لو انا طالبة وعاوزه اي حاجه اعملها تفدني مع الدراسه تنصحوني بإيه
حاولي قبل ما تشوفي انت عايزه تتعلمي ايه. تشوفي وتفهمي نفسك وشخصيتك لانك اول ما تفهمي شخصيتك تلقائيا هتعرفي انت عندك ميول اكثر لايه :يعني ممكن تكوني مثلا عندك ميول لتعلم اللغات- او التصميم ٬ممكن يكون عندك ميول ادبي زي الكتابة والتاليف او قراءه الكتب - او العمل الحرو صناعه المحتوى. فتلقائيا بعد ما تفهمي الجوانب شخصيتك المختلفه هتعرفي انت عايزه تعملي ايه- وجربي مش هتخسري حاجه لكن بلاش التشتت وتعدد الشغف والمجالات استمري على حاجه واحده بس تتعلميها وتكون الكارير بتاعك هتلاقي نفسك تميزتي فيها وده ما يمنعش انك لازم تقرأي عن المجالات دي -وتقرأي في كتب تطوير الذات وعلم النفس- وأهم العلوم اللي لازم تقراي فيها برده قبل كل ده علوم الفقه والدين ودي اساسيات غير أنها هتساعدك تعرفي دينك وربك- هتعرفي عن شخصيتك وهتبعدك عن طريق التشتت والضياع (وربنا يوفقنا جميعا )
تم النشر الأربعاء، ١١ مارس ٢٠٢٦
السلام عليكم ورحمة الله وبركاته ممكن تاخدي كورس اسعافات أوليه بجد حاجة جميله وهتستفادي منها كتير. تحفظي كل يوم ولو سوره واحده من القرءان. ممكن قراءه كتاب ومش روايه لان الكتب هتستفادي منها بردو. اسمعي بودكاستز وعي مثلا او كيفيه اداره تنظيم الوقت هتستفادي فعلا واكتبي الحاجات اللي استفدتيها فعلا في نوتس صغنونه. ممكن لو بتحبي ترسمي تحاولي تنمي مهاراتك اكتر 💕.
تم النشر الأربعاء، ١١ مارس ٢٠٢٦
خدي كورساات اتعلمي اكتر من لغه وشوفي مجاالك وحاولي تعرفي فيه اكتر وشوفي المجالات اللي ممكن تشتغلي بيهاا من مجالك ودوسي فيها لما تكوني عارفه عن مجاالك من طرق كتير احسن ما يكون معرفتك لمجاالك او معلوماتك يادوب اللي بتدرسيها حاولي تعملي cv لنفسك وكل مدي حطي اي الجديد واي الاضاافات اللي ضفتيها في مسيرتك
تم النشر الأربعاء، ١١ مارس ٢٠٢٦
تعلم مهارة تدر عليك دخلا ماليا اضافيا .. ده اصبح من الضروريات القصوى حاليا
تم النشر الثلاثاء، ١٠ مارس ٢٠٢٦
يا حبيبتي ملاك 💗🦋، كطالبة زيك، أنشطة جانبية ذكية هتساعدك في الدراسة وتزود تركيزك وطاقتك! هقولك أفضل اللي جربتها بنات كتير زيك، وهي عملية ومفيدة: المشي اليومي (30 دقيقة) : ينشط الدماغ ويحسن الذاكرة. امشي وأنتِ تسمعين محاضرات دراسية مسجلة، هتدرسين بدون ما تحسي! قراءة كتب مفيدة في مجالات مختلفة : هتوسعي أفقك وتتعلمي دروس تساعد في الامتحانات. تعلم مهارة منزلية : زي الطبخ الصحي أو الخياطة البسيطة. بتعزز الثقة بالنفس وتريح الدماغ من الدراسة الروتينية. الصلاة والقرآن يومياً : حددي وقت لقراءة صفحة قرآن مع التفسير، هيمنحكِ سكينة وتركيز رهيب، زي "دواء" للتوتر الدراسي. كتابة يوميات دراسية : كل مساء، اكتبي 3 نقاط نجحتِ فيها وخطة الغد. هتنظمي وقتك وتحسي بالإنجاز. ابدئي بواحدة بس عشان ما تتعبيش، وشوفي الفرق بعد أسبوع! 😊 لو عايزة نصائح أكتر مخصصة، دوري في فدني على أسئلة مشابهة أو شوفي الخبراء هنا: https://www.fedni.net/experts. أنتِ قادرة، استمري يا بطلة! 🌟
تم النشر الاثنين، ٩ مارس ٢٠٢٦
حفظ القرآن
تم النشر الاثنين، ٩ مارس ٢٠٢٦
احفظي قرآن ،واتعلمي العلم الشرعي 😊
تم النشر الثلاثاء، ١٠ مارس ٢٠٢٦
تعلم البرمجة والمونتاج والماركتنج
تم النشر الاثنين، ٩ مارس ٢٠٢٦
انصحك انزلي چيم منه جانب ترفيهي و في نفس الوقت هيساعدك تفرغي كل الطاقه السلبيه و يجددلك طاقتك و نشاطك
تم النشر الجمعة، ١٣ مارس ٢٠٢٦
فقه الدين
تم النشر الثلاثاء، ١٠ مارس ٢٠٢٦
صدقيني احسن حاجة تقدري تعمليها هي قراءة الكتب وانك تتعلمي عن دينك اكتر وعن الاسلام بشكل عام ده هيفيدك بشكل كبير ده غير انه اصلا واجب على كل مسلم انه يتعلم اكتر عن دينه بدليل من قرآن
تم النشر الثلاثاء، ١٠ مارس ٢٠٢٦
تعليم للغه وبرامج الاكسل
تم النشر الثلاثاء، ١٠ مارس ٢٠٢٦
اتعلمي لغات حاجة ممتعة وفي نفس الوقت مطلوبة في الزمن ده في كل التخصصات وبيفتحلك مجال شغل واسع في المستقبل. وأفضل اللغات اللي تتعليمها هيا ال English لو انتي fluent فيه ممكن تتعلمي لغة تانيه إنما متبدأيش غير وانتي متقنه الانجليزي.
تم النشر الثلاثاء، ١٠ مارس ٢٠٢٦
الصراحه مش لاقيه نفسي فيها ولا فاهمه حاجه منها
تم النشر الاثنين، ٩ مارس ٢٠٢٦
لعرض السؤال في فدني اضغط هنا