بحس اوقات انى مش فاهمه نفسي وتايهه ومش عارفه انا دورى ايه فى الحياه وانى مهمشه بقلق من حاجات كتير وببقى متردده فى اتخاذ قراراتى بخاف اشارك مشاعرى وافكارى مع حد مش فاهمه انا حتى بحس بأيه وكانى تحت تأثير مخدر
عارفة أنه رد مبتذل بس اول حاجة لازم تعمليها طبعا القرب من ربنا دي اهم حاجة صلاتك اذكارك وردك شوفي فيديوهات أو اسمعي بودكاست ديني و نفسي و ادعي ربنا كتير كل ده عشان راحة البال تاني حاجة اقعدي مع نفسك تناقشي مع نفسك رتبي افكارك واحدة واحدة اسمعي صوت نفسك فالاول هيكون الموضوع غريب واحدة واحدة هتتعودي لو انتي في سن من ١٨ مثلا لحد اخر العشرينات فطبيعي كل الاضطراب ده صدقيني ده سن صعب و فيه قرارات كتير و توهان كتير بس ربنا إن شاء الله يعدينا منه ع خير قدري نفسك و ثقي أن ال انتي فيه طبيعي و هتقدري تحليه إن شاء الله متقلقيش💜
تم النشر الثلاثاء، ٢٥ يوليو ٢٠٢٣
ساعات بنلاقي نفسنا عملنا سلوك غريب و بعد لما يكون خلاص انتهى نسأل نفسنا نفس السؤال هو أنا ليه عملت كده؟ ليه معملتش كذه؟ مع إني كان ممكن استعين بفلان!!!! و أى كان أى سؤال بيجي بعد السلوك ده بيسيب فينا علامة استفهام و تعجبك (مش بعيد تكون بتجري ورانا فى الاحلام 😂) المهم علشان نفهم نفسنا كويس و نعرف نرد على سؤال سهل جدآ و اللي هو (من أنا؟) ، تلفون و نزلية عليه أى مسجل و كل يوم قبل ما تنامي تتكلمي عن اللي حصل فى يومك و إيه دايقك و إيه فرحك ،قولي فيه أى حاجه أى حاجه حرفياً خليكي صريحه مع نفسك لأن ده أنتي مش حد غريب يعني 😅 أقولك حاجه شوفتي الجيران تنصتي عليهم و قولي فى آخر اليوم هما كانوا بيقولوا إيه فى التسجيل (أنا بهزر طبعاً اوعي تعملي كده 🙄) تمام سجلتي و الموضوع انتهى تعملي أى تاني ؟ بعد أسبوع من التسجيل هتسمعي الأسبوع اللي قبلية فى النهار و الأفضل لو تلبسي سماعة علشان الفضايح بس 😅 و على فكره لو كملتي فى العادة دي هتغير حياتك 250° ( مش بأڤور ديه حقيقة مثبته كمان ) وبس أتمني تكون الفكره عجبتك و لو عايزة معايا كذه quote يخليكي تبدأي دلوقتي حتى قبل ما تنامي بس بالانجليزي 😅، وبس.
تم النشر الثلاثاء، ٢٥ يوليو ٢٠٢٣
طيب فيه حاجات هي عادية وفيه حاجات هنبدأ نتكلم عنها شوية ولكن الموضوع مش مقلق .. على اي حال. أول حاجه .. مش فاهمة نفسك وتايهه - مش عارفه ايه دورك في الحياة ؟ في الحقيقة السؤال ده مثلا ممكن يجي ليكي كتير مثلا وع مر سنيين مختلفة .. مع ان مثلا ممكن يكون رتم حياتك ماشي عادي ولكن فجأة ممكن تقولي لنفسك هو انا بعمل ايه؟ ولا ايه اللي بيحصل؟ فيه حاجات مهما كانت غريبة مينفعش اننا نبعد عنها، الحاجات ديه ممكن تكون بالنسبة ليكي مخاوف، بس ع قد ما هتكون مخاوف مش لازم تعمليها معاملة العفريت وكأنك هتهربي منها. بالعكس افتحي قلبك وعقلك لروحك وواجهي واعرفي .. هو انا ايه دوري في الحياة؟ طيب بعيدا عن الدور الاساسي اللي كلنا عارفينه واللي هو طبعا مرتبط بالدين تعمير الارض والعبادة .. ايه هي ادواري الثانوية مثلا والل هي برضه هنتحاسب عليها .. هل مثلا بحب اساعد الناس، هل مثلا دوري اني اذاكر واجيب مجموع كويس واعمل كذا وكذا .. دوري ايه؟ في الحقيقة انتي اللي لازم تعرفي ده .. بالنسبة بقى لانك مترددة - فيه حاجات مقللة منها ايه هي الحاجات اللي قلقاكي بالظبط؟ وبتترددي في ايه باظبط؟ والموضوع مثلا بدأ معاكي من امتى؟ بتخافي تشاركي افكارك مع اي حد مهما كان؟ حتى لو كان قريب؟ طيب هل طبيعتك انتي نفسها ايه اجتماعية ولا انطوائية؟ وهل كنتي بتشاركي افكارك بعد كده انقطعتي؟ ولا ديه طبيعتك كده كده؟
تم النشر الأربعاء، ٢٦ يوليو ٢٠٢٣
السماع
تم النشر الثلاثاء، ٢٥ يوليو ٢٠٢٣
طب تفضلي أقولك على طريقة تضمن الكتابة ولا السماع ولا الفرجه؟
تم النشر الثلاثاء، ٢٥ يوليو ٢٠٢٣
لعرض السؤال في فدني اضغط هنا