في واحد معانا بالجامعة مهتمة اني اكون صديقته لأنه ذكي وحاسة اني ممكن استفيد منه بس ما عايزة اصادقه في الحياة الواقعية بس على التليفون، خايفة القى رفض من طرفه
يا بنت الناس خليني اسألك سؤال طيب، ليه تنزلي بقيمة نفسك لدرجة دي طيب؟ و هل هو يستاهل أنك تعصي ربنا عشانة؟ (مش عايزك تجاوبيني بس عايزك تجاوبي نفسك)، مفيش حاجة أسمها صداقة بين ولد و بنت قطعاً، ولا حتى على النت مفييييش حاجة اسمها كده، إى نوع علاقة بين الولد و البنت بيكون فيها مشاعر مهما كانت إى هيا. -- الأحساس اللي عندك ده بأنه مفيش منه اتنين علشان هو ذكي و مفيش منه اتنين هو بس نظرة اوليه لكن لو هتتعمقي فيه هتلاقي فيه عيووووب الدنيا و ما فيها (كلنا كده حتى حضرتك)، بلاش تنزلي قيمتك الأرض و تتكلمي مع إى شاب إى كان هو مين (إلا اخواتك الشباب طبعاً) من غير حدود شديدة جداً، بلاش يا بنت الناس. وبس اتمنى يكون في إفادة...
تم النشر الاثنين، ٢٦ أكتوبر ٢٠٢٦
بصي أولاً حتى لو نيتك وغرضك مجرد معلومات ففي النهاية الطريق ده آخرته وحشه ...مفيش صداقة بين بنت وولد حتى لو على تليفون قولاً واحداً "ولا متخذات أخدان" ما علينا حتى لو نيتك أنه بس مجرد حد آخد منه معلومات ماذا بعد؟ ده باب فتنة كبير اويي وللأسف السوشيال ميديا والمسلسلات والافلام بيخلونا نشوف أن ده عادي وتمام ومفيش فيه اي مشكله ..ولكن واحده واحده الموضوع هيوصل لإعجاب وحب من حد فيكم ..شوفي اي اتنين كانو صحاب ف الآخر الموضوع قلب لحب من حد منهم وده طبيعي يحصل ..ف العديد نفسك عن الفتن وحافظي على قلبك علشان بجد كل حاجه غلط بتتعمل انتي بتدفعي تمن غلطك ده أضعاف والله تقدري تاخدي المعلومات دي من اي صديقة بنت او حتى من دكتور عندك او من أي ابلكيشن AI ..تقدري تسألي عن المعلومة دي ف الجروب بتاعكم لو حد عارف هيرد ففي طرق كتيرة انك تجيبي بيها المعلومة بعيداً عن الطريق ده
تم النشر الاثنين، ٢٦ أكتوبر ٢٠٢٦
اختي العزيزة، دعينا لا نضحك على انفسنا، "عايزة استفيد منه" هي خطوة من خطوات الشيطان لا غير... فنحن في اكثر عصر مفتوح للمعلومات المجانية من المواقع والذكاء الاصطناعي، فطرق الفائدة كثيرة جدا! اما مصادقة الفتاة للشاب فلن تخلو من المشاعر ان كان من طرف واحد او من الطرفين، وطبعا عند عرضك عليه هذه الصداقة ، بالاضافة الى انه حرام شرعا، كذلك انت لن تخطري بباله كأخته أبدا، وعند تقربك منه وتعلقك فيه تحت اطار الصداقة سيتركك كأنك لم تكوني في حياته.! كوني عزيزة النفس حافظي على حدود الله
تم النشر الاثنين، ٢٦ أكتوبر ٢٠٢٦
مداخل شيطان.
تم النشر الأحد، ١ نوفمبر ٢٠٢٦
مفيش صداقة بين الولد والبنت
تم النشر الثلاثاء، ٢٧ أكتوبر ٢٠٢٦
شدخل مجانية انا عايزة استفيد منه 😭
تم النشر الاثنين، ٢٦ أكتوبر ٢٠٢٦
لو راجل محترم هيرفض قطعا، لو راجل محترم (مش) ، هيقبل قطعا لأنك فرصة مجانية بالنسبالة.
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا