السلام عليكم
أنا بنت 26 سنه باختصار شديد أنا متقدم ولد أنا قبله كان حد متقدم وحصل مشاكل ومحصلش نصيب الحمد لله لأن أهله فضلوا يهينوا فيا كتير بطرق مش لطيفه ... لأن أنا وضعي الاجتماعي مش الأفضل الحمد لله، ليا اخ مسجون ودا صعب تقبله فى بيئتي، الولد اللي متقدم شغله مش احسن حاجه أنا شغاله وشغلي أفضل منه كتير فمش عارفه عادي أوافق علشان برضو مش صغيره أنا أوي وكدا كدا الرزق بتاع ربنا ولا أرفض ولا اعمل ايه أنا مش عارفه وهل لو وافقت أكمل فى شغلي بعد الجواز هو قالي براحتك تشتغلي أو لا براحتك
اللي يقولك اخوكي مسجون قوليله.. خلاص بلاش تتجوزوه.. يعني ايه!! قصدك ايه؟ قوليلهم ربنا ذاته بيحاسب الإنسان عن اعماله و بس و عن ذنوبه الشخصية و بس، و انتم بتحاسبوني قبل ما تناسبوني علي ذنوب معملتهاش يبقي الحوار منتهي. لو البداية كده يبقي النهاية هتبقي عاملة ازاي.. اللي بيدخل يفاصل و يطلع القطط الفاطسة.. دا واحد عايز حاجه رخيصة خصوصا لو عقليته عقلية تاجر.. قوليلهم ان محاولاتهم لترخيصك مش هتنفع لانك عارفة قيمة نفسك قوليها و انت بجد زاهدة في اشخاص زي دول.. و حتي لو الحوار هيفشل حافظي علي ابتسامتك.. و ده ظرف ممكن يحصل لأي إنسان في مصر.. و سيدنا يوسف نفسه اتسجن.. لو السجن بالظلم بيوصم بالعار مكنش مسك حكم مصر ولا خزائنها.. الظلم بيوصم الظالم مش المظلوم.. و كل إنسان مسئول عن أفعاله و بس.. حتي لو اخوكي مش مسجون ظلم ده لا يخصك في شيء محدش بيشيل ذنوبه و ذنوب غيره الا اللي بينشر الفواحش بس بخلاف كده كل إنسان مسؤول عن نفسه فقط.. و لما يكون ده حكم إلهي.. مينفعش بشر ييجي يعدله سيبك من الناس اللي حابة تلعب عليكي العاب نفسية ثانيا بلاش ترضي بشخص معندوش دين.. المعيار انه يكون عارف ربنا و بيعمل باللي عارفه انت مش ساحرة و تقدري تغيري اي راجل بعد الجواز مش هيحصل صدقيني، و بلاش تطمعي حد فيكي لانك شغالة لازم تاخدي راجل قادر يصرف عليكي و علي بيتك و عنده كرامة مش هي لي منك مليم و مش هيريح في البيت و يقولك تصرفي انتي.. كل شيء بأمر الله.. استنيت دا كله انتظري شخص مناسب شوية كمان.. الللي اتجوزوا و خلاص اتندموا حاليا و في محكمة الأسرة او عايشين حياة بدون حياة، لو موظف حافظي علي شغلك و يبقي فيه تعهد منه قدام أهلك و اهله.. انه زي ما اتجوزك شغالة يسيبك شغالة.. ميقولكيش سيبي وظيفتك مثلا و اقعدي و يحصل خلاص و تنفصلوا و تبقي فقدتي الزوج و شغلك دفعة واحدة.. و تسئلي عنه و عن أهله.. اسئلي عنه و عن أهله.. اسئلي عنه و عن أهله قبل الجواز. و 26 سنة ده انتي لسه كتكوتة.. مش كبيرة ربنا يوفقك و يرزقك بالزوج الصالح إن شاء الله.
