السلام عليكم ورحمه الله وبركاته
عندي ١٦ سنه انا بعاني من ضعف الشخصيه مفرط بقا مع اني مفيش اي عيب بكره نفسي بجد وضعيفة وشايفه نفسي أقل من الناس وديما حاسه اني انا محدش مش متقبلني انا لو في البيت بكلم نفسي اتكلم بثقه وبطريقه عاديه برتاياح لا مع الناس حتى مع بابا تلعثم في الكلام كدة متشافه تافهة بجد مليش شخصيه دا حتى ببقى شيله هم اني اروح للسوبر ماركت واشتري حاجة حتى كسوف عبيط
سمعت بودكاستات كتير وبردو مش قادرة محسش بالضعف دا نفسي اكون شخصيه محبوبه متشافه مهمه حتى صحبتي شكي الدايم واني بحس انها مش بتحبني ومش عايزاها تكلم حد غيري دايما انا محسساها أنهامش بتحبني وصلها ضعف شخصيتي دا انا وهيا بقينا مستغربين ليه بنعامل بعض الايام دي كأننا مش عارفين بعض
هي حاسه ان انا مش متقبلاها فبتبعد وهي لو قربت هفتحلها قلبي والله نفس الوقت لاني حاسه ان محدش بيحبني اساسا فأكيد هخاف أقرب ومليش شعور متبادل دا حتى مكسوفه اكتب الرساله دي قد ايه انا وصلت ضعفي بس انا زهقت من الكتمان نفسي اتكلم واقول عشان انا مش واثقه في حد اللي خلاني اكتب ان محدش يعرف لي و ارجو الافاده وجزاكم الله كل خير
وعليكم السلام ورحمة الله وبركاته، شكراً إنك شاركتيني مشاعرك بصراحة كده، ده دليل على قوتك الداخلية حتى لو مش شايفاها دلوقتي. في سن 16 سنة، كتير من البنات بيحسوا بنفس الضعف ده، وده مش عيب فيكِ، ده مجرد مرحلة بتحتاج شوية رعاية وخطوات عملية عشان تتحولي للشخصية اللي نفسك تكونيها. أول حاجة، ابدئي بخطوات صغيرة يومية داخل البيت عشان تبني الثقة تدريجياً. مثلاً، مارسي الكلام بصوت عالي قدام المراية، أو سجلي نفسك وأنتِ بتتكلمي عن يومك بثقة، وكرري كلام إيجابي زي "أنا قيمتي غالية عند ربنا، وهو خلقني بطريقة فريدة"، لأن الإسلام بيعلمنا إن الثقة بالنفس تبدأ من معرفة قيمتنا عند الله مش عند الناس. بعد كده، جربي تروحي السوبر ماركت وتشتري حاجة بسيطة، ولو تلعثمتي، عادي، ده جزء من التمرين، والمهم إنك ترجعي وتكتبي إنجازك الصغير ده في مذكرة. بالنسبة لصديقتك، الضعف ده بيأثر على العلاقات، فحاولي تفتحي معاها بطريقة هادية زي "أنا بحبك وخايفة أفقدك"، وده هيخليها تفهم إن الموضوع مش رفض ليها. وفي نفس الوقت، ركزي على بناء صداقات أوسع من خلال هوايات أو أنشطة مشتركة، عشان ما تبقيش معتمدة على شخص واحد. تذكري إن التغيير بياخد وقت، وكل يوم هتحسي بتحسن لو استمريتي، ولو عايزة أفكار إضافية ابحثي عن أسئلة مشابهة على فدني عشان تشوفي تجارب الآخرين. أنتِ قادرة، وأنا هنا لو عايزة تكملي الحديث.
تم النشر الأحد، ١١ أكتوبر ٢٠٢٦
وعليكم السلام ورحمه الله وبركاته بصي يا بنت الناس انتي لسه صغيرة وقدامك وقت تتعلمي وتطوري من نفسك فمتفضليش تقارني نفسك بغيرك ولا تحكمي على نفسك إنك ضعيفة لمجرد إنك بتتكسفي أو بتخافي تتكلمي الثقة مش بتتولد معانا دي بتتبني واحدة واحدة ومش لازم كل الناس تحبك المهم تحبي نفسك وتقدريها ابدئي بخطوات صغيرة واتكلمي حتى لو بتتلخبطي ومتخافيش من الرفض واللي بيحبك بجد هيقبلك بطبيعتك ومتحاوليش تغيري نفسك عشان ترضي حد ..غيري نفسك عشان نفسك
تم النشر الثلاثاء، ١٣ أكتوبر ٢٠٢٦
كنت كده ومكنتش بعرف اروح مكان غير لو معايا حد وبخاف وبتكسف بس حاولت مع نفسي واللي حسني اكتر اني نزلت شغل واتعاملت مع ناس ف بقيت احسن شويه واه لسه بخاف ولسه معنديش ثقه ف حد وبخاف ابقا متقله ع صحبتي وانها م بتحبني ف بقيت مكتفيه ببنت واحده متأكده انها بتحبني واي حد تاني بنتصاحب عادي بس ف اي وقت هتبعد انا عادي ولو قعدت فتره م بتكلمني عادي ف الاول كان عندي حب امتلاك دلوقتي اقتنعت ان كل واحد عنده حياته انام محور الكون واقتنعت عشان حطيت نفسي مكان الناس دي واني م بحب حد يبقا لازم فيا ويتحكم فيا زايي م انا بعمل
تم النشر الثلاثاء، ١٣ أكتوبر ٢٠٢٦
صلى وقربى من ربنا... وبعدين لازم تبقى عارفه ان مافيش حد واثق من نفسه ميه بالميه عادى فا الى انتى فيه ده طبيعى جدا.. وعشان تحسى ان انتى واثقه من نفسك غيرى استيلاتك اهتمى بنفسك اعملى روتين بتحبيه كل ما تعملى حاجه بتحبيها افرحى ولما تنجحى فى حاجه قولى انا شاطره وواثقه من نفسى... يمكن الاستيل الى بتلبسيه مش عاجبك غيريه لحاجه بتحبيها غيرى استايل شعرك جددى لحاجه انتى بتحبيها
تم النشر الاثنين، ١٢ أكتوبر ٢٠٢٦
كأنك بتوصفي أخويا لكن الفرق انه عنده صحاب والقريبين من واحد او اثنين بيروح يشتري حجات عادي والتلعثم ده بيجيله لكن مش مع ابويا وامي ممكن مع عمامنا او خلانا . ايه السبب معرفش وطبعا بتكوني حساسة أوي من الكلمة وخايفة الناس تفهمك غلط من كلامك فبتعدي تفكري في الكلمة الاول ولما يكون عندكم ضيوف بتكوني ساكتة مبتفتحش موضوع او بتدخلي اوضة تعدي لوحوك لحد ما يمشو
تم النشر الثلاثاء، ١٣ أكتوبر ٢٠٢٦
لعرض السؤال في فدني اضغط هنا