انا شاب عندي 17 سنة، اتعرضت للاعتداء الجنسي من ٣ اقاربي مش مره ولا اتنين بلا مرات لا تُعد ولا تحصي في كثير من المرات الي متمسحتش من ذاكرتي، كنت طفل لم اتجاوز ال٧ او ال٨ سنين، اتعرضت للاعتداء من (بن خالتي واخوه وبن خالي) علي العموم دول كانوا العائلة كلها بتحبهم خصوصا اول واحد اعتداء عليا (بن خالتي) كان له معزه خاصه عند الكل علشان كان شبه الاجانب وكدا، رغم انهم كانوا بيمارسوا فيا جريمة إلا اني لما كنت مش بسمع كلامهم كانوا بيهددوني انهم هيقولوا لامي وانهم هيودوني في داهيه وانا طبعا علشان زي العبيط كنت بخاف وبسمع كلامهم او بعيش في رعب انهم يقولوا لحد (مكنتش اعرف اني الضحية وانهم المجرمين كل الي اعرفه ان لو امي عرفت هتموتني) كنت دايما بتعرض للعنف والاهانة من امي ومن الي حوليا اني منسون ومش بعرف ادافع عن نفسي ولا اتخانق ولا اعمل اي حاجة، امي كانت دايما بتشوف بن خالتها الي اكبر مني بسنه راجل ويعتمد عليه وبيريح امه و و و وانا kh_ول بتكسف منسون، وكانت دايما تتخانق مع ابويا بسبب انه مش معلمني الرجولة وابويا طبعا اخره انه يضربني بالحزام مش اكتر، ابويا بقا ملهوش اي لازمة في حياتي وبفضل العن اليوم الي اتولدت فيه لدرجة اني شكيت انا وصغير انه ابويا وكنت عايز اعمل تحليل DNA، كان اب غير مسؤول بالمره عمره معلمني اي حاجة ولا كان قدوة ليا في اي حاجة كل الي بيعمله انه بيروح الشغل، يرجع ينام، يصحي ياكل، يروح الشغل، يرجع يأما يقعد في غرفته علي الكمبيوتر او علي التلفزيون ويقعد يزعق ويشخط يأما بينزل لأصحابه وده يومه ولا ليه اي علاقة بينا اهم حاجة عنده شغله (هتقولوا ما هو بيتعب علشان يوفرلكوا فلوس، هقولك لا هو بيحب الشغل وبيروحه علشان يتهرب مننا مش اكتر) منكرش اني بكرهه كره العمى وانه السبب في انه تم الاعتداء عليا لانه لو كان قريب مني او كان مهتم بينا شويه يمكن مكنش حصل ده..
كبرت وعرفت وفهمت واكتشفت اني gay بنجذب لنفس جنسي طبعا الموضوع في الاول كان كالآتي : شوية اقول اني شاذ وشوية اقول لا انا مش كدا شويك انا كدا وشوية لا مش كدا.. من ساعة ما فهمت وعرفت وانا بقيت بتعذب من جوايا في اليوم الف مره والي اعتدوا عليا عايشين ومبسوطين وكان مفيش اي حاجة حصلت حاليا واحد منهم اتجوز وخلف ومبسوط في حياتة والتاني خاطب ونفس الامر مبسوط في حياتة والتالت بيجهز نفسه اما انا فزي ما انا عيل شاذ بينجذب لنفس جنسه ومش عارف يعمل ايه في حياته ودنيته، عيل كل يوم يحس بالنقص مبين اصحابه والناس (لانه فقد شرفه)، اخدت خطوة الانت_حار كزا مره بس للاسف مقدرتش اعملها ولكن حاليا انا قررت قرار نهائي باني انتح_ر واخلص من القرف الي انا عايش فيه.. حرفيا زهقت من كمية النقص والضعف والمهانه الي انا فيها بلعن كل يوم انا عشته وبلعن حياتي الي زي الجحيم
أولا لازم تكون متأكد أنك مش شاذ .. أنت إنسان طبيعي وجيناتك الوراثية هي جينات الذكور لا تختلف عنها في أي شيء ثانيا ما حدث لك في صغرك أنت غير مسؤول عنه - ولابد أن تكون موقنا أن الله عز وجل أرحم من أن يد...
