السلام عليكم ورحمة الله تعالى وبركاته
انا دلوقتي عندي مشكله في البيريود مش منتظمه يعني كانت تقعد ب 5 او 6 شهور متجيش ولما تيجي تقعد بال 16 يوم او اكتر وممكن تيجي مرتين في الشهر وتقعد بالكام شهر متجيش تانى وهكذا فروحت كشفت والدكتور قالى ان عندي لغبطة هرمونات وادانى علاج مشيت عليه اربع شهور زى ما الدكتور قال وبعد اما خلص فضلت منتظمه شهر وبعد كدا رجعت اتلغبطت تانى ومش ايجت من زمان وكان عندى انيميا بس انظبط وكانت 12 ونص ده من زمان ساعه لما كنت كشفه يعني من حوالى 10شهور او سنه
اما دلوقتى مجتش من زمان بس من تانى يوم العيد وهي بتيجى نقتطين تلاته او كميه صغيره جدا وتفضلى طول اليوم مش تيجى
اجى اخد دوش واتشطف القيها ايجت تانى وهكذا كل يوم او يومين تيجي كام نقطه او كميه صغيره كدا ومش تيجي خالص باقى اليوم
بس النهاردة المغرب كدا ايجت كميه كبيره مره وحده ومن بعدها مش ايجت خالص خالص
وحللت انيميا من اسبوع كانت 11
فدلوقتى مش عارفه اعمل ايه ومش عاوزه اروح عياده الدكتور تانى عشان انا 18 سنه وكل اللى هناك بيكونوا متجوزين وحوامل وانا اللى بكون هناك بس في السن ده فالموضوع مش لطيف خالص
فدلوقتى اعمل ايه 🙂
السلام عليكم، ضروري جدا تعالجي الأنيميا وإذا فيه ضغوط حالية وتوتر مستمر حاولي تتعاملي معه وتهدي عشان برضه الحالة النفسية والتوتر المستمر بتسبب اضطرابات وتغيرات في الدورة. خلي في يومك ممارسة رياضة ولو عشر دقايق، هتفرق جدا معك.. مش لازم تمارين صعبة.. جربي تمارين التمدد، هتحسن مزاجك ونفسيتك وتقلل توترك وكمان هتحسن كتير من صحتك ودورتك الدموية وبالتالي هتظبط معك الهرمونات والدورة. وطبعا لازم متابعة مع دكتورة نسا، وعادي لو بتشوفي بس حوامل ومتزوجات، دي مش مشكلة وكشف النسا مش مقتصر عليهم فمتتحرجيش... صحتك أهم. وألف سلامة عليكِ.
تم النشر الثلاثاء، ٧ أبريل ٢٠٢٦
وعليكم السلام ورحمة الله وبركاته يا حبيبتي 🌸 أولاً، أشكركِ على ثقتكِ وصراحتكِ، وأنا هنا معاكِ خطوة بخطوة. مشكلتكِ في عدم انتظام الدورة (اللي بيسموه الدكاترة "ديسمانوريا" أو اضطراب هرموني) شائعة عند البنات في سنكِ، خاصة مع الأنيميا (هيموغلوبين 11 دلوقتي مش وحش، بس يحتاج متابعة عشان يرجع أعلى). اللي وصفتيه – تأخير طويل، ثم كميات قليلة أو نقط، ثم كمية كبيرة فجأة – ده علامة على "لغبطة هرمونية" زي ما الدكتور قال، ممكن تكون بسبب الستروجين والبروجيستيرون مش متوازنين، أو أنيميا بتأثر على الرحم، أو حتى وزن أو توتر يومي. إيه اللي تعمليه دلوقتي عملياً؟ تابعي الأنيميا أولاً : خدي تحليل دم كامل (CBC + حديد + فيتامين B12 وD) كل شهر. لو مش عايزة عيادة، روحي صيدلية كبيرة زي العزبي أو 19011، هيعملوه بسرعة وخصوصية. كلي يومياً: لحم أحمر، كبدة مرة أسبوعياً، سبانخ/ملوخية، عدس، تمر مع لبن، وخدي فيتامين حديد لو الدكتور وصفه قبل (زي Fero-Grad بس بعد أكل عشان المعدة). نظام يومي بسيط : مشي 30 دقيقة يومياً (مش رياضة ثقيلة). وزنكِ لو زايد أو ناقص، حاولي توازنيه بأكل متوازن (3 وجبات + فاكهة). اشربي شاي أعشاب زي القرفة أو الزنجبيل يومياً (ملعقة صغيرة مغلية) عشان يساعد الدورة. الدورة الحالية : لو استمرت نقط كده أو وقفت، سجلي التواريخ والكميات في تطبيق زي "Flo" أو دفتر، ده هيساعد أي دكتور بعد كده. مش عايزة عيادة؟ تمام، جربي بدائل مريحة : استشارة أونلاين عبر تطبيقات زي "Vezeeta" أو "Altibbi"، هتلاقي دكاترة نساء متخصصين في اضطرابات الهرمونات للبنات غير المتزوجات، خصوصية 100%. في Fedni، روحي صفحة الخبراء https://www.fedni.net/experts وابحثي عن خبراء نساء وتوليد أو تغذية، ممكن تحجزي استشارة خاصة بسرعة وخصوصية. متتردديش ترجعي للدكتور، ده مش إحراج خالص – هما شايفين حالات زيكِ كتير! استمري كده وهترجعي منتظمة إن شاء الله، ولو عايزة تحكي أكتر أو تسألي عن أكل معين، قوليلي. ربنا يشفيكِ وييسر أمركِ يا رب 💕 ابحثي في Fedni عن "عدم انتظام الدورة" هتلاقي إجابات تانية مفيدة! 😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١ أبريل ٢٠٢٦
روحي عند دكتوره بلاش دكاتره رجاله خالص
تم النشر الخميس، ٢ أبريل ٢٠٢٦
لازم ي قلبى تروحى تكشفى عند الدكتور مش لازم كل تلى يروح هناك حامل لازم تروحى تشوفى نفسك قبل م الموضوع يكبر
تم النشر الأربعاء، ١ أبريل ٢٠٢٦
شوفي دكتور وياريت تحكي كل الى حكتيه دا وانك كشفتي قبل كدا اعتقد مافيش حد هيقدر يفهم ويساعد غيره
تم النشر الأحد، ٥ أبريل ٢٠٢٦
حاضر 💗
تم النشر الأحد، ٥ أبريل ٢٠٢٦
اول حاجة لازم تروحي لدكتوره شاطره عشان غالبا انت حالتك بس محتاجة ادويه صح للخبطة الهرمونات دي والتزمي على العلاج وفي الاخر الشفاء ده بايد ربنا ادعي علطول ربنا يعافيكي في بدنك
تم النشر الأحد، ٥ أبريل ٢٠٢٦
دكتور العيله يعني رجل أجنبي عنك بردو مش حد من محارمك ، بجد موقف وحش جدا إن التعامل يكون من دكتور راجل في الأمور دي
تم النشر الجمعة، ٣ أبريل ٢٠٢٦
حاضر ♥💕
تم النشر الأربعاء، ١ أبريل ٢٠٢٦
حاضر 💗
تم النشر الثلاثاء، ٧ أبريل ٢٠٢٦
ايوا والله فعلا عشان كدا انا افضل انى اكون تعبانه ولا انى اروح عند الدكتور تانى 💔
تم النشر السبت، ٤ أبريل ٢٠٢٦
صحابى كلهم يمكن انا اكتر واحده فيهم جريئه شويه اللى بعرف اتعامل مع ده فمش اذن ان حد منهم هيجى معايا
تم النشر الجمعة، ٣ أبريل ٢٠٢٦
روحى مع حد من أصحابك عادى بينك وبين نفسك كده
تم النشر الخميس، ٢ أبريل ٢٠٢٦
انا اصلا ضد الفكره نهائى بس عشان هو دكتور العيله وكدا واهلى مش مقتنعين انى اروح لدكتوره غيره فعشان كدا مش عاوزه اروح
تم النشر الخميس، ٢ أبريل ٢٠٢٦
اوفق @Menna الرأي وبشده
تم النشر الخميس، ٢ أبريل ٢٠٢٦
لعرض السؤال في فدني اضغط هنا