انا طالبه في تالته ثانوي حياتي لو حد شافها هيقول اني بنت مثاليه جدا وحتى انا بالنسبه لاهلي كدا بالرغم اني الوسطانيه لكن كل اخواتي وبابا وماما بيثقوا في قراراتي وبياخدوا رأيي في كل حاجه ودا فضل من عند الله لاني متحدثه جيده
انا عارفه عيوبي كويس اوي ومشكلتي اللي مبوظه حياتي اني بعاني من ذكرى قاسيه في طفولتي ولدلوقتي لما بسمع طفل اتعرض للتحرش بفقد جزء كبير من تركيزي وبيجيلي شعور صعب وبسرح ف اللاشئ
بكره نفسي لاني سكت وشايفه نفسي اوحش منه حاسه اني مخادعه وكأني شخصيتي اللي بخرجها للناس دي مش حقيقيه وفي حاجه تاني بعملها سيئه جدا انا ممكن اتعرف على ولد واتكلم معاه على النت مش في الحقيقه واقولو عن حياه واشخاص في حياتي مش موجوده اصلا وبفضل اتخيل سيناريوهات من دماغي واحكيها كأنها حياتي واتعلق بيه بشخصيتي الوهميه وهو كمان بيتعلق بيا
بعيش جو مختلف جوا الشات وبمجرد ما اقفل الفون بيجيلي شعور بالندم شعور بيقطعني من جوه وبعمل بلوك لما يشتد عليا الشعور بس هو أوقات بيرجع ويقولي ان حبني بجد بس معنديش الجرأة اني اجرحه واقول اني مفيش حاجه انت تعرفها عني حقيقيه بيكون محور كلامنا مناقشات ممكن عن الحياه ولو اتكلمنا عن العلاقه الجنسية بوضحله ان غلط كبير ان يعمل كدا قبل الزواج وبستمتع اوي لما اعيش اني بنصح وبفرح اكتر لما يقتنع
بدأت اكلم اولاد من وانا عندي 14 سنه وفي اللي كان ببعجبه شخصيتي ويتمسك بيا جدا بس انا كنت بهرب وببعد بس انا حرفيا بعاني....
السلام عليكم ورحمه الله وبركاته. مرحب اقول لك انه كل اللي انت عايشاه هو بسبب انك ما تعاملتيش صح مع الموضوع بتاع التحرش للاسف والتعامل الصح هو مش انك تلومي نفسك وبتعامل الصح مش هو انك كنت وقتها تتصرفي تصرف اخر الحدث حصل وبس ايا كان هو حصل ازاي فهو حصل انه في شخص اخر هو اللي تعدى على خصوصيتك هو اللي اتعدى على ااا جسمك وهو اللي عدى الحدود. هنا ما ينفعش ان انا ابدا الوم في رد الفعل الوم في الشخص اللي اتخض الوم في الشخص المصدوم ااا كمان لو كنت طفله صغيره الحياه هيفضل فيها حاجات كده وحاجات كده بس الحكمه ومطلوب مننا دايما ان احنا نعرف نتعامل في الصح علشان نكمل بيه نعرف نتعامل بالغلط عشان نوقفه ونخليهوش يوصل لمرحله اصلا. فانت في اغلب الظن انت ما كنتيش تعرفي اصلا هو ايه اللي بيحصل ده اا عقلك ما كانش هيعمل ربط سريع انه اللي بيحصل ده غلط وزي وقفه وساعتها ويفك يعني ده بيبقى صعب جدا فاا مش ده التعامل الصح انك تعملي اللي انت بتعمليه دلوقتي انك بتلومي نفسك التعامل الصح هو اني ابدا رحله من التعافي من الصدمه دي ومن الموقف ده علشان اللي حاصل دلوقتي انك واقفه عند الموقف ده انت نفسيتك واقفه عند الموقف ده والحياه كلها اتحركت لكن انت نفسيتك واقفه هناك واقفه هناك وبتقول اه خلاص انا الحياه توقفت هناك. وكل اللي مكمل ده ده مش انت لذلك انت لما بتيجي تتكلمي مع اي حد انت رافضه ااا الواقع بتاعك ده لانك لسه شايفه نفسك في الماضي عند الموقف السيء بتاع التحرش وبتحاولي بقى انك تنسجي اي احداث انت ممكن تكوني متقبلاها او تكوني مبسوطه بيها لو هي حصلت فعلا كفايه رفض من جواكي لنفسك وكفايه رفض الواقع وخلينا نتعامل صح لازم نتكلم عن اللي حصل ده مع شخص قريب مننا علشان بس الموقف يخرج من جوانا احنا مش عايزين نبقى كل الناس عرفت انه انا تعرضت للموقف ده ولكن يكفي شخص واحد من العيله. اخت اخ ايا كان مين ان انت تثقي فيه انك تكلمي عن الموقف ده وعن احساسك في الوقت ده واا عن المشاعر اللي لسه ملاكي من وقت الموقف ده دي خطوه ضروريه جدا بعدها هتبدئي تبصي لنفسك وتقيميها من اول وجديد تبصي لنفسك بمميزاتها وبعيوبها تبصي لحياتك بالحلو اللي فيها بالوحشه اللي فيها وتعرفي ان طول الوقت.
تم النشر الأربعاء، ٣٠ أبريل ٢٠٢٥
عزيزتي، أقدر مشاعرك وشفافيتك في مشاركتك لتجربتك. يبدو أنك تعانين من صراع داخلي كبير بين الصورة المثالية التي تظهريها للآخرين وما تشعرين به في الداخل. من الطبيعي أن تشعري بالندم عندما تتعاملين مع ماضيك وتجاربك الصعبة، ولكن يجب أن تعرفي أن الاعتراف بتلك التجارب هو خطوة مهمة نحو الشفاء. تجربتك مع اللحظات الصعبة في الطفولة قد تترك أثرًا في حياتك، ومن الجميل أنك تعرفين عيوبك وتريدين تحسين نفسك. إن الشعور بالخداع بسبب اتخاذ شخصية وهمية للتواصل مع الآخرين هو شعور معقد، وقد يكون ناتجًا عن انعدام الثقة بالنفس أو الرغبة في الهروب من واقع مؤلم. أدرك أن نصائحك للآخرين قد تجعلك تشعرين بأن لديك شيئًا إيجابيًا تقدميه، ولكن من المهم أن تعكسي أيضًا هذه النصائح على نفسك. خذي وقتاً للتفكير في ما يمكنك تحقيقه في حياتك الحقيقية، وابحثي عن طرق لتعزيز ثقتك بنفسك في هذه الحياة. يُعتبر الحديث إلى شخص موثوق، سواء كان صديقًا مقربًا أو مستشارًا، خطوة فعالة لمساعدتك على معالجة مشاعرك ومواجهة التحديات التي تعانين منها. تذكري أن لا تخجلي من طلب المساعدة. وأخيرًا، فإن قدرتك على المساعدة والنصح للآخرين تُظهر أنك تتمتعين بروح جميلة. كوني لطيفة مع نفسك، وامنحي نفسك الوقت لتتعافي وتتعرفي على نفسك الحقيقية.
تم النشر الأربعاء، ٣٠ أبريل ٢٠٢٥
لعرض السؤال في فدني اضغط هنا