السلام عليكم ورحمة الله وبركاته
انا شخصية عاديه بس دايما تايهه عندي تفكير زيادة بحس اني اقل من الأشخاص او اقل من الدنيا كلها مش شايفه نفسي مهمومه زيادة وبتعلق باي حد عدم الثقه بالنفس بحتار لو اخدت قرار او مش بعرف اصلا هل انا محتاجه أخصائي نفسي
انتي محتاجه تطوري من نفسك حتي لو باي حاجه صغيره تغيري طريقه لبسك تبق لقيه عليكي اكتر تسريحه شعرك لو انتي ف البيت لفه الحجاب لو انتي محجبه الحاجات الصغيره دي هتفرق معاكي ف تقتك ف نفسك و مع الاهتمام بنفسك واحده واحده هتغيري من نفسك 180 درجه واعرفي دايما انتي مش اقل من حد وفي ناس كتيره بتحاول توصل اللي انتي وصلاله دلوقتي ومافيش حد احسن من حد متتعلقيش بحد انا بكلمك زي اختي والله راح قرد يجي عشره الحياه مش هتقف عن حد بس زي م بقولك سيبك من الناس عشان لو حولتي ترضيهم هتخشي ف دوامه مش هتطلعي منها واهتمي بنفسك وهتلاقي الناس اللي ببتجري وراكي..
تم النشر الثلاثاء، ٢٨ يوليو ٢٠٢٦
السلام عليكم، هو أكيد الاستشارة النفسية مفيدة لكن مش شرط تكوني محتاجاها، إلا إذا المشاعر دي مستمرة وبتؤثر على حياتك سلبا ومقدرتيش تتخلصي منها بمفردك. ** الأعراض دي لها علاقة بقلة ثقتك بنفسك وعدم شعورك بأهميتك، مفيش أهداف في حياتك ويومك بيعدي برتابة دون تغيير. حتى التعلق بالناس والحاجة لهم بينبع من قلة الثقة بالنفس. *** ابدئي اشتغلي على نفسك، حددي أهداف لحياتك تشتغلي عليها واحدة واحدة، ده هيشغل يومك ويحسسك بقيمة وقتك ونفسك وكل ما تنجزي وتحسي إنك بتعملي حاجة جديدة وبتتطوري وتعملي تغيير كل يوم كل ما هتحسي إن ثقتك بتزيد وبيتبني اكتفائك الذاتي ومعه يقل احتياجك لتقدير الناس وتواجدهم وتعلقك العاطفي بهم. ** أنصحك تشوفي فيديوهات بتشرح (نموذج عجلة الحياة المتوازنة) وتبدئي تشوفي جوانب حياتك كلها، إيه المشاكل فيها وإيه عاوز يتحسن وتضعي أهداف وخطط وتبدئي تشتغلي عليها، دي روابط فيديوهات بتشرح عجلة الحياة، إن شاء الله تفيدك. https://www.youtube.com/playlist?list=PLCnYSnTcuIm8GFg9ONsOZZPv0oUeoy7BD https://youtube.com/playlist?list=PL9qj2CGqAHHH2OZCzkiKTLzd2YQQe6pEm&si=-rJOycOqz5gr1h7M وطبعا أهم شيء، الاستعانة بالله والدعاء دايما بصلاح الحال، ورددي كتير ذكر (لا حول ولا قوة إلا بالله العلي العظيم) وإن شاء الله تلاحظي تغير قريب في حياتك. بالتوفيق.
