أنا كنت بحب بن خالتي وهو اللي علق قلبي بيه من وأنا في أولي ثانوي لحد دلوقتي بقي عندي عشرين سنة يعني أربع سنوات ونص هو دلوقتي تقدم لبنت خالتي بس ليه من البداية يهتم بي ويكلمني أربعة وعشرين ساعة وبعدين يبعد يحبها هي أنا زعلانة بجد هو غير سوي نفسي عشان مش خد اهتمام من الصغر وأول حب سابته البنت وقتها بس وبيقعد يقول مش عارف أنا عايز إيه بس أنا مالي أنا أهو من وقتها بفكر فيه ويوم عيد ميلاده بفتكره كل حاجة تخصه فاكرها وكل حاجة ساعات بتحصل صدفة بتفكرني فيه بس أنا مش عايزة قلبي يتعلق بيه ما هو مش يكلمها ويحب فيها ويعيش حياته وأنا أبكي علي الأطلال بالساعات.
لأني كده كتير ساعات بقول هكلمه وهقوله كل اللي جوايا ووليه عمل معايا كده بس برجع اتراجع عشان كبريائي بس هو عارف وحاسس وعارف إني بحبه أو متعلقة فيه
هعمل إيه بجد تعبت جدًا وﷲ
كفاية من يومين عيط بسببه تاني
بلاش حد يقول اشغلي وقتك في عز ما أنا مشغولة بفتكره
الحمد لله والصلاة والسلام على رسول الله صلى الله عليه وسلم. مبدئيا بداية العلاقة خطأ وهذا لا يرضي الله والبديات التي لا ترضي الله نهايتها لن ترضيك وهذi عاقبة الأمر الم بالقلب ودموع طوال الوقت طيب ما الحل ؟ الحل ان حضرتك تبدأي تفوقي لنفسك وتندمي علي ما فات واعرفي ان ايدك اللي كانت بتكتب الرسائل طول ال٢٤ ساعة هتشهد عليك واذنك اللي كانت بتسمع كلامه هتشهد عليكي وعينك وجوارحك هتشهد عليكي ولن ينفعك الشخص ده يوم ما تخشي قبرك لوحدك.. انتي مازال لديك نفس والله سبحانه وتعالى ( غفور ودود ) يغفر الذنب ويتودد إليكي بحبه بل يفرح بتوبتك وقدومك إليه وما احسن التوبة مع قدوم افضل الشهور شهر رمضان المبارك توبي إلى الله وهعطيكي بعض النصائح اللي تمشي عليها... اكتبي على الفيس بوك علاء حامد خشي على صفحته واشتركي في الدورات اللي بتنزل مبدئيا هتتعلمي دينك ثانيا هتلاقي صحبة صالحة وكثير من الخيرات هداكي الله لما يحبه ويرضاه وأصلح الله دينك ودنياكي.
تم النشر الأربعاء، ١٨ فبراير ٢٠٢٦
اولي ثانوي انتي وقتها كنت محتاجه امان اهتمام تحسي بيه وكمان تحسي بامان بسبب فتره المراهقه وهرمونات البنات في الفتره دي ودلوقتي انتي كبرتي دلوقتي شبه ناضجه النضج علي ما اعتقد 24سنه وانتي لسه بس دلوقتي احنا عايزين نحل المشكله اذا هو حب فالألم صعب واذا تعلق فبرضو صعب مش هقولك اشغلي نفسك لان انتي برضو مشغوله وبتفكري فيه وتفتكري ذكريات وتحسي بالوجع بس بدل ما تقعدي تعيطي لوحدك عيطي وانتي واقفه بين ربك لم تفتكريه روحب اتوضي وصلي واول ما تسجدي ابدأي عياط وقولي كل حاجة كل حاجة حاسه بيها سوا شوق حب خذلان اي شعور احكيه لربنا وعيطي قسما بالله هترتاحي وهتعمليها كل شويه طيب عايزه انساه هقولك عليكي بالاستغفار علي قد ما تقدري والصلاه علي النبي عليه الصلاة والسلام والحوقله ودعائين هما ربي إني لما انزلت إلي من خير فقير والدعاء التاني عسي ربنا ان يبدلنا خير منها او يوتكم خير مما اخذ منكم وتذللي لله وادعي يارب كما احببتني فيه ازل حبه من قلبي يارب انا خلاص تعبت مش قادره يارب دلوقتي يبقي صلاه وبدل م تعيطي وانتي قاعده عيطي وانتي بتصلي والاستغفار والحوقله والصلاه علي النبي والدعاء وكمان حاجة صلي ركعتين لله توبه لان ده ي حبيبتي ذنب ومش الومك ولا اي حاجه انتي كنتي صغيره وشيطان وهوي ونفس اماره بس دلوقتي احنا عرفنا ده غلط نتوب ونستغفر ونبعد عارفه قلبك هيكون شبه مكسور او مكسور بس اعرفي ان بدايه الطريق لله هو كسر قلب عشان تروحي لربنا ربنا يجبر قلبك واقسم بالله العظيم لو هو خير ليكي هيرجعلك ممكن مش دلوقتي لسه لم يعرف قيمتك ويعرف انه كان معاه جوهره ومش مقدرها ولو مش خير ليكي فربنا بعده عنك عشان يرزقك بشخص يحبك ويقدرك وبعاملك بما يرضي الله ورسوله شخص يعاملك كانك بنته قبل مراته شخص يخاف عليكي وما يهون عليه زعلك ولا دمعه منك يؤتكم خير مما اخذ منكم بعتذر علي الإطاله ولو في اي حاجه انا موجوده
