بعدى باسوأ فترات حياتى تالته ثانوى دفعه ٢٠٢٦.
كميه تراكمات وعجز وفشل رهيب برجع افكر انا ضيعت وقتى فى ايه بلاقي انى قصرت قصرت جامد بس تعبت بردو زى ما فضلت انى انام فى اوقات قاعده اذاكر ونسيت النوم فى اوقات تانيه حاسه بالظلم من النتيجه اللى وصلتها ازاى مش بعرف احل شوامل كويس ازاى عملت فى نفسي كده بحط اللوم على نفسي وكل اللى حواليا الوقت خلص وانا لسه عندى تراكمات وبقول ليه وصلت لهنا انا كنت من الطلاب المتفوقين لو كان اخرتها اتحرم من الحلم اللى حقيقي بحلمه من وانا فى حضانه لى ذاكرت وربنا هدانى لطريق المذاكره ما انا كده كده هبقي نكره من وانا صغيره كنت راسمه طريقي ماما قالت نفسي اشوفك مهندسه قولت ليها هى هندسه بيندخلها ازاى قالت من علمى رياضه قولت خلاص انا علمى رياضه فيديتها ايه اذاكر كل الفتره دى واجى فى اخر فتره مستوايا يقل حاسه بالظلم حتى من ربنا عشان دايما كنت بدعى له بالتوفيق
أختي العزيزة، أشعر بثقل كلامك وبالإحباط اللي بيغمرك دلوقتي، وده طبيعي جدًا في مرحلة زي اللي بتمري بيها. التراكمات والشعور بالظلم من نفسك ومن النتيجة اللي وصلتي لها مش عيب، ده دليل إنك بتحسي بالمسؤولية وبتراجعي نفسك بصراحة. لكن اللوم الشديد على نفسك مش هيحل المشكلة، بالعكس هيزود الضغط ويخليكِ تفقدي الطاقة اللي محتاجاها دلوقتي. تذكري إن ربنا ما بيظلمش حد، والدعاء اللي كنتِ بتدعيه مش ضاع، لكن التوفيق بيجي مع الجهد المستمر والصبر، مش مع اليأس. ابدئي بخطوات عملية صغيرة عشان تواجهي التراكمات: قسمي المواد لأجزاء يومية واقعية، مش لازم تحلي شامل كامل في جلسة واحدة، ابدئي بأسئلة بسيطة أو مراجعة سريعة للأساسيات عشان تبني ثقتك تاني. حددي أولوياتك حسب الامتحانات القريبة، واستخدمي تقنية "الـ25 دقيقة" للمذاكرة مع فترات راحة قصيرة بدون ما تفكري في النوم أو الإرهاق. كل يوم اكتبي إنجازاتك الصغيرة، حتى لو صفحة واحدة، عشان تشوفي التقدم بدل ما تركزي على اللي فات. ولو حسيتِ بالإحباط، غيري المكان أو استمعي لآية قرآنية تطمئن قلبك قبل ما تبدئي. أنتِ كنتِ متفوقة قبل كده، وده يعني إن القدرة موجودة جواكِ، بس الظروف والتعب خلّوكِ تتراجعي مؤقتًا. الحلم بالهندسة لسه ممكن لو ركزتِ على اللحظة الحالية بدل ما تفكري في "لو كان" أو "ليه وصلت لهنا". ربنا بيحب العبد اللي بيحاول وما بييأسش، فاستمري في الدعاء مع العمل. جربي تبحثي عن أسئلة مشابهة على فدني عشان تشوفي تجارب تانية وتاخدي أفكار إضافية. أنتِ قادرة، وأنا هنا معاكِ خطوة بخطوة.
