كيف أتعامل مع هذه الحالة من الاكتئاب والعزلة؟

Question

بقى زي ما يكون معنديش شعور يعني لو زعلت ممكن معيطش ابدا لكن بحس اني مش قادرة حتى اتنفس وقلبي بينبض بصعوبة في الأول كان ممكن أعيط بس دلوقتي مبقيتش أعيط ابدا حتى لو عايزة وكمان انا من النوع اللي دايما بضحك بس ضحكة مصطنعة أما حقيقي مش بكون حاسة بأي حاجة مفرحة غير اني عندي ملل من كل حاجة عندي 17 سنة بس على عكس كل بنات سني عمري ما حسيت اني عندي مشاعر لأي شاب أو حاجة فبقيت دايما لوحدي معنديش سوشيال ميديا حتى وهي صديقة واحدة و مع ذلك الكل يفكر اني اجتماعية حرفيا انا وصلت لمرحلة أنه لو حد جاب سكينة وضربني بيها مش هيفرق معايا وبيجيلي أوقات أفكار انتحارية أو أسوأ حتى أنا الحاجة الوحيدة اللي مثبتاني دلوقتي مش خوف من عقاب ولا قوة بس اني لسة عندي دين ومهما بلغ حزني عمري ما يأست اه ممكن اكون فقدت الأمل في الناس بس مفقدتش الأمل في ربنا أنه إذا شاء أصلحهم وغير اني ممكن اتخيل شخصيات واقعد اتكلم معاهم بالساعات وحوارات ممتدة وكمان جزأت نفسي لخمس شخصيات تقريبا عشان أعرف أتعامل معاها وكل شخصية غير التانية تماما ومش عارفة حتى مالي طبعا كله حاجة وعلاقتي بأهلي اللي تقريبا بكرههم كلهم حاجة تانية لأنهم منافقين وكذابين ودي أكتر صفات بكرهها انا حرفيا جربت كل حاجة قرأت كم كتب كبير جدا في علم النفس والتنمية البشرية غير التطبيقات من الإنترنت والمحاضرات بس كل ده بيدفعني للعزلة بس

Accepted Answer

مرحبًا بك، شكرًا لك على صراحتك ومشاركتك هذه المشاعر العميقة، وأود أن أقول لك أنك لستِ وحدكِ في هذا، وأن ما تمرين به مهم ويستحق الاهتمام والاهتمام بالإحساس بداخلك. يبدو أن تجربتك الحالية مليئة بعدم الراحة النفسية الشديدة وربما ما تمرين به يمكن توصيفه بأعراض اكتئاب أو حالة نفسية مشابهة، خاصة تلك التي تؤدي إلى فقدان الشعور بالمشاعر الطبيعية، الضحك المصطنع، الانعزال، وحتى الأفكار الانتحارية. دعيني أساعدك بخطوات عملية وبعض الأفكار التي قد تساعدك على التعامل: أنتِ بحاجة لدعم نفسي مباشر: طالما أن الأفكار الانتحارية تتكرر، فإنه من الضروري للغاية أن تتحدثي مع طبيب نفسي أو مستشار نفسي متخصص. هذه الأعراض ليست سهلة ويجب التعامل معها بعناية وتوجيه مهني. يمكنك طلب المساعدة من الخبراء على منصتنا في فدني صفحة الخبراء حيث ستجدين مختصين يمكنهم التعامل مع حالتك بشكل مباشر. لا تقومي بعزل نفسك أكثر: صحيح أنك تشعرين بالخيبة من الناس، ولكن العزلة قد تزيد الأمور سوءًا. حاولي أن تحافظي على أقل تواصل ممكن حتى لو عبر الانخراط في أنشطة صغيرة أو التحدث مع شخص مختص. الاهتمام بالجانب الديني: ذكرتِ أن إيمانك هو ما يمنعك من اليأس، وهذا مصدر قوة كبير جداً. حافظي على هذا الرابط الروحي بالصلاة، والذكر، وقراءة القرآن، فذلك يخفف من التوتر ويزيد من السكينة في القلب بإذن الله. تقبلي مشاعرك على دفعات: قد تكون هناك فترات تكونين فيها خالية من المشاعر، وهذا جزء من التجربة النفسية التي تحتاج إلى وقت للشفاء. اجعلي لنفسك وقت للتعبير عن مشاعرك سواء بالكتابة أو الحديث حتى لو مع ذاتك. التحدث مع الشخصيات التي تخلقيها هو طريقة لبداية التعبير عن الذات. حاولي النشاط البدني: حتى ولو بسيط مثل المشي في مكان هادئ، فهو يساعد في تحسين المزاج والشعور بالراحة النفسية. العلاقة مع الأسرة: إذا كانت العلاقة معهم مؤلمة، فقد يساعدك محاولة التعبير لهم بطرق آمنة أو من خلال وسيط، أو حتى عبر استشارة نفسية أسرية إن أمكن. أنت قوية لأنك مازلت متمسكة بدينك وبالأمل، وهذا شيء عظيم. من المهم الآن أن تأخذي خطوة طلب الدعم المباشر، وأثق أن هناك طريق للشفاء بإذن الله. هل ترغبين في أن أساعدك في كيفية التواصل مع مختص نفسي في فدني؟ أو هل لديك أسئلة أو نقاط أخرى تريدين توضيحها؟ أنا هنا معك دائماً.

