بقيت اكبر فرحتي اني اخش اوضتي بعيد عن الناس بعيد عن الدوشة بعيد عن اي حاجة بقيت وحيد وقافل علي نفسي مشكلتي بقا اني بقيت احب اكون لوحدي مع اني اجتماعي وعندي اصحاب كتير حتي شغلي بقيت اخلصو من البيت علي الابتوب انا تقريبا بقعد ال ٢٤ ساعة في ال٢٤ ساعة في اوضتي بعد ما ناس كتير اتخلت عني سواء بنت كنت بحبها او مشاكل مع اهلي وبقيت اطور من نفسي واخد كورسات اونلاين ومصاحب القهوة والسجاير وقراءة الكتب الي عندي وبحاول اتجنب اي شئ يحاول يخرجني برة ومع ذلك حاسس بخوف وقلق وما اسوء شعور الوحدة وحلاوتو في نفس الوقت
(وما اسوء شعور الوحدة وحلاوته في نفس الوقت) الجملة ديه انت لخصت فيها مشكلتك .. في الحقيقة فيه ناس بتبقى مبسوطة بالوحدة .. بتبقى مبسوطة بالقراءة والكورسات وقد ايه احساس انك بتنجز ده شئ عظيم وبيحفزك يوم عن يوم. وانا معاك انه كويس جدا، بس هل انت كنت كده؟ لأ انت مكنتش كده .. انت كنت في الاول بتحب عادي الخروج مع اصحابك، وبتحب تقضي وقت لطيف معاهم، لكن حصلت بعض المشاكل في حياتك وهي اللي ادت بيك انك تقفل على حالك بالشكل ده، خلينا نقول انك مثلا هربت .. هربت انك تواجه نفسك بالمشاكل ديه، وبقيت قافل على حالك، بقيت في (الكومفورت زون) منطقة الامان، منطقة الراحة .. اللي بقى مفيش فيها اي مشاكل ولا زن من اي حد، تقضي يومك مع نفسك في امان وراحه، كل مشكلتك بتنحصر في انك بتعمل كل ده وانت (وحيد) .. الحل ايه بقى؟ عالج مشاكلك، متهربش منها بالوحدة .. كويس اوي اللي انت بتعمله في يومك وكويس انك مش مضيعه على الفاضي، بس ع الاقل اعمل توازن .. علشان شعور الوحدة ده ع الاقل يتملي شوية .. خير الامور الوسط.
تم النشر الثلاثاء، ١٥ أغسطس ٢٠٢٣
والله حاول تتواصل مع صحابك و تعمل علاقات اجتماعية ، و نصيحة مني عشان تعمل صحاب لازم تختار صاحب بيشاركك جميع هواياتك و يقف جنبك
تم النشر الثلاثاء، ١٥ أغسطس ٢٠٢٣
كل حاجة وليها ضريبتها احنا بس بنكون فاكرين ان فى حاجة بدون تعب ....ده مش حقيقى ولا من طبيعة الدنيا اصلا طالما حبيت شىء او شخص فانت بتوافق ضمنيا كده انك تتحم اى حالة هيكون عليها هتبقى لوحدك استمتع بالهدوء والروقان وتحكمك فى كل دقيقة بدون اى دوشة .......واستحمل الم انك مفيش حد يشاركك زعلك ولا فرحك . هتبقى وسط الناس ....استمتع بالونس وهتلاقى حد يخفف عنك الالم ويضاعف معاك الفرحة ....واستحمل واجباتك تجاههم واختلافهم ودوشتهم وسقطاتهم ....وهما كمان هيستحملوك موضوع الحلو من هنا على الحلو من هنا ده ...بدون اى منغصات ...مش واقعى ابدا كل الخذلان حوله انت لدرع تصد بيه اى محاولة خذلان جديدة ....بدل ما هو ستارة مستخبي وراها من كل حاجة ...من كلامك عن التطوير الذاتى لنفسك وقدرتك على الانجاز ..فانت افضل من انك تبقى مستخبى ورا حاجة قديمة
تم النشر الثلاثاء، ١٥ أغسطس ٢٠٢٣
ممكن توازن بين الأمور، فعندما تكون في حاجة للعزلة الجأ لها حتى تطيب نفسك وتستقر وتشعر بأنك مستعد للخروج لمقابلة الناس، والعكس. الفكرة كلها في أن تتقبل نفسك كما هي في كلا الحالتين، ولا تشعر بأي عبء أو غضب أو حزن من طبيعتك، فبداية الحلول هي التقبل على الدوام. أن نتقبل أننا هكذا، وأن هذه طبيعتنا التي خلقنا عليها، فالتقبل يجعلنا نغفر لنفوسنا، ونشفق عليها وعلى ضعفها، ونحاول بهدوء وحنان مساعدتها وتطويرها على عكس عندما نكره طبيعتنا ونغضب منها، فإننا نصب لجام غضبنا علي نفوسنا، ونحاول كبتها وكبت هذه الطبيعة بشكل قصري دون مراعاة الضعف الإنساني الذي تمر به
تم النشر الأربعاء، ١٦ أغسطس ٢٠٢٣
تعرضك للخذلان احدى اسباب لجوءك للوحده لكن لا تدعها تؤثر عليك فمع مرور الوقت ستجد نفسك على عكس طبيعتك من ثم تتحول الى شخص انطواءي لكن الجزء الجيد من وحدتك هو انك تستفاد منها وهذا لن تجده فحال اختلاطك بالبشر لكن لابد من الاختلاط بشكل او باخر فالإنسان كاءن اجتماعي حتى هناك بعض الحيوانات اجتماعيه الفيله الني وعيش فمجموعات فهتيجي علينا كبشر ونكون وحدين انت بس بتتعافي من الخذلان اللي اتعرضته بس نصيحه مني متخليش الفاره تطول لجانب انك تطور من نفسك وتعيش رايق فوحدك خصث وقت لاهلك لصحابك ولو لمره فالاسبوع مش لاحل كد لاحل نفسك انك تحافظ على فتره انو البشر اجتماعين لانك مع الوفت هتمل وده وارد جدا بل ده اكيد جدا حاول توازن بين شويه اختلاط مع الاحتفاظ بجزء من وحدتك يحترمه كن حولك لانه جزء يريحك اعتذر عن انني كتبت جزء من الاحابه لغه عربيه والاخر عاميه والسلام لقلبك 🕊️
تم النشر الثلاثاء، ١٥ أغسطس ٢٠٢٣
لعرض السؤال في فدني اضغط هنا