السلام عليكم ورحمة الله وبركاته أنا طالبة في كلية تربية نوعية قسم رياض الاطفال دخلتها عشان أنا بحب الاطفال و عشان كنت بدور على محال اتخرج استغل منه علي طول فصحبتي نصحتني بالكلية دي و أنها مطلوبة و اني فلوسها حلوة وكده بس. بلاحظ أن في حضانات كتير بتشغيل غير متخصصين و بتتعامل مع الاطفال بسألوب وحش و ده غير أن كتير بيحسسني اني دخلت مجال اي كلامي و اني اخري ادي دروس و أن مفيش تعيين ولا حاجة و حتقبضي ملليم و أن في كورسات بتتاخد بطلع واحدة معاها دبلومة معلمة رياض أطفال يعني انتي حتغدي اربع سنين على الفاضي و ايه الكلية الغريبة دي اول مرة نسمع عنها و لما دورت على الشغل برة لقيت السعوديه محلية الوظيفة السعوديات بس فحد يفهمني الكلام ده صح ولو صح اعمل ايه
بالعكس الكلية لها مستقبل جدا .. اولا انتي اعملي اللي عليكي .. وملكيش دعوة بكلام الناس .. انتي دراستك الحالية ديه مش اي كلام بل هي داعم اقوى من اللي داخل المجال كده .. يعني انتي دراسة + لو كمان هتاخدي دورات او تدريبات ... ف هيبقى ليكي الافضلية في الشغل. + كل واحد ومجهوده وشطارته .. يعني انتي لو بقيتي ممتازة في مجالك ده .. ده هيديكي برضه افضلية عن اي حد سواء خارج او داخل المجال. متسمعيش كلام حد، وركزي في كليتك ومستقبلك.
تم النشر الاثنين، ١٠ يوليو ٢٠٢٣
انتى عماله تخوفى نفسك من اللمستقبل اللى محدش يعرف هيكون فيه ايه اصلا . انتى محدده وعارفه انتى عاوزه ايه ومقرره تستغلى اللى بتحبيه من اول المجال للكلية فانا مش شايفه غير انك تركزى فى انك مع سنين الدراسة تعززى نفسك اكتر بكورسات متخصصه هتخليكى احسن من اى حد مش متخصص واخد كورس وبس الدراسة ااكاديميه مش اى كلام ولا تضييع وقت والاربع سنين بتوع اى كلية ممكن يكونوا كنز وممكن يكونوا وقت تقيل على حسب انتى هتستثمريهم ازاى فى حلمك ومستقبلك عشان تكونى متميزة
تم النشر الأحد، ٩ يوليو ٢٠٢٣
تحياتي ليكي يا أختي. بالنسبة للحكاية بتاعتك دي هقولك رأيي فيها بإختصار. أولا : ما تسمعيش كلام الناس المحبطة دول واللي بيسببولك ضعف نفسية. إنتِ بتحبي المجال ده ودرستيه وعايزة تشتغلي فيه. فحاولي تركزي على حبك للمجال وتجاهلي كلام المحبطين. ثانيا : الكلية بتاعتك هي أساس شهادتك اللي هتخليكي تشتغلي في المجال ده. فمهما يكون في ناس بتشتغل بدون مؤهل مناسب، إنتِ المفروض عندك المؤهل المناسب عشان تشتغلي بإحترافية. ثالثا : مش كل الشغل هيبقى في السعودية. في فرص كتير في دول عربية تانية زي مصر والإمارات وغيرها. فحاولي تدوري على فرص في دول تانية. رابعا : إنتِ لسه في أول حياتك المهنية. فحاولي تكسبي خبرة في أي مكان حتى لو مع رواتب متدنية. دي هتبقى بداية لخبرتك، وبعد كده الأمور هتتحسن إن شاء الله. خلاصة القول، ما تيأسيش ولا تسمعي كلام المحبطين.
تم النشر الأحد، ٩ يوليو ٢٠٢٣
خلصي الاول دراستك و بعد كده شوفي الكورسات و الدورات المناسبة..مثلا ولو اتعلمتي لغة إنجليزية أو اجنبية معاها فرصة انك تقدمي في مدرسة لغات أو مؤسسة تعليمية خاصة هتكون متوفرة ليكي .. و كمان فيه تخصصات جديدة..زي الCrafts لتعلم الاطفال اللي عندهم مشكلة معينة في التعليم ....و ممكن تخدي كورسات ليها علاقة ب علم النفس التربوي و ازاي تقدري تعطي استشارات تربويه للأطفال.. في مجالات كتير بس لازم الاول تركزي في الدراسة و سبيها علي ربنا
تم النشر الأحد، ٩ يوليو ٢٠٢٣
لعرض السؤال في فدني اضغط هنا