@Ahmad Belal كيف اتعامل مع أخي الصغير لو علمت انه يشاهد أفلام غير اخلاقية؟
اولا مينفعش تزعق او تتعصب او تضربه، او تحسسه ان ده دليل على عدم الأخلاق والتربية. ثانيا: مهم جدا تختار وقت مناسب يكون هو رايق وتتكلم معاه بالراحة وتعرفه انك مش هتقول لحد، وتفهم ليه بيعمل ده، هل هو فضول نحو الجنس الاخر او العملية الجنسية، ولا هو حاسس بفراغ فبيتسلى. ثالثا: حاول تساعده ميبقاش عنده وقت فراغ، وطبعا مش بطريقة انك تقتحم حياته وتزهقو. رابعا: مهم تعرفه ان الموضوع ده بيضره اكتر ما بينفعه، وان الي بيحصل فيه فالافلام مجرد تمثيل ومش حقيقي، وانه بيأثر على علاقته مع مراته بعد كده، وتفكره ان ده حرام ومينفعش ربنا يشوفو كده أهم حاجة الأسلوب والاحتواء والدعم، ومتتريقش عليه كل شوية او تحسسه انك ماسك عليه ذلة
تم النشر الأربعاء، ٢٢ أكتوبر ٢٠٢٥
السلام عليكم ورحمة الله وبركاته... اعملي نفسك كأنك متعرفيش الموضوع عشان متتحطوش في موقف محرج ولمحي له من بعيد زي احكي له عن الدين في حاجات بسيطة وبعدها تدخلي في الموضوع دا وتحكي له قصص عن الموضوع دا وان نتايجه مش كويسة ومتحاوليش تستحقريه كلنا بنغلط ووقت الغضب متقلهوش انك كذا وكذا لأ خااالص تعاملي معاه بالرفق واللين وإن شاء الله ربنا يصلح حاله ويصلح حالنا جميعاً
تم النشر السبت، ٢٥ أكتوبر ٢٠٢٥
السلام عليكم...اولاً كم عمره؟ثانياً يجب عدم الصراخ عليه او فضحه..حافظ على الهدوء افهم السبب لعلاج المشكلة هل هو كبت ام فضول ام اصدقاء سوء من بعدها تحدث معه بخصوصية ولا تلومه اشرح له مخاطرها من ادمان نفسي من ضعف الثقة شجعه على الرياضة واستخدم برامج تحجب المواقع الاباحية واهم شيء قدم له الدعم للتخلص من هذه الآفة
تم النشر الأربعاء، ٢٢ أكتوبر ٢٠٢٥
عرفه أن ده غلط لأن في ناس كثير بتقع عن جهل .. وثاني حاجة انت مش محتاج تديله نصايح في الدين وهكذا ولكن الأكثر فعالية انك تكون له قدوة .. يعني هو في تفكيرة ان لو ترك الإباحية ايه البديل؟ انت هتكون البديل والقدوة ..... زي انك تحسن من نفسك بصدق منغير تصنع بإنك تصلي في الوقت ويكون عندك اوقات ترفيه زي انك تتمشى أو تلعب كورة وانك يكون نومك جيد وشخص خلوق وغيرها .. الله يوفقكم
تم النشر السبت، ٢٥ أكتوبر ٢٠٢٥
حاول تكلم معاه اوعى تستعمل معاه اسلوب العنف خالص اتكلم معاه براحه وفهمه ان كل مرحله وليها تطوارتها وان المرحله دي بتعدي والانسان بينضج قرب منه وخليه يركز في حاجه تانيه هو بيحبها وتابعه من بعيد علشان تتأكد إنه بعد عن الحاجات دي وإن شاء الله ربنا يهدي ويبطل بس زي ماقولتك بلاش عنف
تم النشر الخميس، ٢٣ أكتوبر ٢٠٢٥
لعرض السؤال في فدني اضغط هنا