تم النشر السبت، ٢٠ يونيو ٢٠٢٦
السلام عليكم كلامك غلط جدا ربنا عمرة ما كان ظالم حاشاه عز وجل استغفرى ربك وتوبى ليه هو اللى فى ايده نجاحك وتوفيقك السنة دية بصى أيا كان حصل ايه على مدار السنة وايا كان هيحصل ايه بعد الامتحانات والنتيجة مطلب منك لا تفكرى فى دا ولا فى دا ركزى ركزى ركزى اعتزلى الدنيا واللى فيها سيبى الفون دا تماما خدى كل مادة على حدا وهاتى أخرك حتى لو هتذاكرى ال ٢٤ ساعة فى ال ٢٤ ساعة اجتهدى اووى ابعدى عن اى سبب للتوتر او سبب للتوهان او الحسرة او الخوف او الندم مش وقتة نهائى مش وقتة أبدا اجتهدى الفترة دية وهاتى أخرك طول فترة الامتحانات وأيا كان النتيجة ف انتى هتكونى اجتهدتى وخدتى بالأسباب والله أعلم مكتوبلنا ايه اوعى تتدمرى نفسك بنفسك انتى كويسة ركزى الفترة دية بس واجتهدى فيها ربنا يوفقك وييسر أمرك ويجعل الصعب سهل عليكى إن شاء الله
تم النشر السبت، ٢٠ يونيو ٢٠٢٦
هو فين حلمك اللي ضاع ؟ يابنتي انتي لسه مبدأتيش امتحانات لسه في ايدك كل حاجه واعرفي حاجه واحده مش هتاخدي اكتر من نصيبك يعني انتي عليكي السعي والمذاكرة وبس النتيجة دي مش بتاعتك دي بتاعت ربنا وهو دا اللي يريحك ان نتيجتك بيد الرحمن الرحيم واللي هيختارلك الأفضل وعلى فكرة انا لما كنت بمتحن تالتة ثانوي كنت بفتح موبايل عادي وسوشيال ميديا عادي جدا وجبت ٩٥ في المية لاني كنت واثق في ربنا ولاني عملت اللي عليا
تم النشر الأحد، ٢١ يونيو ٢٠٢٦
الشكر للّه يعيوني اللّه يوفقك
تم النشر السبت، ٢٠ يونيو ٢٠٢٦
شكرا على نصحيتك ❤️❤️❤️
تم النشر السبت، ٢٠ يونيو ٢٠٢٦
استهدي باللّه اولا أنا حاسه بيكي ومعاكي واللّه بس في الأول لي عندك طلب ... تهذبي في الحديث عن الخالق جل وعلا ، ليه ؟ لأنه سبحانه من أسمائه العدل وكمان قال في حديثه القدسي حرّمت الظلم على نفسي وجعلته بينكم محرما . يا أختي اللي احنا في دا بما كسبت أيدينا بسبب تقصيرنا احنا لأننا ببساطه احنا اللي بنختار نعمل ايه ومنعملش ايه . أنا مش بحبطك ابدا وحاسه بيكي واللّه بس سؤال مين قالك انه سبحانه لم يوفقك ؟ هل امتحنتي وشفتي نفسك وليه بتقولي حلمك ضاع وانت لسه لم تمتحني ؟! كل دا من وسوسة الشيطان علشان يدخل على قلبك اليأس من رحمة اللّه وكمان لازم يكون عندك حسن ظن بيه سبحانه لأنه أيضا قال أنا عند ظن عبدي بي فاليظن بي ما شاء ، يعني ربنا هيكرمك على ثقتك فيه وحسن ظنك بيه . توكلي على اللّه واهدي واعملي كل اللي فإيدك بيقين تام ان دا مجرد سبب والتوفيق من اللّه لأن وارد جدا تذاكري وتحلي مليون شامل وتيجي في الامتحان متفتكريش حرف هل كدا حلو ؟ كمان شوفيها بشكل اعمق مش يمكن ربنا بيخليكي تغلطي كتير دلوقتي ففكر هتيجي في الامتحان فعلشان تتعلميها واهو دا توفيق .خليكي على يقين تام ان رب الخير لا يأتي إلا بالخير وان احنا جاهلين بعلمه وتدبيره ونظرتنا قصيره اوي وما خفي عنا كان اعظم . بتمنالك كل خير 🥀🤍
تم النشر السبت، ٢٠ يونيو ٢٠٢٦
لعرض السؤال في فدني اضغط هنا