انا كنت بعمل ذنب وحش اوي و تبت عنه بقالي كتير و بعدت عن كل حاجه وحشه و بقيت اصلي و احفظ قران و اقرب من ربنا و اتغيرت اتغيرت بجد والله و مش بقرب من ربنا علشان اتجوز انا مش عايزه حاجه غير الستر اني متفضحش و انه ربنا يغفر لي ذنبي ده
المهم كل فتره بلاقي ناس قريبه مني جيران قرايب بيتفضحوا بسبب نفس الذنب
انا عايشه في ضغط نفسي رهيب خايفه يحصل لي زيهم انا والله العظيم تبت بجد بس مرعوبه اللي كان مطمني اني تبت عن الذنب ده بس في منهم قالوا انهم تابوا و برضو اتفضحوا انا مش عارفه اعيش طبيعي زي باقي الناس انا عارفة اني غلطت و ندمانه والله العظيم اعمل اي
ربنا قال "أنا عند ظن عبدي بي فإن ظن بي خيرآ فهو كذلك" وعلينا اليقين في لطف الله بنا ومهما عظمت ذنوبنا إلا ان لطف الله أعظم ورحمته أوسع وعلينا الاخذ بالاسباب حتى نجتهد في السعي إلى النعيم بستر الله وهذه الاسباب كالانقطاع التام والابتعاد عن الذنب وكذلك مسح كل شيء يرتبط بذلك الذنب وهذا اجتهاد من الانسان وعلى الله التوفيق في اتمام ستره ، وعلينا الا نربط فضائح الاخرين وكشف ستر الله عنهم بما هو عندنا لأن نفوس البشر لا تتساوى ولعل غيرك تاب دون صدق في توبته مع الله أو لعل الآخرين أراد الله أن يجعلهم أية لك لتكن على يقين أن الله فضلك على كثير ممن خلق وهذا يعينك على التقرب من الله أكثر والتمتع بمحبته ورضوانه ولا داعي للخوف من مستقبل لن يأتي وعلينا أن نعيش يومنا بما فيه من نعم ولا داعي للتعايش في مستقبل لن يأتي ولعله يأتي بأفضل من توقعك وتفائلي وابشري بنعم الله ويارب يتم ستره عليكي ويبعد عنك كل شر
تم النشر الجمعة، ٢ يناير ٢٠٢٦
بعيد الشر عليك يا جميل انت بس خليك في التزامك و تقربك من ربنا و كمان خليك واثقة في ربنا ما تفكريش في الموضوع كتير علشان دا هيتعبك جدا لو عندك شغل او دراسة ركزي فيهم و ربنا يوفقك و يسعدك يارب 🫶
تم النشر الخميس، ١ يناير ٢٠٢٦
إن كان عندك المقدرة على الانتقال لبلد جديد محدش يعرفك فيها قما قال العالم لمن قتل مئة نفس بأن يترك أرضه و يذهب إلى بلد أخرى فهو خير لك و ادعِ الله كثيرا بأن يسترك و اسأل الله أن يسترك و أن يثبت قلبك لازمي القرآن و اقرأي تفسيره و تدبري آياته و بكرر بأهمية الدعاء لأن الدعاء يرد القضاء
تم النشر الأربعاء، ٣١ ديسمبر ٢٠٢٥
يا حبيبتي، أول حاجة أقولك إن قلبك ده طيب وصادق، والله يشهد على توبتك اللي واضحة في تغييرك وتقربك منه. ربنا غفور رحيم، وقال في القرآن: "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ" (الزمر:53). التوبة الصادقة زي توبتك – مع الندم والإقلاع والعمل الصالح – مقبولة 100%، وهو يستر عباده اللي يرجعوا له. الخوف ده طبيعي بعد اللي شفتيه حواليكي، بس متخليهيش يسيطر عليكي. الناس اللي اتفضحوا دول، ربنا أعلم بحالهم، مش كل توبة زي التانية، وستر الله أكبر من كل حاجة. إنتِ دلوقتي في مكان آمن لو استمريتِ كده: خطوات عملية عشان ترتاحي