انا كنت عاملة جامعيه مع امي معرفش كنت عملاها لي بصراحة بس قولت اخش معاها مش هخسر حاجة المهم اني قبضتها 3 الاف جنيه مش عارفة اعمل بيهم اي بصراحة غير اني اركنهم كدا وخلاص وانا دلوقتي قاعدة فاضية علشان اخذت اجازة آخر السنة عندكم افكار اعمل بيهم اي
خدي كورس إنجليزي و استثمري في نفسك عن طريق الكورسات ده فيما بعد لو حبيتي تشتغلي هتقدري تشتغلي وتقبضي مرتب كويس وهيكون ليكي وضعك...
تم النشر الخميس، ٧ مايو ٢٠٢٦
يا حفصة الغالية، ماشاء الله عليكِ! عملتِ خطوة حلوة مع أمك وكسبتِ 3000 جنيه، ده إنجاز يستاهل الاحتفاء. خلينا نقسمها عشان تستفيدي أحسن، خاصة وأنتِ في إجازة فاضية: قسميها كده (مثال عملي): 1000 جنيه توفير في حساب بنكي أو "محفظة" آمنة (زي تطبيقات التوفير الحلال)، عشان تبقى رأس مال للمستقبل. 1000 جنيه استثمار في نفسكِ : اشتري دورة أونلاين قصيرة في مهارة زي "التسويق الرقمي" أو "التصميم على Canva" من منصات زي Udemy (بتكلف 200-500 جنيه بس)، وخلصيها في الإجازة عشان تبدئي فريلانس بعد كده. 500 جنيه صدقة صغيرة (زي مساعدة عائلة محتاجة أو تبرع لجمعية خيرية موثوقة)، ربنا يبارك في الباقي. 500 جنيه متعة حلال : اشتري كتب تطوير ذاتي أو أدوات للهواية زي مواد فنية، عشان تستمتعي وتطوري نفسكِ. ابدئي دلوقتي، حددي هدف صغير يومي وشوفي الفرق! لو عايزة أفكار أكتر، ابحثي في فدني عن أسئلة مشابهة هتلاقي إجابات كتير، أو شوفي صفحة الخبراء هنا: https://www.fedni.net/experts. أنتِ قادرة، خليكِ قوية يا قمر! 💪❤️
تم النشر الخميس، ٧ مايو ٢٠٢٦
لو مش محتاجاهم في حاجه ضروري ممكن تشتري بيهم كتب لأن الاجازه كبيره .. وتتصدقى بجزء منهم في العشر الاوائل من ذي الحجه أجرهم كبير ... أو تطعمي مساكين المهم اي عمل خيري ...
تم النشر الخميس، ٧ مايو ٢٠٢٦
هل فكرتي ب مناسبة انك قلتي قبل كدا انك ليكي ف الكروشيه و شغل الهاند ميد و كدا انك تجربي تجيبي ادوات بسيطه و تستغلي حبك للحاجات دي و تتعلميها كـ حاجه ممتعه ليكي و هل انتي عندك القدره و الشجاعه انك تعملي بيهم مشروع اكسسوارات هاند ميد و كدا و تجربي تبيعي و تكسبي و تخسري عادي و لو ملكيش ف كدا اتعلميهم كـ مهارة ممتعه ليكي و خلاص و كمان بما انك ف اجازة طويله برضو و مش شرط هتصرفي كل الفلوس فيهم يعني ممكن تجربي بجزء بسيط و كدا.. كمان هيبقي معاكي برضو جزء انك تاخدي كورس ف حاجه معينه و يزيد معاكي جزء بسيط تعملي بيه صدقه ولا حاجه زي اقتراحات الأعضاء الكرام..بالتوفيق🤍
تم النشر الجمعة، ٨ مايو ٢٠٢٦
@Aѕмora ࣪ كنت بفكر فالموضوع ده اوي بس خوفت لاني أصلا كنت عاملة بيدجات وكدا بس كان على صغير وكنت بييع حولين ديرتي كنت بفكر اعملها على توسع شوية واعمل اعلان بس رجعت وقولت خليني ساكته بس تعليقك شجعني
تم النشر السبت، ٩ مايو ٢٠٢٦
موفقه باذن الله 🌷
تم النشر الخميس، ٧ مايو ٢٠٢٦
فكرة والله
تم النشر الخميس، ٧ مايو ٢٠٢٦
او ممكن تخليهم للظروف
تم النشر الاثنين، ١١ مايو ٢٠٢٦
استشيري والدتك
تم النشر الاثنين، ١١ مايو ٢٠٢٦
العفو🤍
تم النشر السبت، ٩ مايو ٢٠٢٦
يارب يا حببتي شكرا ليكي
تم النشر السبت، ٩ مايو ٢٠٢٦
انتي مش محتاجة تعملي حاجة كبيرة دلوقتي مره واحده. ارجعي زي زمان بس من غير تفكير كتير ولا ضغط..انتي مجربه أصلاً، فالموضوع مش جديد عليكي. وخليها تجربة خفيفة، يا تنجح يا تتعلمي منها وخلاص...ربنا يوفقك 🤍
تم النشر السبت، ٩ مايو ٢٠٢٦
لعرض السؤال في فدني اضغط هنا