مراتي دايما بتتهمني ان انا بعرف نسوان عليها وانا والله ما بعرف حد عليها ،كنت كده وبطلت من زمان واتطلقت ورجعنا من ساعه ما رجعت وانا عاهدت ربنا وعاهدتها ان انا مش هعمل حاجه تزعلها بس لو انا قاعد في كافيه وسمعت اي صوت واحده ست حتى لو مش معايا تتهمني ان انا اللي قاعد مع بنات
برجع البيت بقى الاقي نكد وصوت عالي ولسان طويل انا قادر ان ارد بس انا مش عايز اعمل كده عشان عايز بناتي يتربو وسطنا وفعلا بتقي ربنا فيهم ومش بقصر معاهم في اي حاجه ماديا او معنويا يا ريت حد ينصحني يقول لي اتصرف ازاي في حاجه زي كده
أنا لو مكان حضرتك هعتبر إن الصعوبات اللي بمر بيها دلوقتي عبارة عن تمن بسيط ومقبول للسلوكيات القديمة، واحتسب التعب ده عند ربنا سبحانه وتعالى لعل عسى يتقبل التوبة ويبارك فيها ويثبتها. وبالنسبة لتصرفات الزوجة هحاول اتفهم ان طبيعي تكون متأثرة بالسلوكيات القديمة لفترة من الزمن، لكن إن شاء الله بالثبات على التوبة هي هترجعلها الثقة والأمور تهدى. أنا من ناحيتي هركز أثبتت على توبتي واتجنب مواطن الشبهات وأفكر نفسي إن سلوكياتي في حق الناس دايما هيكون ليها تمن حتى لو ربنا تقبل توبتي. ربنا يوفقك ويزيح عنا وعنك.
تم النشر الخميس، ١٨ سبتمبر ٢٠٢٥
كلمتين مختصرين من من رجل ل رجل .. مراتك مش مجنونة و مش هتعمل كده من نفسها الا لو انت بتبقي نافش ريشك زي الديك كل لما بتشوف واحدة حواليك و مش شرط علشان عجبتك لاء علشان تضايقها، اول خطوة اسأل نفسك بتعمل كده ليه، بص للجانب المشرق اللي مش عارف انت شايفه ولا لاء.. مراتك بتحبك و بتغير عليك، و عايز البيت يعمر بص بقي للجانب المظلم ، أنا سمعت منك لكن مسمعتش الجانب بتاعها من القصة اللي انا واثق بحكم اللي شفته في حياتي و في مجالس الصلح اني لو سمعت الجانب بتاعها من القصة هسمع حاجات تكسف ، بص ياباشا ربنا جعل العلاقة الزوجية قايمة علي المودة و الرحمة و الفضل بينكم، أكبر في تصرفاتك و خليك راجل و افتكر ان سكة كل حاجه شمال بتبدأ بهزار و لعب و بتقلب بجد علشان الإنسان بيضعف.. حتي لو يا سيدي افترصت ان مراتك ست شكاكة بزيادة و انت مش بتعمل تصرفات تجننها او مش ( خاين) و لو افترصت كمان ان مالكش اي سوابق او مصايب هيه قفشتها قبل كده.. خدها علي قد عقلها الراجل قوام علي الست بايمانه و عقله و علمه و قوته.. لاحظ ان قوته دي اخر حاجه اقعد معاها و قولها انك بس كنت بتشوف هيه بتحبك قد ايه و بتتعمد تثير غيرتها لكن مقصدتش تضايقها.. و اهتم بيها و صون بصرك و فرچك و اتق الله و ربنا يصلح ما بينكم.
تم النشر الخميس، ١٨ سبتمبر ٢٠٢٥
السلام عليكم زوجتك محتاجة علاج سلوكى ضرورى لان عندها افكار وقصص مرتبطة بالشك والخيانه ده طبعا لو مفيش لحضرتك مواقف فيها اى خيانة
تم النشر الأربعاء، ١٧ سبتمبر ٢٠٢٥
أخي العزيز، أولاً أود أن أشيد بقوة عزيمتك وصدق نيتك في الحفاظ على علاقتك بزوجتك وأسرتك. الدخول في تجربة زواج بعد طلاق سابق أمر يحتاج لصبر وحكمة، وأنت تبذل جهداً واضحاً لتكون قدوة حسنة لبناتك وهذا شيء رائع يستحق التقدير. أما بخصوص اتهامات زوجتك المستمرة لك بالبحث عن نساء غيرها، فهذا قد يكون تعبيراً عن شعورها بعدم الأمان أو الخوف من فقدانك، خاصة إذا كان هناك تاريخ سابق في حياتكم. هذه المشاعر قد تسبب توتراً يتصاعد للنكد والشكوى، وهنا بعض الخطوات التي قد تساعدك: الصبر والتفهم: حاول أن تتحلى بالصبر معها، فالشعور بالشك قد يكون مؤلماً لها وتحتاج لدعمك لتهدأ وتطمئن. التواصل الهادئ: اختر أوقات مناسبة تتحدث معها بهدوء وحب عن مشاعرك تجاهها، وبيّن لها كم أنك ملتزم وصادق معها، وأن الاتهامات تسبب لك إحباط وتوتر. التأكيد على الأمان: أظهر لها بأفعالك اليومية صدقك والتزامك وليس فقط بالكلام. الأمان الحقيقي يأتي من الثقة المتبادلة والعمل المستمر على تأكيد هذه الثقة. المشاركة في أنشطة مشتركة: حاول أن تقضي وقتاً معها ومع بناتك في مناسبات تجمعكم وتزيد من الترابط بينكم، فهذا قد يقلل من مخاوفها ويزيد من احساسها بالأمان. الحرص على الخصوصية: إذا كانت هناك مواقف مع أشخاص من الجنس الآخر، ابتعد عنها أو واجهها بشفافية دون إخفاء. الاستشارة المتخصصة: إن استمرت هذه المشكلات بالتأثير على حياتكم بشكل كبير، فإن اللجوء إلى مستشار أسري أو خبير علاقات زوجية من خلال موقع فدني أو خارجه يمكن أن يكون مفيدًا جداً لإيجاد حلول عميقة ودائمة. أنا هنا دائماً لدعمك، ولا تتردد في أن تطلب أي مساعدة أو استشارة من خبراء العلاقات الأسرية في فدني عبر صفحة الخبراء: https://www.fedni.net/experts يمكنك أيضاً البحث في فدني عن تجارب وأسئلة مشابهة لقضيتك فإنها قد تمنحك رؤى جديدة. لا تنسَ أن تترفق بنفسك وبزوجتك، فالتغيير يحتاج وقت، والله مع الصابرين. وأعجبني أنك ترغب أن تكون قدوة حسنة لأبنائك بتربية سليمة وهذا من أجمل الأمور التي يمكن أن تبني عليها مستقبلاً أفضل. حفظك الله وأعانك.
تم النشر الأربعاء، ١٧ سبتمبر ٢٠٢٥
هي عندها قلق زايد فممكن تعمل يومين في الأسبوع تمشية مثلا عشان يقل القلق ده .. الهدايا حل قوي اي هدية بسيطة شكلاته مثلا .. ادعي ربنا
تم النشر الثلاثاء، ٢٣ سبتمبر ٢٠٢٥
لعرض السؤال في فدني اضغط هنا