في زميل كان معايه من ايام المدرسة بعتله ادد بس بعد منها بيدخل يكلمني كل فترة ويسألني عن الشغل وانا اعرف عنه حاجات بردو وهو فاكر عني حاجات كتيره وانا صغيره بحس انه فيه اهتمام يعني أو إعجاب مش عارفه مش بحاول اني أطول معه في الشات لاني مش فاهمه نيته ليكون عاوز يتسلى وانا مش كده فلما يبعتلي تاني اكلمه ولا لا لو نزلت ستوري مثلا يدخل يعلق عليها ويفتح كلام فأنا مش فاهمه اكلمه ولا مكلمهوش وممكن يكون ايه نيته
السلام عليكم، بغض النظر عن نيته حلوة ولا وحشة، هي لا تعنينا في شيء. أنتِ خلي فيه حدود وحافظي عليها. قللي الرد على الشات وإذا حصل ورديتِ يكون برسمية تامة، أو يُفضل أصلا تمنعيه تمامًا. والله نيته حلوة لنفسه وحشة تكوني حفظتِ نفسك، وهو لو فيه إعجاب زي ما بتقولي وممكن يفكر إنه يتقدم مثلا فوقت ما يكون جاد ويقرر يبقى يدخل البيت من بابه وده اللي هيؤكد إنه جاد فعلا ونيته جادة. الكلام في الشات حتى لو واضعة حدود وبتحاولي تحفظيها ومهما ظهر إنه محترم ومجرد كلام عادي بدون تجاوز محدش عارف امتى الحدود تتشال من غير ما تحسي والشيطان يتدخل ويزين لنا الطريق مع الوقت. ربنا عمل لنا حدود بين الجنسين فليه نفتح على نفسنا باب يجيب لنا المشاكل وتعب القلب. ربنا يحفظك.
تم النشر الثلاثاء، ٢٥ نوفمبر ٢٠٢٥
نصيحة من اخ جرب وعايش ف وجع ما بين الحب سيبيها بالحلال لكن حوار الحب والارتباط ده امنعيه خالص لأنك هتتعبي وتندمي والي بيحبك وعايزك الباب مفتوح ياخد رقم ابوكي غير كدا اقفلي الباب
تم النشر الأربعاء، ٢٦ نوفمبر ٢٠٢٥
مش هتستفادي حاجة لو كلمتيه بل اكيد هتخسري .. ومش هتخسري حاجة لو قطعتي معاه بل اكيد هتستفادي
تم النشر الخميس، ٢٧ نوفمبر ٢٠٢٥
السلام عليكم ورحمة الله وبركاته ـ اذا كانت مشكلتك في انه بيتسلي ولا لا فهذا ليست هي المشكله هناك مشكله اعظم يجب النظر إليها.
تم النشر الثلاثاء، ٢٥ نوفمبر ٢٠٢٥
السلام عليكم و رحمة اللّٰه و بركاته، يستحسن تقفلي الباب ده تماماً و تقطعي اي حاجه ممكن تخليكم تتواصلوا، عارفه إنك واثقة إنك ملكيش في الغلط بس احذري مجرد م أنتِ مواربه الباب الشيطان هيدخلك منه ،مش دلوقتي و لكن مع الوقت ، مفيش أكثر من البنات اللي دخلولها شباب بنفس الطريقة و الشيطان مره في مره وقعهم في دوامة كبيرة مش عارفين يخرجوا منها.. ف احفظي نفسك من الفتن دلوقتي أحسن من الوقوع في الغلط بعدين، و بالتوفيق
تم النشر الثلاثاء، ٢٥ نوفمبر ٢٠٢٥
ليه بقي ايه اللي باين ؟
تم النشر الثلاثاء، ٢٥ نوفمبر ٢٠٢٥
لعرض السؤال في فدني اضغط هنا