نفسيًا وتعيشي طبيعي: زودي الدعاء اليومي للستر : قولي كل يوم 100 مرة "أستغفر الله العظيم الذي لا إله إلا هو الحي القيوم وأتوب إليه"، وادعي "رب استر عوراتي في الدنيا والآخرة". رتبي يومك بقوة : استمري في الصلاة والقرآن، أضيفي صلاة الضحى أو الوتر، وقراءة سورة الملك كل ليلة للحماية. ده هيبني ثقتك بربنا. ابتعدي عن المحفزات : لو في جيران أو أماكن تذكرك، قللي التواصل معاهم مؤقتًا، وركزي على أنشطة إيجابية زي الرياضة الخفيفة أو هواية جديدة (مش يوغا طبعًا). تابعي تقدمك : اكتبي يوميًا 3 حاجات شكرتِ ربنا عليها، ده هيغير نظرتك للحياة ويقلل الضغط. متخافيش، ربنا مش هيخيب ظنك. لو عايزة دعم أكتر، دوري في فدني على أسئلة مشابهة عن "التوبة والستر" هتلاقي إجابات كتير مفيدة، أو شوفي الخبراء هنا: https://www.fedni.net/experts – في متخصصين في الإرشاد الروحي والنفسي هيساعدوكِ. أنتِ قوية وهتقدري، ربنا معاكِ! 💕 إذا حابة تحكي أكتر، أنا هنا يا ذكية.
تم النشر الأربعاء، ٣١ ديسمبر ٢٠٢٥
اللي خلاه سترك ونتي بتعمليه مش هيسترك وانتي قرييه منه يا شيخه عيب حتى، متخافيش ربنا رحيم
تم النشر الخميس، ١ يناير ٢٠٢٦
"وما كان الله معذبهم وهم يستغفرون" مفيش حد فينا معصوم من الخطأ ولكن منخطأش ونكابر ونتمادي في الخطأ ونحاول نرجع لربنا ربنا ستار غفار الاستغفار مش انك بتبدأ صفحه جديده بس لا دا بيقفل عنك ابواب تانيه كان فيها مهلكه ليك وبيفتحلك ابواب الخير كله اهمها الستر
تم النشر الخميس، ١ يناير ٢٠٢٦
ما تخافيش إن الله حليم ستير ، لكن اللي فعلا عاوزاه يوصلك عدم الخشيه من الناس إنتي خوفتي من ربنا وتوبتي ورجعتيله تاني وقررتي تبعدي عن الذنب خلاص لازم تبقي عارفه إن الناس = صفر نظرتهم ورأيهم وكلامهم .المهم بالنسبالك نظرة ربنا ليكي فقط لإن الناس كلهم مخطئون لو شوفتي ذنب كل واحد من الناس هتستحقريه حرفيًا بس كله ماشي بستر ربنا .. هوني على نفسك وخففي الخوف اللي في قلبك لإنه كله ناتج من توقع نظرة الناس وكلامهم عليكي وده لا يساوي شئ استغلي طاقتك وشغفك في القرب من الله بدل ما تستهلكيه وتسيبيه يخلص في شعورك بالخوف
تم النشر الخميس، ١ يناير ٢٠٢٦
مظنش انك بعد ما توبتي ربنا هيفضحك اهم حاجه التزمي الدعاء والاستغفار تقربي من ربنا بالصدقه قيام الليل ربنا يسترك يارب
تم النشر الخميس، ١ يناير ٢٠٢٦
اولا ربنا يثبتك و يغفرلك ، ثانيا انا مريت بحاجه شبه دي ذنب بحبه ، بعدت عنه علشان حرام ، جالي هو تاني بعد كده مريت بفتره خوف من ان الذنب ده يتكشف و كده ، بس بعدها ادركت اني مش هتحاسب على كلام الناس ولا نظرتهم ليها ، و الناس محدش فيهم هيعرف يبعد رزقي اللي مكتوب عني ، علشان الرازق هو الله ، و كمان جه قدامي الآيه دي ﴿أَحَسِبَ النّاسُ أَن يُترَكوا أَن يَقولوا آمَنّا وَهُم لا يُفتَنونَ﴾ [العنكبوت: ٢] ،و بس كده ، ربنا يصبرك و يسترك
تم النشر الجمعة، ٢ يناير ٢٠٢٦
لعرض السؤال في فدني اضغط هنا