دلوقتى انا محتاره اعمل إيه، انا خريجه وبحضر ماجستير ومعروض عليا انزل ادّرس في الكليه بنظام ساعات مقابل اجر وطبعا مفيش اجر ولا حاجه هو مجرد اسم بس والدكاتره بيقنعونى انى لما انزل ادّرس وبعد فتره اكون ناقشت الماجستير ممكن اتعين في الكليه لان القسم مفيهوش دكاتره ف تخصصى اصلا اعمل إيه اوافق وانزل واجرب يمكن اتعين ولا هما بس بيقولوا كده عشان اسد عجز وخلاص
انا من رايي تنزلي وتجربي التجربه مش هتخسرك اي حاجه دا بالعكس ممكن تضيف ليكي حاجات مش عندك وحقيقي محدش يعرف الخير فين ف توكلي على الله وجربي وعامه كله خبره ليكي وفعلا ممكن تتعبني بعد وقت ليه لا ؟ مفيش حاجه بعيده عن ربنا
تم النشر الجمعة، ٢١ نوفمبر ٢٠٢٥
جربي.. بصي التجربه سواء حلوه وحشه فهي اكيد هتفيدك ف حاجه هتديكي حاجه مهما كانت الحاجه دي ايه ، فجربي حسيتي انك تمام كملي ، حسيتي انك لا ايه ال انا بعمله هنا دا انسحبي و متجيش ع نفسك ومتكمليش ف وضع مرهق لمجرد انك خايفه تنسحبي ، متخليش الخوف سيد القرار... ف الاول والاخر هي تجربه فمفيش حاجه الدنيا تجبرك تكملي لو مرتحتيش، بس المهم انك تاخدي التجربه
تم النشر الجمعة، ٢١ نوفمبر ٢٠٢٥
جربي مش هتخسري حاجة علي الاقل هتاخدي خبرة
تم النشر الجمعة، ٢١ نوفمبر ٢٠٢٥
لو حكومي معروف ان المرتبات زهيدة جدا بس مش مشكلة هتكتسبي خبرة مهمة. انما لو خاصة حاولي تفاوضي في المرتب لما لا يقل عن ٦ او ٨.
تم النشر الجمعة، ٢١ نوفمبر ٢٠٢٥
جامعة خاصة ولا حكومي؟
تم النشر الجمعة، ٢١ نوفمبر ٢٠٢٥
أسألي الناس اللي كانوا قبلك و استخيري؟
تم النشر الجمعة، ٢١ نوفمبر ٢٠٢٥
لعرض السؤال في فدني اضغط هنا