انا دكتور نفسي ممكن تتواصل معايا وانا هساعدك تتخطى الموضوع دا وتلاقي حل للمشكله او نحلها نهائي
الانتحار عمره ما كان حل .. كل مشكلة ولها حل حل مشكلتك انك تروح لاخصائي نفسي ومن بكره ... متسناش اكتر من كده .. مش انت عايز حل روح لاخصائي .. اما الانتحار مش حل .. انت هتبقى خسرت دنيتك وانت لسه في عز ش...
ابتلاء صعب اوى ...طبعا اهلك مسؤولين عن ده ...رفضك لفكرة الانجذاب بيأكد انك مش شاذ والحمدلله تفتكر حتى لو اهلك كانوا مش واخدين بالهم منك ومش حاسين بيك ...لكن ربنا شايف وحاسس بيك وربنا هو اللى خلاك توصل...
بص يا حبيب قلب اخوك اولا قبل متأذي نفسك عيزك تستهدي بالله سبحانه وتعالي و تعرف ان ربنا هياخد حقك تالت ومتلت يوم القيامه و يمكن ال حصل فيك يكون سبب دخولك للجنه هتقولي يعم ونبي مش ناقصة كلام دا بقولك تع...
فكرة الانتحار دي هتعذبك مش حلوة مفهاش راحه
حرفيا معنديش اي قابليه للحياة ولا للعيش اكتر من كدا، تعبت من كل حاجة من التفكير ومن العار الي ملاحقني ومن شذوذي ومن غبائي وقله حيلتي وضعفي
ولما تنتحر اى الى هيحصل تفتكر؟
الي انت مريت بيه صعب جدا هم حقيقي مش بشر طبيعيين ولا اسوياء عشان يعملوا الي عملوه معاك ده ويعيشوا حياتهم طبيعي ... انت من حقك تعيش راجل طبيعي الذكريات الي فاتت والاثر النفسي والاثر ف الميول هياخد وقت ...
اولا ابعد عن فكرة الانتحار عشان انت مش عارف اللي هتقابله بعد ماتنتحر فا متخليش الشيطان يعميك ارجع لربنا لانه الوحيد اللي هيخرجك من ال انت فيه ، ثانيا مش هقولك انسا اللي حصل معاك لا خليك فاكره وحاطه فدماغك علشان لما تقف على رجلك وتعدي من الفتره دي تدوس على اللي عملو فيك كده حط دا دافع قدامك عشان تشوف ف عينهم دموعك اللي بتدمعها دلوقتي مش هقولك سامح وبتاع لا افشخ ميتين ابوهم بس لما تبقا قوي وتبقا بمعنى اصح اقوى منهم، ثالثا شيل فكرة الشذوذ من دماغك انت طبيعي ودي وسوسة شيطان عشان يوقعك ف الحفره اكتر مانت واقع اثبت على الفطره وخليك مع ربنا لحد ماافتره دي تعدي وتنتقم منهم (شيل فكرة انك بتنجذب لنفس جنسك دي من راسك انت مجربتش تعمل حاجه مع جنس تاني عشان تحكم) رابعا فكرة انك تبقا راجل مش منسون "زي مابتقول" دي معتمده بشكل كلي على المواقف اللي بتمر بيها محدش بيتولد كده حاول تتعامل مع الناس وانزل الشارع واشتغل اي شغل ولو بتتعلم فانت دلوقتي في تالته او تانيه ثانوي ركز في دراستك وانجح عشان زي ماقولتلك بمجرد ماهتقف على رجلك وتعدي من الفتره دي هتدوس على اللي عملو فيك كده.
