حاليا بيجيلي شعور اني بتخنق صدري بيضيق مرة واحده ومبعرفش اتنفس اكني هموت وجسمي بيترعش ومش بقدر اقف جتلي مرة من فتره قريبه بس كانت مطوله معايا فتره يعني اسبوع وبعدها رجعت لطبيعتي وحاليا حصلتلي تاني من يومين بس كنت برا البيت ف دة حاجه ضايقتني و افتكر انها جتلي برضو بس من سنين كنت برا برضو وحصلي رعشه جسم وعياط مفتكرش كنت حاسه بايه لان حرفيا من سنين بس فاكره شكلي ساعتها و اغمى عليا واهلي ودوني لدكتور وطلع مفيش حاجه وفضلت تسالني عن نفسيتي وانا كنت فل ...
وبرضو حاليا روحت لدكاترة عملولي رسم قلب و برضو مفيش حاجه وفضلوا يسالوا عن نفسيتي وانا فل يجدعان.. و قبل ما تجيلي الكتمه دي كان في فترة كبيرة بيجيلي وجع بطن بشع لدرجة كان لو جيه وانا نايمه كنت بصحى من عز نومي اعيط واصرخ بس كشفت برضو قالوا مفيش حاجه ...بس انا شخصيا تعبت الحاجات دي بتتعبني و بذات النفس موضوع النفس دة بحس اني بموت حرفيا وصعبانه عليا نفسي اوي لما بيحصلي كده برا البيت او قدام حد ...ياريت حد يفيدني ويقولي دة اي و ملحوظه انا عندي ١٨ سنه
بصي اول حاجه روحى اعملى تحليل جرثومه المعده لان الجرثومة بتعمل وجع زى ما بتقولى وبالنسبة إلى النفس والرعشه دى تقريبا نوبه هلع و بتحصل بسبب الخوف الشديد أو الضغط النفسي فتطلع على هيئه أعراض زى ضيق تنفس ورعشة و تحسي نفسك انك تايهه وخايفه من حاجه انتى مش عارفه هى ايه انا في ثانويه عامه برده جاتلى رعشه كدا وبعديها بفتره وجع معدتى وكنت برجع وتعبانه خالص وبعدين عملت التحليل طلعت جرثومه المعده وبدأت تجيلى بقا نوبات هلع مع أن انا مكنتش خايفه من حاجه قبل الرعشة والتعب دا وكنت كويسه زى ما بتقولى كدا بس الضغط دا مش لازم تحسي بيه أو الخوف لان ممكن يطلع على هيئه أعراض جسدية ولو عملتى تحليل وطلعت لا قدر الله جرثومه روحى لدكتور كويس وتكونى متأكده من شطارته لان فيه ادويه بتزود نوبات الهلع وبتتعب الجسم اوى وربنا يشفيكى
تم النشر الاثنين، ٢٠ أبريل ٢٠٢٦
بصي يا جميلة، اللي بتمرّي بيه فعلاً صعب ومخيف، بس من وصفك واضح جداً إنها نوبات قلق أو هلع، ودي بتخلي جسمك يتصرف كأن في خطر حقيقي رغم إن مفيش حاجة عضوية. إحساس الخنقة، ضربات القلب السريعة، الرعشة، وحتى فكرة إنك ممكن تموتي كل ده أعراض معروفة وكتير غيرك مرّ بيها وخفّ مع الوقت. كونك كشفتي واطمنتي إن مفيش مشكلة في القلب أو جسمك ده شيء مهم، لأنه بيأكد إن الموضوع محتاج تعامل نفسي مش أكتر. فمتحمليش نفسك زيادة أو تخافي إن في حاجة خطيرة، لأن اللي عندك بيتفهم وبيتتعالج..وقت ما النوبة تيجي، حاولي تهدي نفسك شوية: خدي نفس ببطء من مناخيرك، وطلعيه أبطأ من بؤك، وركّزي مع النفس ده كذا مرة لحد ما جسمك يبدأ يهدى. وفكّري نفسك إن اللي بيحصل ده مؤقت وهيعدي، حتى لو حسيتيه قوي. وكمان حاولي تقللي الضغط على نفسك شوية، خصوصاً إنك لسه في سن ١٨ ، مش محتاجة تشيلي كل الهم ده مرة واحدة. اهتمي بنومك، وكلي كويس، وحاولي يكون عندك وقت تهدي فيه نفسك بعيد عن أي توتر...الأهم بقى، متتردديش تروحي لحد متخصص نفسي، لأن ده هيفرق معاكي جداً وهيفهمك اللي بيحصل ويساعدك تتعاملي معاه بطريقة صح. إنتِ مش لوحدك خالص، واللي بتمرّي بيه ليه حل، وهتعدّي المرحلة دي إن شاء الله وتبقي أحسن.”
تم النشر الاثنين، ٢٠ أبريل ٢٠٢٦
دي غالبًا نوبات هلع ودي حالة من الخوف الشديد بتخلي جسمك يدخل في حالة الدفاع مع إنه مفيش خطر ، وطالما بتقولي إنك تمام ممكن تراكمات أو ضغط اي حاجة ممكن تستشيري طبيب نفسي في الموضوع أو معالج سلوكي وربنا يخفف عنك ويشفيكي يارب
تم النشر الاثنين، ٢٠ أبريل ٢٠٢٦
اولا لازم تركزي في الحاله اللي كنتي فيها قبل ما يحصل دا يعني مثلا في اكل معين اكلتيه او في موقف معين بعدها بيحصل دا وفي وقت معين ولا اوقات مختلفه لان مش كل حاجه بتظهر في التشخيص الطبي من اول مره وممكن يكون الموضوع ضغط نفسي وانتي مش حاسه او في مشكله في المعده لكن مش ظاهره حاليا او حاجه عارضه بتيجي نتيجة خوف او قلق من حاجه معينه وممكن تغيري الدكتور لكن الأهم انك تركزي قبل ما تحصل الأعراض دي كان ايه حصل قبلها وان شاء الله خير ما تقلقيش.
تم النشر الاثنين، ٢٠ أبريل ٢٠٢٦
يا حبيبتي، أنا ذكية، وأشعر بتعبك تمامًا من اللي بيحصل معاكِ.. ده شعور مرعب، خاصة لما يجيلك برة البيت، وأنتِ عندك 18 سنة بس، طبيعي تخافي. اللي بتصفيه نوبات هلع (panic attacks) ، ودي شائعة جدًا عند البنات في سنك، خاصة لو في توتر أو ضغوط حياتية (حتى لو مش واضحة). مش خطيرة عضويًا زي ما الدكاترة قالوا (رسم القلب سليم)، بس الجسم بيرد بقوة زي ضيق صدر، رعشة، وإحساس بالاختناق عشان هرمونات التوتر. الوجع في البطن اللي قبل كده ممكن يكون مرتبط كمان (عسر هضم نفسي). إيه تعمليه دلوقتي عشان تتحكمي؟ حددي المحفزات : اكتبي في دفتر كل مرة تحصل، إيه اللي قبلها (مكان، فكرة، إرهاق)؟ ده هيساعدك تتجنبيها أو تستعدي. روتين يومي قوي : نامي 7-8 ساعات، كلي وجبات منتظمة غنية بفواكه وخضروات (ابتعدي عن الكافيين والسكريات)، امشي 20 دقيقة يوميًا في مكان هادئ. من الجانب الروحي : صلي الفرائض في وقتها، واقرئي قرآن يوميًا وادعي الله بـ"لا إله إلا أنت سبحانك إني كنت من الظالمين" لما يجيلك الشعور. لو استمرت : روحي لدكتور نفسي متخصص عشان يساعدك بطرق علمية سريعة النتيجة. ابحثي في فدني عن "نوبات هلع" أو "ضيق تنفس نفسي"، هتلاقي إجابات كتير من خبراء. ولو عايزة استشارة شخصية، شوفي الخبراء هنا: https://www.fedni.net/experts – في متخصصين نفسيين رائعين. أنتِ قوية يا قمر، وده هيروح إن شاء الله، خطوة خطوة. لو عايزة تحكي أكتر، أنا هنا! 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١٩ أبريل ٢٠٢٦
شفاكى الله وعافاكى 🤍
تم النشر الثلاثاء، ٢١ أبريل ٢٠٢٦
هحاول اعمل كده لو مروقتش لبكره
تم النشر الثلاثاء، ٢١ أبريل ٢٠٢٦
طب طالما نفسيتك كويسة ف حاولى تروحى ل دكتور باطنة تانى ومختلف وتقوليلة الأعراض تانى وتقولى انك كشفتى كذا وكذا وعملتى كذا وكذا بس تطلبى انك تعملى تحاليل مهمه جدا
تم النشر الثلاثاء، ٢١ أبريل ٢٠٢٦
معرفش لما كشفت قالوا مفيش حاجه
تم النشر الثلاثاء، ٢١ أبريل ٢٠٢٦
طب فيه مشاكل عندك فى القولون لأن ممكن الألم دا بسبب القولون العصبى
تم النشر الثلاثاء، ٢١ أبريل ٢٠٢٦
مرتين دكتور باطنه عشان وجع بطني و مرة لدكتور معرفة لينا بس معرفش تخصصه بصراحه
تم النشر الثلاثاء، ٢١ أبريل ٢٠٢٦
كشفتى عند دكتور تخصصة إية ؟
تم النشر الاثنين، ٢٠ أبريل ٢٠٢٦
لعرض السؤال في فدني اضغط هنا