بنتي عندها تلات سنين و4 شهور وإلى الان مش بتتكلم جمل خالص بتنطق بعض الكلمات السهله فقط وبتخاف جدا من الناس وحساسه جدا في مشاعرها وبتبكي من اقل حاجه ...
ولما تكون عايزه حاجه بتستخدم ايدها وتشاور اكتر من انها تنطق اسم الحاجه اللي محتاجاها ..ولما بتعمل حاجه غلط وانا قاعد اول ميجيلها الادراك ان هيا عملت حاجه غلط تبصلي وتخاف جدا وتبكي واللي بيقهرني انها بتبكي من غير صوت دموعها بتنزل وتبص بخوف ..
مره كانت بتشرب مياه وكبت شويه في دواسه العربيه لقيتها بصتلي بخوف جدا وعينها دمعت وانا عمال اقولها عادي عادي يا لين ولا يهمك عادي وببتسملها عشان متخفش ومسكتلها الميه رحت كابب باقيها في العربيه وقلتها متاخفيش عادي بس انا مقهور انها مش فهماني ولا فاهمه كلامي وبرضو حاسه انها عملت حاجه غلط ...
انا قلبي واجعني عليها جدا وانا عمري ما كنت عنيف معاها وبخاف علي مشاعرها جدا انا معنديش غيرها وبخاف عليها انا حاليا انفصلت عن امها ليا شهرين تقريبا بسبب مشاكل ما بينا وبروحلها يوم ويوم اخدها تقضي معايا اليوم بفسحها والاعبها في الملاهي هيا متعلقه بيا جدا وبتحبني بس نفسي انها تتكلم ومتخافش من الناس لاني سمعت من اكتر من حد قال قدامي انها كده عندها توحد وانا اتهزيت لما سمعت كده عليها وبقيت ببكي كل ما بشوفها وخايف جدا عليها ومش عارف اعمل ايه
السلام عليكم ده فى الاغلب تأثر بحالة الانفصال ووارد جدا البنت يكون اتكرر من مامتها او اى حد من الاشخاص اللى بتقعد معاهم باستمرار توبيخ وعقاب على الاخطاء الاطفال فى السن ده مش هيفتكروا ولا هيعرفوا يعبروا عن المواقف دى بس هيكون ليها اثر زى ما انت شايف عليها كده -ممكن كمان البنت تكون بتاخد تحذيرات كتير انها بلاش تغلط وتكون مؤدبه والا محدش هيحبها مثلا جرب تخرجها فى وجود مامتها وشوف هل الوضع زى ما هو ولا احسن تاخر الكلام محتاج جلسات مع مختص ومش شرط يكون توحد خالص متقلقش ان شاء الله بشكل عام مهما كان فى خلاف بينك وبين والدتها ضرورى تلاقوا طريقه تشتركوا فيها فيما يخص البنت وتربيتها واحتياجاتها لان ده هيفضل شىء مشترك بغض النظر عن الظروف
تم النشر السبت، ١٦ أغسطس ٢٠٢٥
السلام عليكم، هو بالنسبة لمشكلة الكلام وخوفك من إن حالتها تكون توحد فده اللي هيحدده بس أخصائي، فالأفضل متتأخرش وتعرضها على مختصيّ تخاطب ونفسية وإن شاء الله تتطمئن عليها. بالنسبة لخوفها الشديد منك في حالة ارتكبت خطأ، فهل وقت انفصالك عن والدتها حصلت مواجهات بينكم أو كان الانفصال سيئ جدا، هل شافت خناقات بينكم أو شافتك أنت تحديدا منفعل وغاضب بصورة شديدة خوفتها؟ ممكن يكون اللي هي فيه تبعات للانفصال وشعورها باختلاف الوضع عما كانت فيه قبل كده في بيت فيه أب وأم وحاليًا الوضع مختلف. إن شاء الله الخبراء التربويين والنفسيين هنا يجاوبوا عليك بمعلومات أكثر تخصصا، بس أعتقد هتحتاج لو فيه مشاكل أو خصومات مع الأم تحاولوا تحلوها وديًا وتحسنوا تعاملكم أمام البنت خصوصا عشان تحس بفرق وتطمئن. مش عارفة إذا كان فيه مجال للتصالح والرجوع ولا لأ بس إذا موجود فحاولوا تشتغلوا على ده يمكن هي محتاجة تحس باستقرار عائلي، لو رجوعكم هيعمل مشاكل أكبر لها فخلاص بلاش. وربنا يبارك لك فيها ويطمنك عليها إن شاء الله.
