انا عندى ١٨سنه وفى شخص معجبه بيه واعرفه من زمان بس مافيش بنا كلام كتير وعلاقتنا مع بعض سطحيه انا عرفت انه طلع مرتبط وبيحب واحده تانيه مشكلتى انى مش عارفه اطلعه من دماغى وكل شويه افكر فيه عايزه اعرف ازاى ابطل التفكير فيه
شوية وهتلاقى نفسك نسيتيه . الفراغ العاطفى هو السبب بس . انشغلى عاطفيا مع اهلك وصحابك اكتر
تم النشر السبت، ٢٢ يوليو ٢٠٢٣
عارفة قد ايه الموضوع صعب " نصيحتي ليكي تقطعي علاقتك بيه خالص طالما مفيش طريقة تعبري بيها عن مشاعرك و هو مرتبط اصلا طبعا مفيش طريقة تنسيه بيها بس حاولي تشوفي حياتك اهم اهم حاجة تقربي من ربنا وردك و صلاتك كل يوم اسمعي بودكاست زي وعي و ايه المشكلة و صحب و اقري كل ده هيفيدوكي اوي تتخطي اي مشكلة ،، انتي سنك جميل و لسة قدامك كلية بعدها شغل إن شاء الله تتعرفي ع ناس جديدة و تنسي و ربنا يعوضك و صدقيني لو من نصيبك هتلاقيه هو ال جاي يكلمك سيبيها ع ربنا و بس ،، ربنا يريح بالك
تم النشر السبت، ٢٢ يوليو ٢٠٢٣
ازاي تطلعيه من دماغك؟ عن طريق انك تدركي ان المضوع حقيقي مش كبير او مش مستاهل .. وانا هنا مش بستهان بيكي .. بس عايزاكي اتي تستاهني بالفكرة نفسها، لان الفكرة نفسها متستحقش التفكير ده كله. طيب ازاي؟ عن طريق انك تقنعي نفسك بالاتي:- اولا ده مش حب .. هو مجرد اعجاب، شخص كنتي بتشوفيه باستمرار مثلا عجبك فيه كذا حاجه .. هقولك ع حاجه كمان لو انتي بتسمعي مثلا افلام او مسلسلات ممكن تبقى بتحبي ممثل معين .. ولكن اعجاب بالممثل مش بالشخص .. او مغني فهماني .. الموضوع مش بيتطور للحد الكبير انه فارس احلامك! هو هو نفس الموضوع .. ده حد مثلا شوفتي فيه كذا صفة مثلا كويسة، ايا كانت سواء صفات شخصية او حتى شكله عاجبك. ولكن الحاجات ديه ممكن تكون موجودة في اي حد تاني عادي ... يعني هي مش متوقفة ع الشخص ده بس! ف ده الجانب الفكري .. اما الجانب السلوكي مهم جدا انك تبطلي تتابعيه لو بتابعيه ع اي منصة من منصات السوشيال ميديا .. ف لازم تبطلي تتابعيه. ابدأي اعملي انشطة تانية او اهتمي بحاجات تملي حياتك او تفكيرك .. رياضة، كورس، موهبة معينه .. وهكذا
تم النشر السبت، ٢٢ يوليو ٢٠٢٣
ممكن يكون صعب عليكى تنسيه وتنسى حبك ليه بس حاولى تعملى move on واول حاجه تعمليه قربى من ربنا وأقرأ فى المصحف و اشغلى نفسك بأى حاجه اخرجى اقراء كتب وحولى متزعليش نفسك على اى حاجه لان صحتك أهم حاجه واهتمي بنفسك ..... ممكن يكون مكنش مناسب ليكى واكيد رينا كتبلك حد احسن منو وحجات كتيره جميله ودا اختبار من ربنا . فا زى مابيقولو اسعد نفسك بنفسك متفكريش فى اى حاجه واستمتعى بوقتك مع اهلك وصحابك وحاولى متفكريش كتير لان كتر التفكير بيرهق الواحد . اسفه طولت عليكى
تم النشر السبت، ٢٢ يوليو ٢٠٢٣
لعرض السؤال في فدني اضغط هنا