مش عارفة ابدأ القصة المكلكعه دي منين
من فترة ماما شافت من فون بابا اتصالات واتس بينه وبين صحبتي .. ولما دورت لقت تذاكر طيران باسمها بابا هو الى حاجزها هي عايشة معانا ف نفس البلد(برا مصر) لكن مدينة تانية . ماما واجهتها انكرت معرفتها بأي شيء (مع العلم انها بتدخل بيتنا وماما بتعاملها زي بنتها بالظبط)
كلمتني وقالتلي مامتك بتقول كذا كذا وميصحش كدا ! مفهمتش منها حاجة قلتلها هكلم ماما .. رجعت سألتها تفسير المكالمات دي وتذاكر الطيران وبعتت لها سجل المكالمات وصور التذاكر قالت انا معرفش حاجة وانا همري ما كلمت باباكِ! طب ازاى ودا رقمك والسجل اهو .. قالت انا ناسية مش فاكرة ليه الاتصالات دي.. اتصالات مستمرة من اكتر من ٦ شهور آخرها من اسبوع او اتنين ازاى تنسيها ؟؟؟ قعدت تحلف وتقول انتي بتتهميني بايه ؟ مع العلم انا متهمتهاش باي شيء قلتلها انا بس عاوزة افهم اديني عقلك يفسر دا عشان ارد على امي قالت معنديش رد .. اتصالات واتس واصلا الدولة الى احنا فيخا مقيهاش مكالمات واتس بنستخدمها بس عشان ننبه حد اننا بعتنا رسالة له ع الواتس والاتنين ماسحين الشات بينهم.. اسألها ماسحة الشات ليه تقولي انا بمسح كل الشات اول باول مع اي حد ! طب وبابا ازاى مفيش بينكم اي شات خالص مع كل الاتصالات دي !!
سألت بابا هو كمان ممتنع عن التوضيح ومستميت انه ميقولش اي شيء رغم امى اتكلمت ف طلاق وكان عنده استعداد يطلق لكن ميقولش ! واحنا الى هدينا الموضوع .. الكلام دا من فترة
دلوقت انا ف مصر وماما رجعت تتعامل عادي واخواتي
انا مش قادرة اتجاوز الموضوع قطعت علاقتي بيها وبابا فعلا مش بقدر حتى اشوفه او اسمع صوته بتجنب الكلام خالص وكل ما يكلمني او يدخل في المكالمة مع ماما بحس اني اتغميت والدنيا قفلت ف وشي واحساس فظيع بالغثيان
يعلم الله اني مش بتهم حد بالباطل في اي شيء ولا عمري اقدر افكر كدا ف بابا
بس فكرة ان الاتنين محدش فيهم احترمنا ولا حد فيهم قدر مشاعري في موقف زي دا هونت عليهم هم الاتنين مع اني كنت بكلمهم وانا بعيط ومنهاردة نفسي بس حد يكذب عليا حتى او يقول اي حاجة معقولة! غير الكذب والامتناع دا .. دا غير احساسي باني مخدوعة في اقرب ناس ليا بيستغفلوني وكل ما افتكر مواقف كانوا بيتعاملوا فيها كانهم ميعرفوش بعض ويقعدوا يسألوني على بعض
انا مش عاوزة اقطع صلة رحم ودا بر ومع ذلك انا مأذية نفسيا جدا ربنا يعلم كل ما اكلمه
مش عاوزة ابقى عاقة .. هل لو خليت العلاقة مجرد سؤال عن الاحوال بس كل فترة كدا يبقى عقوق ؟
لو كان والدك غلط فغلطه هو الذي يتحمله قدام ربنا وأنت غير مسؤولة عن ذلك وأنصحك ترجعي علاقتك بيه بالتدريج لأنه مهما كان والدك خاصة لو كان الموضوع بينهم انتهى (وهو سينتهي عاجلا أم آجلا) .. ربما تجد والدت...
سؤال عن قطع علاقتك بوالدك ( طبعا ده شىء غير مستحب نهائى ) وبما انك تخشى العقوق فده تأكيد على انك يهمك رضا ربنا قبل اى حد. الموقف اللى حصل كله عبارة عن احتمالات ( ولا واحد منها مؤكد) بس انتى غصب عنك فك...
ازيك، أتمنى تكوني بخير أنا مقدرة شعورك كويس اتجاه صديقتك ووالدك. لكن ممكن نفترض مع بعض حاجه كده؟ ليه مفكرتيش مثلا أن صديقتك ربما تكون عندها مشكلة محتاجه حد يكون متصدر اليها، وخائفة مثلا من والدها تحكي...
انا مش مقموصة يا استاذ طارق
انا متأذية نفسيا من حد بيكدب ف وشي وانا كاشفه كدبه وحد تاني احسب ان علاقتي بيه فيها شفافية واحترام لمشاعري وفجأة انا ولا حاجة بالنسبه له واستقرار بيتنا مهدد بسبب اكتر اتنين بتثق فيهم .. دي مش حاجة سهلة البلع
افترضي - مجرد افتراض - أن والدك كان في طريقه للزواج من صديقتك أو من أى انسانة أخرى .. هل من حقك عليه أنه يوضح لك ذلك ويشاركك تفاصيل حياته خطوة بخطوة وإن لم يفعل يكون في هذا قلة احترام لك ويكون من حقك أن تتقمصي منه؟ لاحظي أن الكلام عن والدك وليس ابنك!!
أنا معاكي أن الموضوع مؤلم نفسيا أن حد يكذب في وجهك وأنت عارفة كذبه - وأعتقد أنك إذا قمت بالتدريس في مصر ستحصلين على مناعة نفسية منه - ولكن هل يكفي اعتذار شخصي من أي منهما لكي ينتهي الأمر بالنسبة لكي و يلتئم هذا الجرح النفسي؟
لعرض السؤال في فدني اضغط هنا