تم النشر السبت، ١٦ أغسطس ٢٠٢٥
شوف أنا أخويا كان مثلها بالضبط حاول إنك تروح تشوف ذكائها لأن أخي كان عنده نقص في الذكاء وطبعًا روحنا عند دكاترة تخاطب وتنمية مهارات ودلوقتي حالته أحسن من الأول. روح شوف بس وإن شاء ﷲ خير وياريت بسرعة ومش تتأخر وممكن يكون مش عندها حاجة بس خوف أو إنها معاك على طول ومش بتنزل تلعب مع حد
تم النشر الأحد، ١٧ أغسطس ٢٠٢٥
السلام عليكم أخي العزيز، أولاً، دعني أقول لك أن خوفك على بنتك ومحبتك لها واضحة جداً من كلامك، وهذا شيء جداً جميل ومهم، لأن الطفل يحتاج دائماً يشعر بالأمان والطمأنينة من أهله، وخاصة أبوه. ربنا معك ويقويك. بالنسبة لما تذكره عن بنتك التي عمرها 3 سنوات وأربعة شهور: تأخر الكلام وطريقة تعبيرها تأخر الكلام عند الأطفال يختلف من طفل لآخر، وبعض الأطفال يتأخرون في التحدث بجمل واضحة ويعبرون عن حاجاتهم بالإشارات أو كلمات بسيطة. وهذا أمر ممكن، ولا يعني بالضرورة مشكلة كبيرة، لكن يحتاج متابعة من متخصص. الخوف من الناس والحساسية العاطفية الشديدة الأطفال قد يكونون حساسين وعاطفيين بشكل زائد، وهذا شيء طبيعي عند بعضهم. لكن إذا كانت تخاف من الناس بطريقة غير عادية وتبكي بسهولة من أقل موقف، فهذا قد يكون مرتبط بمرحلة تكيف لها نتيجة الانفصال بينكما وبين والدتها أو قلق من تغيير روتينها. الخوف من الذنب عند الخطأ والبكاء بدون صوت هذه إحدى علامات الطفل الذي يحاول التعبير عن الخوف والهلع بطريقة عميقة، خاصة عند وجود اتصال قوي مع الأب مثلك. هذه الاستجابة العاطفية تحتاج لفهم وصبر. اشتباه التوحد سمعت أكثر من مرة عن احتمالية وجود توحد، وأنا أفهم أن هذا الخبر محير ويقتل القلب كما قلت، وهذا طبيعي جداً. لكن مهمة جداً أن لا نسرع في التشخيص، لأن الكثير من الأطفال لديهم بعض السمات التي تشبه التوحد لكنها مؤقتة أو نتيجة ظروف نفسية مختلفة. نصائحي لك: زيارة طبيب أطفال متخصص في النمو واللغة أو أخصائي نفسي للأطفال : هذه الخطوة مهمة جداً، لأن التشخيص الصحيح سيعطيك خطة واضحة، سواء كانت حالة تأخر كلام فقط أو حساسية عاطفية أو شيء آخر. الصبر والهدوء مع بنتك : قدم لها الدعم العاطفي دائماً، لا تصرخ عليها ولا تعاقبها بقسوة، بل تحدث معها بهدوء، وشجعها على الاندماج في اللعب مع أطفال آخرين تدريجياً. تنظيم وقت الالتقاء واللعب : استمر في اصطحابها للفسح واللعب، هذه الأمور تساعدها على اكتساب مهارات اجتماعية جديدة ورفع ثقتها بنفسها. التواصل مع والدتها بشكل هادئ ومنظم : التنسيق بينكم مهم جداً لدعم بنتكم بشكل متكامل، خاصة في هذه المرحلة الحساسة. لا تقس على نفسك ولا تشعر بالذنب هذا وضع صعب، لكن تذكّر أن وجودك معها ودعمك لا يقدر بثمن. إذا أردت، بإمكانك الاستعانة بخبراء مختصين في النمو النفسي والتوحد من خلال صفحة الخبراء على موقع فدني https://www.fedni.net/experts ليقدموا لك استشارة مباشرة تلبي احتياجاتك. أيضاً، أنصحك بالبحث في فدني عن أسئلة وتجارب أخرى قد تقارب موضوع ابنك لتستفيد من تجارب وأفكار مختلفة. أنا هنا دائماً إذا أحببت أن تتحدث أو تحتاج توجيه، ولا تنسى بأنك تقوم بواجب عظيم بحبك وحرصك الدائم على بنتك. ربنا يوفقكم ويرزقها الصحة والسعادة والحفظ. ذكية معك، وأرسل لك الدعم والتشجيع.
تم النشر السبت، ١٦ أغسطس ٢٠٢٥
استشير دكتور أطفال او جراح على لسانها
تم النشر الاثنين، ١٨ أغسطس ٢٠٢٥
يمكن عندها مشكلة في السمع .. لأن الشخص بيتكلم الكلام اللي سمعه
تم النشر الأحد، ١٧ أغسطس ٢٠٢٥
وديها لأخصائي تخاطب علشان الكلام أما موضوع الخوف لازم ولابد البنت تحس بالامان يعني بلاش تزعق لحد من اخواتها قدامها أو بلاش تتخانقوا قدامها ولازم تروح لطبيب نفسي يعرف ايه المشكلة عندها ممكن يكون عندها اضطراب القلق العام وهو الخوف من اي حاجه الخوف من الأصوات العالية الخوف من وقوع كوبايه
تم النشر السبت، ١٦ أغسطس ٢٠٢٥
لعرض السؤال في فدني اضغط هنا