يا عزيزي .. لكل إنسان إبتلاء في حياته ، ولعل هذا هو أبتلاؤك في الدنيا ، وعليك أن تجاهد نفسك فيه ، لا تستسلم بنعت نفسك بال "جاي" ، ولا تكفر بالإنتحار فتخلد في جهنم! ما الطريق إذا؟ الطريق الوحيد هو أن تضع نصب عينيك هدفا هو أن تغير من فكرة ميولك المثلي مهما كلفك هذا ، خذ برأي الأطباء ، تناول بعض العقاقير مثل هرمونات الذكورة ، العب جيم ، مارس رياضة ، ومهما حصل ، ومهما كبوت ، عد وقف على قدميك وحاول مرة أخرى ، وضع في رأسك أنه ليس هناك عدد محدد من المحاولات تكون قد فشلت بعده ، ولكن على بن آدم مجاهدة نفسه طالما دخل النفس صدره. ثم أنك تظلم أباك ، فنحن في زمن صعب ، من استطاع أن يوفر لأبنائه مأوى ومأكل وملبس فقد أدى ، فهناك من لا يستطيع ذلك فتضيع ذريته. دعك من ميولك الجنسية ، فالغرب تقدم وهو يقبل ال "جايز" ويتعامل معهم بلا أدنى حرج أفرادا طبيعيين ، انظر إلى ما عليك كمسلم وأده ، رتب يومك قاصداً به آخرتك ، وليس دنياك ، فالدنيا فانية وأنت كما قلت ضحية ولن تحاسب على ماضيك ، بل هم من سيحاسبون ، فلا تفقد ما بقى لك من عمرك وأنت تستطيع أن تملؤه بالطاعات وما يقربك من الجنة ويبعدك عن النار.
إن فكرة الميول الجنسي ما هي إلا إحدى أدنى الحاجات (هرم ماسلو) وغايته الإشبع شاذا كان او سويا ، مثل ذلك الجوع غايته الاشباع طعمية كانت أو كفته ، ثم ماذا بعد الاشباع؟! هذا ما يجب عليك أن تفكر فيه بعد ان تشبع؟هذا هو ما تستطيع ان تغيره بنفسك فركز فيه وبتغييره سوف يكون ساعتها تغيير ميولك الجنسي شئ سهل ، لأنك في مرحلة المراهقة التي يتصور الشاب فيها أن الفحولة هي كل شئ وما عداها توافه وهامشيات ، في حين أن الحقيقة هي عكس ذلك تماماً ، فإشباع الحاجات الدنيا (الجسدية) هي أتفه الأشياء ، ودليل على ذلك تكرارها: كم مرة تأكل في اليوم؟ كم مرة تشرب في اليوم؟ كم مرة تتنفس في الدقيقة؟ كم مرة تمارس الجنس في الاسبوع؟ ليست هذه الأشياء أهدافاً للحياة ، بل هي مجرد لوازم أو أسباب ، ويجب عليك أن تضع أهدافاً كبرى لتحققها في حياتك كالزحزحة عن النار ودخول الجنة مثلاً
لا تشغل بالك بيهم ولا بالماضي أنت اصنع حاضرك ومستقبلك اعتمد على نفسك أبدا غير كل السلبيات دي اصنع لنفسك شخصيه جديد غير اللي فات كله بعدين ف مثلين تغيرو وقدرو يتخطو المرض ده وحياتهم رجعت طبيعيه المهم انت اطلع من هوية المسكين المعتدي عليه واجه نفسك وابدأ واتغير ياصديقي
اكبر خطأ هوا تفكيرك في الانتحار وبعدين انت كنت صغير متلومش نفسك ، ميولك الجنسيه دي تقدر تغيرها بالصلاه تصلي الوقت بوقته وتكلم ربنا ونت ساجد كأنك بتتكلم مع حد متخفش صلاتك هتكون مقبوله ان شاء الله وربنا يعينك على البلاء ده + ربنا يبتلي اللي بيحبه
بص انت بجد لازم تشيل فكره الانتحار ديه من دماغك مفيش اي حاجه تستاهل انك تعمل كده في نفسك انت محتاج تروح لدكتور نفسي متخصص في الحاجات ديه وده شئ عادي انا كنت شغاله مع دكتور نفسي كان بيستقبل حجات زي ديه و فعلا كانوا بيتحسنوا و بيقدروا يدخلوا علاقه مع ستات فمتيئسش خالص و ميولك ده ينفع يتغير ،، والناس الي عملت كده هما مينفعش يعشوا حياتهم عادي هما بجد لازم يتفضحوا و تواجه الكل بحقيتهم اولهم خطيبته و مرات الولد التاني و غيره و صدقني مفيش حد يستاهل انك تتضحي بحياتك عشانه
