعة الـ4 محاضرات (صفحة واحدة بس لكل، 15 دقيقة max، وراجعي أسئلة امتحانات سابقة). | للتفكير المفرط: حدّدي تايمر 45 دقيقة لكل محاضرة، لو فكرتِ كتير قولي "كفاية" وانتقلي. هتخلصي الـ4 في 4 ساعات مش 12! نصيحة ذهبية: ابدئي كل جلسة بدعاء "رب زدني علماً"، وخلّصي 5 صفحات يومياً زي هدفكِ. لو فشلتِ يوم، ابدئي تاني مش تستسلمي. 3. الالتزام بالصلاة والراحة النفسية: صلّي الفرض في وقته، حتى لو قصيرة. ابدئي بالفجر يومياً، هيجيب الالتزام لباقي اليوم. استغفري 100 مرة يومياً (في أي وقت)، هترفعي الهمّ. للانهيار: كل ما يجيلكِ، اكتبي 3 حاجات شاكرة لها في ورقة (أهلك، فرصة الطب، صحتكِ). ده هيغيّر نظرتكِ. أنتِ مش لوحدك، كتير بنات زيك نجحوا في طب خاص رغم الاغتراب. حلمكِ طب هيحققه ربنا لو اجتهدتِ. لو عايزة دعم أكتر، ابحثي في فدني عن "كيفية تنظيم المذاكرة" أو "ضبط النوم"، هتلاقي إجابات من خبراء هتفيدك. ولو احتجتِ استشارة شخصية، روحي صفحة الخبراء هنا: https://www.fedni.net/experts (فيه متخصصين في التنمية الذاتية والدراسة). أنتِ هتبقي راضية عن حياتكِ قريب، صدقيني! ابدئي النهارده، وردي عليّ بعد أسبوع إيه اللي حصل 🌟. ربنا يوفقكِ ويباركلكِ! 💕
تم النشر الأربعاء، ٢٤ ديسمبر ٢٠٢٥
اهدي الاول وحاجه مهمه لازم تعرفيها الثانويه حاجه والكليه حاجه تانيه خالص يعني موضوع انك تلمي المنهج كله ومتسيبيش ولا كلمه ده خيال علمي حاولي ترجعي تظبطي يومك واربطي مذاكرتك بالصلوات يعني قسمي يومك بكل الحاجات اللي عاوزة تعمليها في ورقه بحيث مثلا تبقى الساعه 5 صلاة الفجر والاذكار وبعدها اكتر محاضرة مستغلساها وتدعي ربنا قبلها بالتوفيق. .ربنا أكرمك بفرصه متضيعيهاش وتضيعي تعب اهلك
تم النشر الأربعاء، ٢٤ ديسمبر ٢٠٢٥
بصي اللي هتقضيه في ترجمه وحفظ دلوقتي ده هيساعدك قدام ف متستهونيش ب اي مصطلح تتعلميه هي البدايه كده مع المواد الطبيه بيكون الترجمه طبعا مختلفه مهما كان مستواكي كويس في الانجليزي ف انتي كده بتبني نفسك هوني على نفسك وادخلي وسط الدحيحة ده افضل من انك تكوني وسط ناس مش بتاعت مذاكرة والصاحب ساحب مش عارفه جروبات معينه ده غير انا متخرجه من زمان واكيد الوضع بقى مختلف دلوقتي وقتها كنت جايبه قاموس طبي عشان افهم معنى الكلام بس حاليا الدنيا بقت مفتوحه وكله بقى على الابلكيشنز متوفر بسهوله
تم النشر الأربعاء، ٢٤ ديسمبر ٢٠٢٥
لا مبعرفش احفظ بس انا بعتمد اني اسمع شرح واترجم واكتب بس ف دا بياخد وقت كبير اوي، متعرفيش جروبات طيب عشان مش لاقيه والبنات الي بتبقى موجوده بحسهم دحيحين كدا انا عايزه واحده زي حالاتي
تم النشر الأربعاء، ٢٤ ديسمبر ٢٠٢٥
لم المنهج حاجه وحفظ كل كلمه حاجه تانيه يعني اكيد الدكاترة لما بيشرحوا بيركزوا على حاجات بيقولوا الجزئيه دي مهمه وعلى حسب كل مادة يعني فيه مواد اسئلتها مقالية وفيها mcq وفيه حاجات بتحتاج رسم افتكر مادة التشريح نجحت فيها بحفظ الرسومات وفيه مواد غتته ف حاولى تشوفي حد اكبر منك وتستفسري منها يعني لو معاكي بنات في السكن اكبر منك بسنه أو اتنين اكيد هيفيدوكي ولو مفيش شوفي على السوشيال ميديا ادخلي جروبات خاصه بالناس اللي زيك حتى لو مش هتتواصلي بنفسك هتلاقي ناس زيك بتسأل اقري الردود
تم النشر الأربعاء، ٢٤ ديسمبر ٢٠٢٥
لي خيال علمي طيب؟ منا محتاجه الم المنهج كله ف كدا مش هلحق؟؟؟
تم النشر الأربعاء، ٢٤ ديسمبر ٢٠٢٥
لعرض السؤال في فدني اضغط هنا