اتا دلوقتي في تانيه ثانوي وحبيت واحد أكبر مني بست سنين متستغربوش عمر ما كان الحب بالسن
المهم هو ابتدا يجيلي في الأحلام ده قبل ما احبو او افكر في ولما فسرت الحلم قال إن الشخص ده بيفكر بيكي كده ومن هنا ابتديت أعجب به واحبو
احنا ناس مستوانا كويس والصراحه لما بشوفو في الشارع بيبص لدرجه هو شكيت انو فعلا معجب بيا لما الاقيه بيبص
السؤال هنا احنا مستوانا كويس وهما برضو كويسين انا دلوقتي مفكرتش امتى هيجي يرتبط بيا بفكر هل لو فعلا فيما بعد جه اتقدم لي اهلي هيوافقو علي اظن لا
لأن كليه بتاعتو مش ال هي يعني وغير كده احنا الاتنين عايشين في نفس القريه يعني لو جه وكتب نصيب أمي هترضي تخليني اقعد في القريه هي هي بس انا لو عليا لو انا عشت معاه مش عايزه حاجه تاني والله وخصوصا ان انا ممكن اخش كليه أعلى منو واهلو مش هيوافقو عليه وأنا ولله حبيتو
السلام عليكم وقفى احلام تخص الشخص ده عشان كلها مبنيه على اوهام وانتى تعرفيه بشكل سطحى جدا يعنى فى احتمالات كتير ان الواقع بتاعه ميكونش زى اللى فى خيالك لدرجة انك تكتفى بيه زى ما انتى متخيله فسيبى الموضوع للنصيب زى ما بتقولى ولو خبط على بابكم ساعتها ابقى فكرى الموضوع اعجاب وانجذاب طبيعى بلاش بافكارك يتحول لشىء تانى يضايقك ويتعب نفسيتك ع الفاضى
تم النشر السبت، ٢ أغسطس ٢٠٢٥
السلام عليكم، بلاش استغراق في الأحلام عشان مصلحتك. عادي تحسي بميل أو إعجاب أو حتى حب ناحية شخص لكن بلاش تعيشي نفسك في أحلام ممكن ميكونش لها أي أساس في الواقع وتكون أفكارك دي كلها تأثير من مشاعرك مش أكتر. لو الشخص ده بيحبك فعلا فهو هيتقدم لك ووقتها فكري توافقي أو لأ، وهل هو فعلا مناسب كزوج ولا لأ. لكن حاليًا مفيش معنى خالص لأي نظرات من ناحيته لأن ممكن تكوني متوهمة عادي وتفضلي تعلقي نفسك بحاجة مش حقيقية وتتعبي بعدين لحد ما تتخلصي من تعلقك ده. انتِ دلوقتي المفروض تركزي في حياتك ودراستك وتطوري نفسك عشان وقت الاختيار تعرفي تختاري صح ولما تتزوجي تكوني ناجحة في علاقتك وفاهمة حقوقك وواجباتك. بالتوفيق.
تم النشر الأحد، ٣ أغسطس ٢٠٢٥
احترم مشاعرك ولكن ممكن انك فكرتي زيادة وده وزيادة التفكير سبب انه جالك في الأحلام .. وممكن انه في الشارع كان بيبص عادي لأنك بتبصي له مثلا .. تاني بحترم مشاعرك ولكن مش دايما اللي عايزينه بيحصل ومش دايما اللي بنعجب بيه بيكون هو اللي هيحترمنا / وفي الاختيار الأفضل انك متفكريش بالعاطفة والإعجاب لأن في ممثلين محترفين / فكري بالعقل وشوفي السمعة والله المستعان
تم النشر الجمعة، ١ أغسطس ٢٠٢٥
لعرض السؤال في فدني اضغط هنا