مشكلتي من وانا صغيره عندي احساس اني مش حلوه مع أن كل اصحابي واهلي بيقولولي اني حلوه ومش بحب شكلي ولا كنت احب اشوف شكلي في المرايه نفسي بجد احب شكلي و ارضي عنه
ده بيبقى غصب عنك عشان فكرة غلط اتكونت عندك لمعنى البنت الحلوة فى صورة مواصفات محددة مترسخة جوه عقلك ممكن تكونى عارفاها او مش عارفاها دلوقتى موقف قديم وانتى طفلة كان فيه مقارنه رأى حد بتحبيه اوى وعرفتى...
لأ انتي حلوه طبعا عشان خلقه ربنا وبعدين الحلاوه في الروح مش بالشكل خالص لأن الجمال مسيره يروح مع كبر السن تاني حاجه الجميله دي بعد مابتموت بتبقي تراب ولكن اللي بيفضل الروح الطيبه وهي مش بالشكل
كيف لا يحب المرء نفسه والله من خلقه؟! لازم تقدري خلق الله لكي على هذه الهيئة بل وتحمديه وتشكريه، فأنا أخاف من نكران النعمة، والأذواق مختلفة عموما والجمال الخارجي مهم إلا أن الداخل أهم وأهم وأهم.
الحمد لله طبعا وربنا يسامحني علي عدم حبي لشكلي بس ربنا العالم اني مش ناكره فضله لان الحمد لله احسن من غيري كتييير
اهم حاجه فى البنت اخلاقها لازم تبقى عارفه ده وكمان اهم حاجه لازم ثقتك متقلش وبس ربنا يوفقك ويفرحك يا قلبى💜💜
هطلع من جو الفصحى واقولك حاجة، انا زمان كنت شايف نفسي مش جميل وكانوا اصدقائي بيستغربوا ومكنتش بصدقهم لأنهم اكيد بيجاملوا ، لحد واحد صديق ليا الله يجازيه الخير قالي شوف نفسك جميل وسيبك من الناس، اللي يشوف نفسه مش جميل هيتضايق ويتعب من غير داعي! فشوفي نفسك كده وانتي هتحبي نفسك بس من غير ما تتغري لأن ممكن مع الوقت تحبي نفسك زيادة فيقلب غرور ووقتها هيبقى هو ده المذموم.
المشكله اني بتتقد نفسي في كل حاجه في شكلي وشخصيتي ودائما بلوم حالي علي اي مشكله بتحصلي ومش عارفه اغير ده رغم أن في ناس كتيره شايفاني شخصيه قويه وناجحه وشكلي حلو بس انا مش شايفه كده
انا كنت كده مع انى حلوه هقولك حاجه كنت بعمله عملت معايا مفعول ممكن تبقى هبله شويه وانتى نازله بصى لنفسك فى المرايا واعقدى قولى كلام حلو كتير لنفسك وعلطول حطى فى دماغك انك احلى واحده بدينك واخلاقك وبعدين شكلك 💜💜
تمام بس انا يمكن مش مأثر فيا الكلام ده علشان انا مش مقتنعه داخليا اني حلوه او مترسخ في عقلي اني مش حلوه مع أن ناس كتيره تقولي اني حلوه
اقلبي عليهم ااترابيزة وعاملى ارائهم على انها اراء غير سوية ناتجة من وجودهم فى مجتمع عندى مشاكل نفسيه ومادية وحالته زفت وانهم عندهم تدنى فى تقديرهم لنفسه انقلب عل نحيطهم
الانتقاد مهم لكن في الخطأ فقط مش اي حاجة ننتقد نفسنا!، ولازم تعرفي انك مش هتبقي مثالية مهما عملتي، لازم تشوفي الحلو دايما في نفسك وتكوني متفائلة شوية
اقرأي كتير وحبي نفسك واتصوري كتير كتير جداً وانتي بتبتسمي وانتي بتفرحي وبكل حالاتك هتحبي نفسك بجد وتقبلي نفسك وحبيها واقتنعي انك جميلة دايما وبرضو اتصوري كتير وحبي الصور اللي بتتصوريها واللى متعجبكيش اتصوري غيرها عادي ومتزهقيش ☺️
لعرض السؤال في فدني اضغط هنا