Answer

تبلد كبير ف المشاعر دا من كتر النفاق الي حواليكي تفكيرك العميق وشخصيتك وكثرة علمك خلتك تحسي ان مفيش حد هيفهمك ودي حقيقه لو بصيتي للناس حوالينا دلوقتي هتلاقيهم ناس فاضية من جوه ونسبة انك تلاقي انسان حقيقي غير متصنع نسبة قليلة جدا وتكاد تكون معدومه في مجتمعنا سواءكان كبار مشغولين بمشاغل الحياة والماديات والتعامل مع الناس والأهل او حتى الي في سننا دلوقتي اغلبهم مشغولين بالسوشايل ميديا والمظاهر ودماغهم فاضيه،انا قدك عموما عندي ١٧ سنه عايزه اقلك أن انتي مش محتاجه لحد اصلا انا عارفه ان انتي جواكي نار قاتلاكي من الوحده وفنفس الوقت مش لاقيه حد يفهمك وانتي محتارة في النص مش عارفه تعملي اي انتي بس محتاجه انك تتعلمي ازاي تكتفي بذاتك حطي هدف لحياتك وركزي عليه اعتقد انك داخله تالتة ثانوي السنه دي ودا هدف كافي يشغلك لمدة سنه كامله،اتعلمي عن حاجهة جديده او اتعلمي عن حجات كتير مع بعض وهتلاقي نفسك بتنجذبي لمجال معين عايزة تتعلمي فيه اكتر،اليوتيوب مليان حجات كتيير وكان ومازال سبب رئيسي في اني اتخطيت المرحلة دي،اتعلمت حجات كتيير عن نفسي وعن الناس وعن كل حاجه تقريبا ،لهفتك ف انك تتعلمي حاجه جديدة هتنسيكي اصلا انك كنت محتاجه حد يفهمك ويكون جمبك انشغلي بنفسك ودايما حاولي تطوري منها وركزي على مستقبلك وفكري ف افكار جديدة ومختلفه حطي خطة وروتين يومي وامشي عليه حددي هدف عايزة تحققي وهتلاقي نفسك بتنشغلي بيه،مثلا انا هنام واصحى بدري،اشوف نفسي بآكل اكل صحى او ل،هل انا بعمل كل واجباتي الدينية لدرجة اني مساعدة اقابل ربنا دلوقتي،ابسط الاشياء في حياتنا مش بناخد بالنا منها لان احنا فعلا بقينا مغيبين وأهم حاجه انت قلتي انك بتصلي وبتحفظي قرآن بس خليني اقولك ان دا مش بس كفايه لازم يكون في خشوع انت ممكن تكوني بتعملي دي بس مش حاسه باي حاجه ودا غلط جدا لازم تتعلمي اكتر عن دينك زي مثلا لما بيكون عندك شغف انك هتدخلي تجربة جديدة اعملي دا مع الدين اكتفشي اكتر وابحثي بعمق وقوي إيمانك بربنا احفظي القرآن بالتفسير وافهمي معني كل كلمة بتحفظيها وأسباب نزول السور وطبقي الي بتحفظي ف حياتك،اتعلمي أحاديث جديدة عن الرسول،اقرأي قصص الأنبياء،اتعلمي درس جديد في الدين،حقيقي الانشغال بالأمور الدينيه وبربنا بيخليكي تنسي احتياجك لانسان مش هيزود ولا هينفعك بحاجه دا غير انك بتقربي لربنا ودا هينفعك دنيا واخره

Answer

السلام عليكم ورحمة الله تعبيرك عن مشاعرك متوقف من الطفوله ...تعبيرك عن رفضك لبعض التصرفات مكبوت التبلد الشعورى دى سببه الكتمان لمدة طويله بدون ما يكون فى اى شخص بتثقى فيه وتقدرى تظهرى معاه المشاعر دى محتاجة تنفذى اللى قراتيه وسمعتيه ...تعبرى عن كل اللى مضايقك ومكتوم من سنين

كيف أتعامل مع هذه الحالة من الاكتئاب والعزلة؟

نفسية

اكتئاب

سؤال من احد أعضاء فدني

تم النشر الأربعاء، ٢٣ يوليو ٢٠٢٥

3 إجابة

13 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك