السّلام عليكُم ورحمة اللّه و بركاته ^^.
عساكُم بخَيرٍ جميعاً.
انا طالبةة 17 سنـةة، عندي دايما إحساس بِقلة الإنتاجيةة، فاهمين بيجيلي احساس كِده إنه مفروض أشتغل وأشيل مسؤلية نفسي، بحس إني كِده عالة بجد.
- بس بردك بيجيلي إحساس إنه عادي وإن ده إحساس بيجيلي لما بشوف ان مفروض تشتغل وتشيل مسؤلية نفسك وأهلك ميصرفوش عليك بس بحس انه الكلام ده موجه للرجالة فاهمين انا بحس بخنقة لما بيجيلي الإحساس ده بجد إحساس مؤذِي ، انا بعمل حجات تانية بس بحسها مش كفاية أنا بحاول أتعلم حجات كتير عن الدين من المصادر الصح، وبسمع دورات عن تطوير الذات وكورسات وعن فقه الزواج ومعلومات طبية وبتسغل الوقت فِ حجات كويس بس احساس الشغل ده اما بيجيلي بتخنق بحس اني مليش لازمةة؟ مع ان الحجات الي بتعلمها دي عارفة انها هتفدني وبتأثر بيها دلوقت وبحاول جدا أطور من نفسي وده بيكون واضِح عليا بس بردك هو طبيعي اكون ف السن ده ومش بشتغل .؟
طبعًا طبيعي انه يكون حد في سنك ولا يعمل؛ لماذا لأنه لديه مسؤوليات أخرى. ازيدك من الشعر بيت، المرأة ليست ملزمة من الأساس بالعمل؛ لأنها غير مسؤولة عن الانفاق على أهل بيتها سواء قبل الزواج أو بعده. هذا ليس دورها، وإن كانت تعمل أو تمتلك مالًا فلها أحقية التصرف التام فيه بدون التدخل من أولياء الأمور الخاصين بها. هل رأيت أن الأمر هو ليس عيبًا لكِ بتاتًا بل يعد حق من حقوقك التي كفلها لك الإسلام. صغيرتي ما زلت في بداية العمر، وعليكِ من المسؤوليات الأهم من جني المال، كالتعلم عن دينك ودنياك وبر والديكِ في غير معصية الله، وتطبيق أوامر الله، والاهتمام بدراستك وتحقيق ما عليكِ فيها. وكل هذا ليس بالهين صدقيني بل يفوق جمع المال صعوبة وثقلًا ... هون الله عليكِ بنيتي ورزقك من الخير الكثير من غير حول منك ولا قوة
تم النشر الأربعاء، ٢ أغسطس ٢٠٢٣
هو دينيا انتي ملزمة من اهلك انهم يصرفوا عليكي .. وحتى لما تتزوجي الرجل ملزم برضه انه يتكفل بكل مصاريفيك .. (القوامة للرجل) ولكن .. لو هنتكلم من ناحية اجتماعية .. في الحقيقه ده شعور جميل منك انك برضه عايزة تشيلي مسؤولية نفسك .. وتتكفلي بيها .. وانتي فعلا بتعملي كده ... يعني لكل وقت له متطلباته .. انتي حاليا اللي عليكي انك تذاكري وتطوري نفسك وتتثقفي وليكن ف اغلب المجالات .. وبعد كده الشغل هيجي هيجي متخافيش .. بس زي ما بيقولوا لكل وقت وله ادان .. متسبقيش الاحداث .. واهتمي حاليا بتطوير نفسك وبمذاكرتك.
تم النشر الأربعاء، ٢ أغسطس ٢٠٢٣
انتي دماغك حلوه و تفكيرك حلو و مجتهده بس متخليش ده يرجع بتأثير سلبي عليكي انتي بنوته و كمان لسه صغيره و حتى لما تكبري انتي مش مسؤوله من حاجه زي الشغل انتي وانتي صغيره اهلك مسؤولين منك و وانتي كبيره جوزك مسؤول منك حاليا ركزي ف دراستك و اتعلمي و اكتسبي خبرات و متفكريش ف حاجه زي الشغل لأن الشغل ده حريه اختياريه ليكي و كمان ف المستقبل مش دلوقتي
تم النشر الأربعاء، ٢ أغسطس ٢٠٢٣
أهلاً أختي الكريمة، إحساسك ده طبيعي جداً في سنك دي، وماتقلقيش انتي بتعملي اللي عليكي في الوقت الحالي. انتِ صغيرة ولسه بتتعلمي وتطوري نفسك، وده أهم حاجة دلوقتي. الشغل والمسؤولية حتجي في وقتها المناسب، ما تستعجليش الأمور. كملي تعليمك واستمتعي بطفولتك، واهتمي بنفسك أولاً. الوقت لسه كتير قدامك، وربنا حيرزقك في الوقت المناسب. ما تشيليش هم أكتر من سنك، وخلي بالك ان معظم البنات في سنك بيبقوا في نفس ظروفك. انتِ على الطريق الصحيح، فاستمري وربنا معاكي.
تم النشر الأربعاء، ٢ أغسطس ٢٠٢٣
طب بصي انتي ماشية صح جدا وتفكيرك كويس ومل اللي بتعمليه صح جدا واستمري ف تطوير نفسك زي م انتي كدا،لكن حتة الشغل دي مش بتاعتك لان انتي ك بنت غير الشباب انتي ملزمة من اهلك انهم يصرفوا عليكي لغاية م تتجوزي وبعد م تتجوزي يصرف عليكي جوزك وكمان اما يكون معاكي فلوس وكدا ف بيتك ملكيش انك تصرفي اي حاجة من مالك ف بيتك غير بارادتك مش بالاجبار،ف تفكير انك مش بتشتغلي دا متخليهوش يأثر عليكي وخليكي مقتنعة انك مش ولد ومش مطلوب منك اصلا شغل او انك تصرفي ع حد وركزي كدا ف مستقبلك لسة بدري عليكي،وكملي ف تطوير نفسك وحاولي تحفظي قرآن لو مش بتحفظي واسمعي دورات دينية في للدكتور حازم شومان وللمهندس علاء حامد دورات جامدة اليومين دول واشغلي نفسك بما يفيد ومتفكريش فالشغل خالص هوا دا شغلك.
تم النشر الأربعاء، ٢ أغسطس ٢٠٢٣
هوا يعتبر عمرك قريب من عمرى بس هقولك على حاجه شعورك ده مميز انتى من الناس العايزه تنتج وعندهم طموح يمكن تكونى اكتشفتى ده او لسه هتكتشفيه خليكى على نفس النساق النتى عليه وحاولى تركزى على دراستك وكل متحسي بكده قولى لنفسك انا لسه في مرحله الدراسه لازم اتفوق فيها عشان اضمن شغل كويس في سوق العمل لم اكبر وربنا يوفقك يحببتى
تم النشر الأربعاء، ٢ أغسطس ٢٠٢٣
مظبوط كلام حضرتك شكراً ليك
تم النشر الأربعاء، ٢ أغسطس ٢٠٢٣
شكرا ليكِ
تم النشر الأربعاء، ٢ أغسطس ٢٠٢٣
لعرض السؤال في فدني اضغط هنا