أوعي تيأس من رحمه ربنا خليك عندك يقين بإنه هينقذك ومش هيسيبك وكمل حياتك عادي وصاحب القرأن والصلاه علي خير البريه وقيام الليل والدعاء وان شاء الله ربنا مش هيسيبك ربنا معاك دايما وأقرب ليك من والدتك ووالدك قرب له وهيحفظك شيل الانتحار من دماغك والدليل ان ربنا هينقذك ان قوم لوط ربنا بعتلهم انذار بالتوبه لكن رفضو ا يعني في فرصه تتغير الله بيده كل شئ اخوك في الله كريم
يا ريت تحاول تتواصل مع الأمانة العامة للصحة النفسية على الخط الساخن «16328» مجانًا في أي وقت على مدار الـ 24 ساعة وهتتكلم مع مختص نفسي من غير ما يعرف هويتك
ربنا بيحبك زى ما انت
اهدي بس كدة و ابعد فكرة الانتحار عنك انت حاولت تعملها و معملتهاش ده دليل انك مش عايز تموت هو بس الشعور الي جواك الي عايز تموته الموضوع بياخد وقت طويل حاول مش تقف عند النقطة دي في حياتك أو أن الحكاية دي تنسيك أنك بيعيوبك كامل خلي في بالك دائما أننا هنا لهدف ربنا خلقنا علشان نعبده و نعمر الأرض مش علشان نرضي حد أو نقارن حياتنا بيهم انا رسالتي غير رسالتك فأكيد حياتي و ظروفك مختلفين عنك ، الأفكار دي سببها بيكون الفراغ حاول تقتله بدل العكس ما يحصل ١٧ سنة السنة الجاية أن شاء الله في ٣ث تركز كدة و تحاول تغير مستقبلك الماضي مهما حصل مش هيتغير ، انت كدة بقالك كام سنة عمر حد حسسك بالنقص أو بص لك باستحقار اكيد لا احنا كتير من الوقت بنكون قاسين علي نفسنا ، حب نفسك و تقبلها +الي حصل مش ذنبك مش انت الي المفروض تحس بالعار أو النقص ، عدد سكان العالم حوالي ٨ مليار اكيد في حد عدي بنفس الي عديت به و تخطوا الموضوع ممكن تبحث عن حاجة زي دي مش هتحس انك مختلف اوي و هتحس الموضوع عادي +حاول تتعرف علي نفسك اكتر انت لسة مراهق يعني انت الي بتشكل حياتك و مستقبلك الموضوع اسهل دلؤتي لاقي لنفسك هدف ممكن يكون انك تطور نفسك ، عندك شغف في حاجة مثلا طور مهارة ، هواية اي حاجة +حب نفسك انا كشخص مكنش بيحب نفسه قبل كدة دلؤتي بحس ايه ده انا قد ايه كنت سخيفة لما فركت كدة ليه يفرق معايا ازاي حد شايفني في الاخر هو انسان زيي خطاء و مش اعلي أو احسن مني اني اعمل لفكره حساب قبل راحتي و سعادتي المغزي أن الحياة اكبر من أننا نقف علي حاجة لو مدايق اوي سافر لو شايف أن الناس هنا مثلا هيشفوك بطريقة وحشة سافر اقولك تخيل انك سافرت هل احساسك عن نفسك هيتغر في الأغلب لا + لو بتفكر تنتحر لسة ناقش نفسك ايه السبب هل هو راي الناس و لا عدم تقبلي لنفسي بسبب خطأ حد تاني اصلا و لا حياتك صعبة الي انت ملكش دخل فيها مخترتش حاجة فيها غبي مين بس الي هيحكم علي حد من حاجة هو ملوش دخل فيها + اخر حاجة لاني رغيت كتير اوعي تسمع لنفسك ناقشها ممكن في عقلك jornal اي حاجة بس ناقش نفسك كانها حد بيحكي لك شوف رد فعلك هيكون ايه ناقشها زي ما تكون يتناقش حد بالضبط اتمني تكون استفدت 🙂
لعرض السؤال في فدني اضغط هنا