تم النشر الجمعة، ٣ أكتوبر ٢٠٢٥
وعليكم السلام ورحمة الله، أختي الغالية، أول شيء أحب أقول لك إن الله دائمًا مع الصابرين ويكتب لكل شخص رزقه بقدرته وحكمته، وأنت على الطريق الصحيح إنك تدوري وتفكري بعمق قبل اتخاذ أي قرار مهم. خليني أساعدك في تفكيك الوضع خطوة خطوة علشان تتخذي قرارك بثقة وراحة: وضعك الاجتماعي وتأثيره للأسف، في بعض البيئات قد يكون الوضع الاجتماعي مسبب ضغط وتعنت، لكن المهم أنك أنتِ بنفسك عارفة قيمتك وقد إيه شغلك ممتاز وهذا أمر إيجابي قوي. لا تدعي أحكام الآخرين تقلل من شأنك أو تفرض عليك قرارات. الشاب المتقدم وظروفه هو بالفعل شغله أقل منك وهذا شيء مهم طبعًا، لكن الأهم هو التوافق النفسي والاحترام المتبادل. إذا كان يحترمك ويقدر شغلك ويدعمك، هذا نقطة إيجابية. أما إذا لم يكن كذلك، فهذا قد يؤثر على حياتك معه. الماضي الصعب مع الشخص السابق الأذى الذي تعرضتي له سابقًا من أهل المتقدم السابق أثر عليك وهذا مهم تتذكريه حتى لا تكرري تجربة مؤلمة. لا تسمحي لأي شخص أن يقلل من احترامك أو يهينك، ولا تطيعي الضغوط فقط لأنك "مش صغيرة أوي". قرار الاستمرار في العمل بعد الزواج الشاب قال لك "براحتك تشتغلي أو لا"، وهذا جيد لأنه يسمح لك بالاختيار. إذا كنتِ تشعرين أن العمل مهم لكِ، ولم يمنعك أي سبب شرعي من الاستمرار، فأكدي له أنكِ ترغبين في الاستمرار، وهذا حقك. التواصل مع نفسك ومع الله صلي صلاة الاستخارة واطلبي من الله الهداية، فهو القادر على أن يسهل لك الأمر ويختار لك الخير. كذلك، فكري في ما تريدينه حقًا لحياتك ومستقبلك، ولا تستعجلي القرار بسبب الضغوط أو خوف المجتمع. نصيحتي لكِ عملياً: حاولي تتحدثي مع الشاب بصراحة عن طموحاتك، وأمور حياتك التي تهمك، وتأكدي من تفهمه ودعمه لك. كوني منصفة مع نفسك، هل تشعرين بالراحة والأمان معه؟ اطلبي دعمًا من أهل الله والثقة بالدعاء. وإذا احتجتِ استشارة أعمق أو مع شخص متخصص أنصحك بزيارة صفحة خبراء فدني من هنا للحصول على استشارة شخصية أكثر تفصيلًا. وأخيرًا لا تنسي أن الرزق بيد الله، وهو يسير الأمور للخير مهما كانت الظروف. اصبري وثقي بالله، والله لا يضيع أجر المحسنين. لو حبيتِ تشرحيني تفاصيل أخرى أو عندك أسئلة، أنا هنا لأساعدك بكل حب واهتمام. ذكية معك دائماً :)
تم النشر الخميس، ٢ أكتوبر ٢٠٢٥
ونصيحة أخري لمعرفة الشخص ...اقراي في علم النفس والإجتماع وفي كتب كتير لو تحبي ممكن أرشحلك كتب من دي... علفكرة أنا برضو بقرأ في علم النفس 💗
تم النشر السبت، ٤ أكتوبر ٢٠٢٥
بصي أنا مش حد تاخدي بنصيحته لأني عندي 16 سنة بس ..بس هقولك علي أهم الأشياء من وجهة نظري الشخصية أولاً في الخطوبة لازم تعرفي إن الخطوبة دي مجرد اختبار هل الشخص ده مناسب ليا هل هو بيشتغل شغل شريف هل أنا هقدر أشتغل معاه وهل أقدر أعتمد عليهو هل الشخص ده بيقلل مني هل الشخص ده مهتم بيا و هل الشخص ده سمعته حلوة ولا لأ. (هينفع فيما بعد لأولاك ربنا يرزقك 😂❤️) وهل هو أخد أو بياخد عيوبي ك زلات ولا متقبلني بيها يعني مثلا أخوكي المسجون ربنا يفرجها عليه يارب هو بيذلك بيه ولا حاسة بكدة مثلاً..يعني كلها عبارة عن تحليل تصرفات وفي كتيير شخصيات مريضة ونرجسية هو كله عبارة عن تحليل تصرفات واللي أقدر اساعدك بيه حاليا صلي صلاة الإستخارة شوفي نصيبك هيوديكي فين ❤️ وأنا خايفة بصراحة بمسقبلي مع الرجالة بس بصراحه كلمتي الوحيدة كبنت مسلمة أزهرية اللي هقولها وبقولها لنفسي ولكل بنوتة مسلمة اللهم ارزقني و ارزق جميع بنات المسلمين الزوج الصالح التقي النقي الطاهر الذي يصب على الحب صبا ويغار علي ويخاف علي ويتقي الله فيّ اللهم آمين يارب العالمين 🤲❤️
تم النشر السبت، ٤ أكتوبر ٢٠٢٥
لعرض السؤال في فدني اضغط هنا