السلام عليكم
انا سنة اولي كلية طفولة مبكرة قسم انجلش ومش حباها خالص بس مكنش فية غيرها قدامي والكل بيتريق عليها وبيقولوا لي اني في الاخر هبقي داده وكلام من دة كتير وكمان فرص الشغل بتعتها بتبقي قليلة وحتي لو لقيت المرتب هيبقي عبيط وقليل جدا وانا بدفع فلوس كتير في القسم دة 10000 في السنه تنصحوني بأي أكمل فيها وارضي باللي ربنا كاتبهولي لعله خير ولا احول حاجة تانيه واوفر الفلوس بس هبقي ضيعت سنه من عمري.
شوفي أي تخصص في الدنيا ممكن إذا تميزت فيه إن شاء الله تلاقي فرصة عظيمة أو تعملي أنت فرصتك بنفسك إذا أحببت هذا المجال مثلا تخصصك دة ممكن يخليكي مدرّسة في مدرسة دولية مثلا بدخل كويس .. وهو تخصص عموما من...
مين قالك الكلام ده؟ الكلية بتاعتك فرص شغلها كتيرة جدا، ومجالتها ممتازة متركزيش مع كلام الناس ... عارفه انه تنمر وبيضايق لكن كده كده الناس هتلاقي اي حاجة في اي حد وهتتريق عليه. اللي عايز يتنمر بيتنمر ....
اكتر حد عارف ظروفك هو انتي .. و لكن في نفس الوقت لو حاسة انك اخدتي مسار و طلع مسار خاطيء و فيه إمكانية تصلحي يبقي تمام .. اما بالنسبة لموضوع ضياع سنة مجهود فانا رايي ان الخسارة القريبة افضل من المكسب البعيد ، لو مش مضمون ، و قبل ما تحولي اتأكدي ان ليها مستقبل و ليها فرص شغل كتير مش ان فيها ناس كتير .. اما لو حبيتي تصبري و انتي عارفه مستقبلها عاملة ازاي الامر في ايدك بس مش كده يبقي تضييع وقت ولا ايه ..! .. بعد كده ابقي خدي وقتك قبل اي قرار مهم .. و ادرسي الموضوع بشكل كافي و اسألي الناس و استشيري اهل الخبرة مش هتندمي . ربنا يوفقك للخير
طلاما ده كان اختيار ربنا ليكي من البدايه تأكدي ان ده الخير ، ومتمسعيش لكلام حد يحبطك او يقولك حاجه تزعلك وتضايقك
لعرض السؤال في فدني اضغط هنا