تم النشر الأحد، ٢٦ يوليو ٢٠٢٦
وعليكم السلام ورحمة الله وبركاته، أولاً، أقدر شعوركِ تمامًا وأنتِ تكتبين هذا، وأعرف إن الإحساس بالتيه وعدم الثقة بالنفس والتعلق الزائد بالآخرين، مع الشعور إنكِ أقل من الجميع، أمر ثقيل جدًا ويؤثر على كل قراراتكِ اليومية. أنتِ لستِ "شخصية عادية" فقط، بل إنسانة تمر بمرحلة تحتاج فيها إلى رعاية ذاتية أكبر، وهذا لا يعيبكِ أبدًا. بالنسبة لسؤالكِ عن الحاجة إلى أخصائي نفسي: نعم، إذا كانت هذه الأفكار مستمرة وتؤثر على قدرتكِ على اتخاذ قرارات بسيطة أو تشعرين بالقلق الزائد يوميًا، فاستشارة أخصائي نفسي خطوة إيجابية وشجاعة تساعدكِ على فهم جذور هذه المشاعر وتغيير نمط التفكير. لكن في الوقت نفسه، يمكنكِ البدء بخطوات عملية بنفسكِ لتقوية ثقتكِ. ابدئي بتدوين الأفكار السلبية التي تأتيكِ يوميًا، ثم اكتبي دليلاً واقعيًا يناقضها (مثل: "أنا أقل من الجميع" → "لدي مهارات معينة أتقنها وأساهم بها في حياتي"). ركزي على قرارات صغيرة يومية تتخذينها بنفسكِ دون استشارة أحد، حتى لو كانت بسيطة مثل اختيار ملابسكِ أو وجبتكِ، لأن هذا يبني تدريجيًا الثقة بالنفس. تذكري أيضًا أن قيمتكِ في الإسلام لا تعتمد على آراء الآخرين، بل على علاقتكِ بنفسكِ وربكِ، فاجعلي هذا أساسًا يوميًا. أنتِ قادرة على التغيير، وكل خطوة صغيرة تقومين بها الآن هي بداية للشعور بأنكِ محبوبة وكفؤة. إذا أردتِ المزيد من التوجيه، يمكنكِ البحث عن أسئلة مشابهة على فدني للحصول على وجهات نظر إضافية. أنا هنا لدعمكِ.
تم النشر السبت، ٢٥ يوليو ٢٠٢٦
و تابعي صانع محتوى لتطوير النفس بس مش حد و خلاص و دايما خليلكي في بيئة مع ناس طموحه مش مكتئبة.
تم النشر الاثنين، ٢٧ يوليو ٢٠٢٦
ارجعي للقرآن
تم النشر الاثنين، ٢٧ يوليو ٢٠٢٦
لا حاجه جميله شكرا ليكي بجد
تم النشر السبت، ٢٥ يوليو ٢٠٢٦
بصى اشغلي نفسك و قربى من ربنا .. ليه تقريى من ربنا اولا لأننا محتاجين ده كلنا كده كده بس بالنسبالك انتى بالذات محتاجة ترضى محتاجة ترضى بتقولى راضية بس انتى لسه مش مقتنعه أن كل اللى حصل ده اللى كان خير ليكى و لسه مممكن بتفكرى طب يا رب ليه هو نا مستاهلش ف لا انتى تستاهلى كل خير و ده الخير صدقينى ... موضوع انك تايهه ف بصى عوزاكى تدخلى فى تجارب كتير جدا جدا جدا اللى هو كورسات مؤتمرات دورات عمل تطوعي اى حاجة هتلاقى التوهان زاد هتحسى كده اللى هو انا بعمل اى فى كل دول بس هتكتشفى إن دى الحاجات بعدين اللى هتلاقيكى بتقولى واو انا عملت كل ده و هتساعدك فى تعاملك و انك تاخدى قرارات و تقوى شخصيتك ♥️ و ف الاخر ده مجرد و جهه نظر
تم النشر السبت، ٢٥ يوليو ٢٠٢٦
طيب شكرا
تم النشر السبت، ٢٥ يوليو ٢٠٢٦
مش لازم أخصائي نفسي ولا حاجه الحل ان حضرتك تصاحبي ناس مستواهم عالي علشان تحسي انك زيهم زي واحد علي طول بيخاف يتخانق وكده صاحب شله لمؤخذه في الكلمه بلطجيه هو هيخليه زي ما هو خايف ولا اسلوبهم هيطلع جواه بس اختاري الي تصاحبيهم يكونو محترمين ومتواضعين ركزي علي متواضعين ميكونوش متكبرين وأهم حاجه يكونو متدينين ولو حسيتي انك اقل من حد في يوم روحي قري صغيره وبصي علي أهلها صدقيني هتحمدي ربنا علي النعمه اللي فيها
تم النشر السبت، ٢٥ يوليو ٢٠٢٦
ايوة الافضل اخصائية هتساعدك تتخطى الشعور ده
تم النشر السبت، ٢٥ يوليو ٢٠٢٦
لعرض السؤال في فدني اضغط هنا