انا تقريبا كدا عشت كل حياتى غلط اخدت ردات فعل غلط هربت من مشاكلى لدرجه ان اى شئ محتاج و لو حتى مجهود صغير عشان افكر فيه او اعمله ماكنتش بفكر فيه لدرجه لما بقيت دلوقتى احاول افكر فى حاجة حاسه مش عارفه افكر التفكير الفعل ذات نفسه مش عارفه اعمله ازاى فبقيت اعمل زى على طول احس ان كل حاجة مكركبه و اسيبها على اساس انى حفكر فيها بعدين و مش بفتكر و لو افتكرت يجيلى حاله من توهان و اسرح فى اى شئ و انسى نفسى لحد ما انسى طريقه تعاملى مع الناس دايما غلط اسلوبى غلط طول عمرى حاسه ان دماغى متركبه عكس الناس مش عشان عندى فكر مختلف انا مش بفكر اساسا عمرى ما قعدت مع نفسى و فكرت ان ازاى شخصيتى اختلفت مثلا او انى فكرت فى موقف حصل و اتعلمت منه انا طول عمرى حاسه بفراغ حتى لما حاولت اكون انسانة طبيعيه و افكر ظى الناس فى الامور دى حسيت بفراغ سواد اربعه و عشرين ساعه بهرب من نفسى عشان لو سلمت نفسى لفكرى حموت نفسى افكارى دايما غريبه مستعده افكر فى اى شئ إلا المصلحه الا الحاجات الطبيعيه اللى بتشغل الناس او بتفكر فيها فى العموم عمر ماحد فهمنى لانى فعلا غريبه و غير مفهمومه لان اللى انا فيه غير مفهوم بالنسبه ليا انا نفسى اتغير حاولت و فشلت مرات كتير تعبت و زعلت و تحولت لحاله صعبه المشكله انى مقتنعه بدأ لا بحاول افهم نفسى انه عادى اللى هو ايه الجديد ما انت طول عمرك كدا لا انا اه زفت بس مش للدرجه دى انا دلوقتى بوصل ل انا عارفه ان الشئ دا حيضرنى و عادى ايه اللى حيحصل يعنى و لو اللى بيخوفنى فى الموضوع ان فيه ابتسامه ملهاش مبرر بتظهر على وشى من غير ما احس مش عشان مستمتعه بالموضوع لا عشان حرميه و مش حفكر فيه و مش مشكله يعنى دا اللى هيخرب حياتى ما هى خربانه فى الاول الموضوع كان بدافع الخوف اما دلوقتى بحس انى بعمله عشان عايزه اعمله و دا شئ راعبنى و مش عارفه اوقفه
السلام عليكم ورحمة الله وبركاته شكرا لحضرتك ع المشاركة احساس اللغبطة اللي جواك واصلني جدا جميل انك حبيت تعرض الموضوع وتفكر فيه مع حد غيرك لمًا بتحصل مشكلة او صدمه لشخص من ضمن وسائل الدفاع اللي بيقوم بيها العقل انه يتجمد عن التفكير وتعود الانسان علي ده بيخليه مش عايز يتعب نفسه ويفكر اصلا لان مجرد التفكير بيتعبه وبعدها بيتحول لچوكر فيس اللي هوا بيضحك بس مأذي وهوا عارف ده فبيظهر للناس انه بيضحك ومش هامه مدام محتاج حل يبقي اكيد وصلت لمعاناه من ده وممكن يكون دا حافز اننا ندور شويه جوايا ليه بتعمل ده ؟ مع حد معين؟ هل فكرت احل مشكلة قبل كده ؟ بعرف أواجه؟
تم النشر الأحد، ١ أكتوبر ٢٠٢٣
وماذا بعد؟ هل هتفضلي تهربي كتير منك؟ هتفضلي تهربي من مشاكلك، وخوفك، وأفكارك لحد امتى؟ وايه هو اللي خايفة منه، خايفة تظهري حاجه جواكي ف تسبب ليكي ازمة جديدة؟ خايفة من نفسك! ولا خايفة من الالم؟ امتى فكرتي انك تقولي لنفسك الكلام اللي كتبتيه ف البوست؟ هل ده كان اول قرار تواجهي بيه نفسك وتكتبي الكلام ده؟ ولا انتي ف الدايرة ديه بقالك كتير!
تم النشر الخميس، ٢٨ سبتمبر ٢٠٢٣
الله يعينك اخي على ما ابتليت كلنا لم نختار عيشتنا حاسة بيك
تم النشر الخميس، ٢٨ سبتمبر ٢٠٢٣
متقوليش إنك لوحدك اللي بيحصل معاها كدا عادي ممكن يحصل مع اي حد مش بيسأل يشغل نفسه ازاي يعني مثلا شوفي اي الحاجه اللي لما بتعمليها بتفرحك لو بتدرسي مثلا ونفسك في حلم تحققيه اشغلي نفسك بيه وتفكيرك بيه لان بجد التفكير دا زي الادمان من الصعب تتخلصي منه بس لو قدرتي تقرري انتي عاوزا التغير او لا هتتغلبي عليه واهم من دا كله بجد بجد قربي من ربنا اكتر ادعي كتير اشغلي نغسك بالقران دايما فكري انا عملت اي النهارده عشان ربنا يرضي عني هتلاقي التغير بدا فعلا واكيد النتيجة مش من اول يوم او حتا اسبوع علي حسب قدرتك انتي في محاولاتك للتغير دا وانا اول حد مر بالتجربه دي وبنصحك باللي عملته فعلا وما زلت بعمله لان احيانا بحس اني ممكن ارجع للفتره الصعبه دي يعني التقرب من ربنا يكون دايما مش عشان الحاجه دي بس اهم حاجه توثقي في محاولاتك وفي اهدافك وإن شاءلله هتتخلصي من المرحله الصعبه دي
تم النشر الخميس، ٢٨ سبتمبر ٢٠٢٣
لعرض السؤال في فدني اضغط هنا