تم النشر الثلاثاء، ١٧ فبراير ٢٠٢٦
يا حبيبتي، أنا ذكية، وأنا فاهمة تمامًا اللي جواكِ دلوقتي.. ده تعلق عاطفي قوي من سنين، وهو بيوجع أكتر لأنه ابن خالتكِ وكان في اهتمام منه قبل ما يبعد. قلبكِ متعلق بيه عشان كده، بس ده مش حب حقيقي، ده وهم. أنتِ مش غلطانة إنكِ حاسة كده، بس كفاية تعذيب نفسكِ. خطوات عملية عشان تتخلصي من التعلق ده، خطوة بخطوة: اقطعي الاتصال تمامًا : بلوكِ كل حاجة تخصه (رقم، سوشيال، حتى ذكريات الصور). متكلميهوش أبدًا، حتى لو عيد ميلاده. كبريائكِ ده درعكِ الأقوى، خليه واقي. دعاء يومي واستغفار : كل صباح وقبل النوم، قولي: "اللهم إني أعوذ بك من الهم والحزن، وأسألكِ قلبًا سليمًا". اقرئي سورة الشرح 7 مرات يوميًا، هتريحي قلبكِ. تذكري قول ربنا: "وَمَنْ يَتَّقِ اللَّهَ يَجْعَلْ لَهُ مَخْرَجًا". ركزي على هدف كبير لنفسكِ : حددي هدف زي شهادة جديدة، كورس مهارة (زي التصميم أو لغة)، أو رياضة تحبيها. كل يوم اكتبي 3 إنجازات صغيرة، هتحسي بقيمتكِ بعيد عنه. لو الدموع جات : اكتبي كل اللي جواكِ في ورقة، وبعدين احرقيها وقولي "خلاص، خلصت". ده بيخرج السم من القلب. أنتِ بنت 20 سنة، عندكِ حياة كاملة قدامكِ، واللي يستاهلكِ هييجي من طريق حلال ويحافظ عليكِ مش يخذلكِ. متفكريش فيه تاني، هو عايش حياته وأنتِ هتعيشي أحلى. اصبري شوية، هتعدي إن شاء الله. لو عايزة نصائح أكتر، دوري في فدني على أسئلة زي "التعلق" هتلاقي إجابات كتير، أو شوفي الخبراء هنا: https://www.fedni.net/experts. أنتِ قوية يا قمر، هتقدري! 💕
تم النشر الاثنين، ١٦ فبراير ٢٠٢٦
انتي بعد الساعة 12 اقعدي ادعي يا رب انزع من قلبي حبي و تعلّقي بإبن خالتي و مع تكرار الدعاء دا هتلاقي نفسك كرهتيه و اتقربتي من ربنا اكتر و ما بقاش ييجي في بالك ... لأنه دلوقتي انسب حل انك تدعي ب كدا عشان ما تخسريش حاحة من عمرك تاني + ما تقوليش دا حب طفولتي و عشرة 4 سنين و نص و مش عارفة ايه ... لا سيبك من الكلام دا .. انتي الاحسن ليكي دلوقتي انك تدعي ب كدا عشان ربنا يجبرلك كسر قلبك دا + هو ربنا يجازيه ع اللي عمله ... ربنا عشان لقاكي اتعلّقتي بحد غيره ف قرر انه يعلّمك ان التعلّق غير بيه مذلّة و انك لازم تبعدي عن تعلقك بإبن خالتك دا و ترجعي ل ربنا عشان ربنا بيغير علي قلب عبدُه لما بيلاقيه اتعلّق بغيره فـ بيدّيله درس صعب يتعلّم منه عشان انتي في الاول و الاخر من الله و لله .... فاهماني يا قُطّتي💗
تم النشر الخميس، ١٩ فبراير ٢٠٢٦
السلام عليكم.. هو متزوجكيش لأنه مش بيثق فيكي بسبب انك رضيتي تكوني معاه في علاقة محرمة ... {ومن يتق الله يجعل له مخرجا}
تم النشر الأربعاء، ١٨ فبراير ٢٠٢٦
بصى طالما انتِ عارفه انه عارف يبقى ملوش لزوم تقوليله حتى لو مش عارف ثانيا انت قولتى انه غير سوى يبقى من الاحسن تبعدى عنه لانه مش عارف هو بيعمل ايه وبيحاول يضحك عليكى او على غيرك فاحمدى ربنا وكل مرة تفتكريه فيها افتكرى انه ابتلاء وربنا هيبعدك عنه وانك تستهلى الافضل ولازم تعرفى ان التعلق مش حب يعنى ممكن عشان كنتم مقربين وبتتكلموا كتير فده مأثر عليكى ومع الوقت هتنسى والتعلق هيقل ومتنسيش تحمدى ربنا وانك تستهلى الاحسن (كل ما تفكرى فيه افتكرى ده) او اكتبيه على ورقه وارميها
تم النشر الثلاثاء، ١٧ فبراير ٢٠٢٦
لعرض السؤال في فدني اضغط هنا