انا 18سنه وكده والحمد لله بصلي ولو وقعت بتوب وارجع وكده الحمد لله اهلي مربياني احسن التربيه والحمد لله امي منتقبه بس مفيش اهتمام اوي فانا بحس بفراغ عاطفي واحتياج وعايز احس ان حد بيحب وجودي وكده وبقيت بحاول اتعرف على واحده بس تكون منتقبه اكبر مني وعارف ان الارتباط حرام وكمان انا تالته ثانوي وعلى طول لوحدي ومحدش عارف انا بحس بايه عامل ايه في مذاكرتي وكده علشان كنت بفكر في كده ان حد يسمعني او يكون مستنيني او مهتم بوجودي وكمان عندي صحاب بس مش بنتكلم خالص هما بيكلموا بعض ومحدش بيكلمني الا في الضروره اوي وكمان حاذف برامج السوشيال كلها فا بقيت من شخص الحمد لله بيغض بصره لحد بيحاول يتعرف ومش عارف اعمل وبقيت كاره نفسي
🎤 إجابة صوتية
تم النشر الجمعة، ٢٩ مايو ٢٠٢٦
شيل الفكرة من دماغك ، بأنك تكتفي بنفسك و تكون انت الداعم لنفسك ، ببساطة لازم تفهم نفسك ان الاحتياج ده مش وقته حاليا ولا مرحلته و لا مناسب ليك فما ينفعش تفكر فيه لانك كده بتهدر وقتك و مجهودك في الفاضي ، جرب تكتب لنفسك كل يوم كانك بتكلم حد تاني و ان شاء الله تلاقي خلاصك ، و بالتوفيق 😊
تم النشر الجمعة، ٢٩ مايو ٢٠٢٦
حاول انك تشغل وقتك اكتر كل ما تحس انك هتفكر او تسرح بخيالك قوم اتوضي وصلي ركعتين او اقرا قران حتي لو من التطبيق متسيبش نفسك للخيال والتفكير وذاكر اكتر ومش هقولك انزل اتمشي لانك لو نزلت تتمشي هتبص بس حاول انك تبقي شاغل وقتك لان ان لم تشغل نفسك بالطاعه شغلتك بالمعصيه
تم النشر الاثنين، ٢٥ مايو ٢٠٢٦
أخي، أفهم تمامًا الفراغ العاطفي اللي بتحسه، وهو شعور طبيعي في سنك خاصة مع الضغط الدراسي والوحدة. ربنا يقويك، وإنك بتصلي وبتتوب ده دليل على قوتك وتربيتك الحسنة، فمتكرهش نفسك أبدًا. ركز دلوقتي على مذاكرتك وتحقيق أهدافك، ده هيملأ جزء كبير من الفراغ ويبني ثقتك بنفسك. حاول تتواصل مع أهلك أكتر، أو تلاقي أصحاب صالحين من خلال المسجد أو أنشطة إسلامية. الارتباط حرام فعلاً، فابعد عن أي محاولات واستبدلها بطلب العلم والعبادة. ابحث في فدني عن أسئلة مشابهة عشان تلاقي إجابات أكتر، ولو الشعور مستمر روح لصفحة الخبراء: https://www.fedni.net/experts واستشر متخصص نفسي أو مربي. ربنا ييسر لك الخير.
تم النشر الاثنين، ٢٥ مايو ٢٠٢٦
طريق النجاح يحب الوحده ثانيا متكلم ربنا كده قبل الفجر و كلمه سبحانه و تعال قوله يارب انا حصل معايا كذا و كذا و انا فرحا من كذا و زعلان من كذا و بجد هتحس انك مرتاح اكتر من كلامك مع البشر
تم النشر الجمعة، ٢٩ مايو ٢٠٢٦
اقرأ القرآن بتأمل
تم النشر الجمعة، ٢٩ مايو ٢٠٢٦
تقبّل مشاعرك بدون جلد ذات: متكرهش نفسك ولا تحس بالذنب لمجرد إنك حسيت بفراغ؛ دي مشاعر إنسانية طبيعية جداً في سنك، المهم هو إزاي بنتعامل معاها. ركّز في هدفك الحالي: فاضل تكة صغيرة على امتحانات تالتة ثانوي، اعتبر الفترة دي "معسكر مغلق" لمستقبلك. كل طاقة الفراغ دي وجهها للمذاكرة والنجاح، والنجاح نفسه بيملا الفراغ وبيدي ثقة كبيرة بالنفس. املأ وقتك بالبدائل: بما إنك قاطع السوشيال ميديا (وده قرار ممتاز)، املأ وقت بريك المذاكرة بنشاط حركي (جيم، تمشية، رياضة) عشان تفرغ الطاقة المكبوة والضغط العصبي.
تم النشر الجمعة، ٢٩ مايو ٢٠٢٦
السلام عليكم يا بطل، في البداية أحب أحييك على صراحتك مع نفسك وعلى تربيتك وحرصك على رضا ربنا وثباتك رغم التحديات اللي بتمر بيها، ودي نقطة قوة كبيرة جداً في شخصيتك لازم تكون فخور بيها. مرحلة 18 سنة وضغط الثانوية العامة طبيعي جداً يخلي الإنسان يحس بالوحدة أو الفراغ العاطفي، لأن طاقتك كلها رايحة في المذاكرة والضغط العصبي، فبتحس إنك محتاج "ونيس" أو حد يدعمك. لكن الخطوات اللي بتفكر فيها (زي الارتباط) ممكن تشتتك أكتر في التوقيت ده بالذات وتزود عليك الضغط النفسي بدل ما تحله.
تم النشر الجمعة، ٢٩ مايو ٢٠٢٦
الشعور بالأهمية الأصل كونه نابع منك بطبيعة الحال وباستشعارك للأهمية اللي ربنا ادهالك كمسلم دا المصدر الأول عندك, لكن لو عايز يكون ليك صحبة وهكذا فممكن تكلمني أنا تالتة ثانوي برده, هتلاقي لينك في البروفايل بتاعي
تم النشر الاثنين، ٢٥ مايو ٢٠٢٦
بص الاحتياج هيفضل موجود والكل عارف بيه مش محدش حاسس بس الدنيا صاعبه وطاحنه الناس. وانت لسه قدامك بادري فركز في مذاكرتك وشوفلك شغلانه اول ما تدخل كليه هتشغل وقتك وهتغير شخصيتك كتير وتساعدك تتجوز بسرعه
تم النشر الاثنين، ٢٥ مايو ٢٠٢٦
لعرض السؤال في فدني اضغط هنا