السلام عليكم محتاجه دكتور يفدني او حد متخصص
انا جتلي فترة كبيرة نومي منتظم بس نوم بليل كنت بنام حتى ٣ ساعات و لما بصحى مبعرفش ارجع انام تاني و النومه مبتكونش مريحة أبدا بينما من بعد الفجر بعرف انام نوم عميق جدا بفصل من الدنيا بمعنى اصح و بصحى دايخه بعده و تركيزي قليل ، فبقيت باخد منومات عشان اقدر انام بليل و الصبح بشرب قهوة الساعة ٩ الصبح و بتفضل مفوقاني فترة طويلة جدا بتخليني مش عارفه ارجع انام بليل"لإن في العادة انا مش مدمنة شاي و قهوه فبيأثرو فيا بشكل كبير "
فضلت كدا قُرب ٣ أسابيع لحد ما قررت ابطل المنوم و القهوة لإن سني صغير و ده غلط عليا
اللي حصل ان مبقتش اعرف انام بالليل خالص و تركيزي الصبح صفر
بدلت نومي بقيت انام الصبح و اصحى بالليل و ده أثر على حاجات كتيره في حياتي منها ان بقيت بنسى حاجات اساسية في يومي و تركيزي قل جدا بقيت إنسانة مُشتته جدا ، جربت ارجع اشرب قهوة تاني يمكن أبقى مركزة لما اصحى ، بس حتى القهوة مبقتش تديني احساس النشاط خالص بل ساعات بنام بعدها .
نفسي انام بالليل زي اي حد و اصحى الصبح و مش عارفه الاقي حل ، ونا ثانوية عامة و مش وقتو خالص تركيزي يقل ، و بالمناسبة موضوع النوم ملهوش علاقة بالتأثير النفسي لإن الحمد لله انا نفسيتي كويسة ، يا ريت حد يفيدني
بصي يابنت الحلال الكلام ده ليكي ومصلحتك أهم من أي حاجة وعشان السنة دي تعدي على خير لازم تلمي الدور في موضوع النوم ده أول حاجة كدة ارمي أي منومات في الزبالة لأنك لسه صغيرة والمنومات دي بتلحس المخ وبتضيع التركيز خالص والقهوة متشربيهاش بعد العصر نهائي عشان جسمك يلحق يهدأ وتعرفي تسقطي بالليل وما تسهريش للفجر وأهم حاجة تشدي على نفسك وتصحي الصبح بدري في ميعاد ثابت حتى لو منمتيش غير ساعة واحدة عشان تيجي على بليل تلاقي نفسك جبتي جاز وتنامي غصب عنك وتظبطي ساعتك البيولوجية والسرير ده معمول للنوم بس مش للمذاكرة ولا للموبايل عشان مخك ميسرحش وتركيزك يفضل في الكتاب وبس استعيدي تركيزك عشان الثانوية محتاجة دماغ فايقة مش واحدة ماشية بتخبط في الحيط ... ركزي واهلكي نفسك طول اليوم عشان لما تحطي رأسك على المخده تنامي فورا ... موفقه باذن الله 🌷
تم النشر السبت، ٩ مايو ٢٠٢٦
وعليكم السلام ورحمة الله وبركاته يا حبيبتي 🌸، أولاً، أشكرك إنك شاركتي تفاصيلك كده، وأنا فاهمة تماماً إزاي التبدل ده بيضايق حياتك اليومية، خاصة وأنتِ في ثانوية عامة ومحتاجة تركيز عالي. ده مشكلة شائعة اسمها اضطراب الساعة البيولوجية (circadian rhythm disorder)، بيحصل بسبب المنومات والكافيين اللي غيّروا دورة نومك، ودلوقتي جسمك متعود على النوم النهاري. الحمد لله إن نفسيتك كويسة، ده هيساعدك ترجعي طبيعي بسرعة إن شاء الله. حلول عملية خطوة بخطوة عشان ترجعي نومك بليل: حددي جدول نوم ثابت دلوقتي : ابدئي تنامي كل يوم الساعة 10 مساءً (بعد العشاء مباشرة)، واصحي الساعة 6 صباحاً. حتى لو مش هتنامي فوراً أول يومين، خليكِ ملتزمة. قومي فوراً لما المنبه يرن، ولا ترجعي تنامي. روتين قبل النوم (ساعة واحدة قبل 10) : اغسلي وجهك وإيديكِ بماية باردة شوية. صلي العشاء، واقرئي قرآن أو أذكار النوم (زي آية الكرسي والمعوذتين). تجنبي الجوال والشاشات تماماً (الضوء الأزرق بيخدع الدماغ إنه يوم). اشربي لبن دافئ مع عسل أو شاي أعشاب خفيف (مش كافيين). صباحاً عشان تفوقي : لما تصحي، افتحي الشباك وخدي ضوء الشمس 15 دقيقة (ده بيعدل ساعة جسمك). مارسي مشي خفيف 20 دقيقة في الهوا الطلق (مش تمارين ثقيلة). فطور صحي: بيض، فواكه، شوفان – مش قهوة أبداً في الأسبوع الأول. تجنبي القيلولة : لو حسيتِ نعسانة النهار، خدي قيلولة قصيرة جداً (20 دقيقة max) قبل 2 ظهراً، بس الأفضل صفر في الأيام الأولى. نظام يومي يدعم التركيز : قسمي يومك لفترات دراسة 50 دقيقة + 10 راحة (تقنية بومودورو). اشربي ماية كتير، وكلي وجبات منتظمة عشان الجوع ميضعفش التركيز. لو نسيتِ حاجات، استخدمي مذكرة هاتف أو ورقة يومية. هتعملي كده لأسبوع كامل، وهتلاحظي فرق كبير إن شاء الله. لو استمر التبدل أكتر من أسبوعين، روحي لدكتور نوم أو أعصاب (مش بديل عن استشارة طبية، بس دول خطوات أولية آمنة لسنك الصغير). في فدني، في خبراء رائعين في النوم والصحة النفسية، شوفيهم هنا: https://www.fedni.net/experts – ابحثي عن "اضطراب النوم" أو "تركيز"، هتلاقي إجابات مشابهة واستشارات. كمان، دوري على أسئلة مشابهة في التطبيق عشان تشوفي تجارب بنات زيك. أنتِ قوية وقادرة ترجعي أحسن من الأول.💪 إذا عايزة تحديثي بعد أسبوع، قوليلي. ربنا يوفقك وييسر أمرك 🌙. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٩ مايو ٢٠٢٦
لعرض السؤال في فدني اضغط هنا