انا رايحه تالته جامعه و معملتش صحاب في الجامعه يعني هما بنتين كده بقعد معاهم في الجامعه و خلاص بس مش حاسه انهم شبهي و في الاجازه مش بنتكلم حتى صحاب المدرسه بقيت حاسه مفيش وقت اكلمهم ممكن مثلا اخرج معاهم مرة طول الاجازه انا مش متضايقه من حاجه زي دي انا بحب ابقى لوحدي ببقى مبسوطه عادي بس هل ده ممكن يأثر عليا بعد كده
السلام عليكم متستعجليش على الصحاب القريبين لان مش شرط تلاقيهم فى الجامعه اهتمى بس بان علاقاتك تكون فى محلها ومتقربيش منك الا اللى شبهك ومش هيضرك ومفيش اى اثر سىء طالما انتى لا تجدى ما يؤذيكى حاليا
تم النشر الثلاثاء، ٥ أغسطس ٢٠٢٥
حبيبتي قربي من ربك واهتمي ب صلاتك ووردك فالقرآن واحسن رفيقه ليكي الآن هي والدتك ظبطى علاقتك بيها واتكلمي معاها دايما احكيلها إللي تعبك ولو عندك أخوات بنات بردو وكونك معندكيش صحاب مش معناه إنك حد وحش لا بالعكس انتي دماغك ممكن تكون أكبر وانضج منهم
تم النشر السبت، ٢ أغسطس ٢٠٢٥
الي ممكن متحتاجيلهوش النهارده هتحتاجيلي يوم من الايام... خلي كل الناس تحبك بس انتي اوعي تتعلقي بحد.. حتي اصحابك الي معاكي متقوليش اسرارك مثلا ليهم... وده ممكن ميأثرش دلوقتي علي حياتك بل بالعكس هيريحك اكتر لان معامله الناس متعبه لكن انتي بتعملي للمستقبل.
تم النشر الخميس، ٣١ يوليو ٢٠٢٥
مرحبًا بك يا عزيزتي، أنا ذكية، وسعيدة إنك شاركتيني مشاعرك وأفكارك. موضوع الصحاب والشعور بالانتماء من الأمور المهمة في حياتنا، لكن من الجميل كمان إنك بتحبي تكوني مع نفسك وبترتاحي في دا. خليني أفرق معاك النقاط المهمة: مش ضروري يكون عندك صحاب كتير عدد الأصحاب مش هو المقياس الحقيقي للسعادة أو النجاح الاجتماعي. بعض الناس بيحبوا الصحبة وبعضهم بيحبوا الوحدة، والمهم إنك تكوني مرتاحة مع نفسك. الجودة أهم من الكمية لو معاكي صحاب حقيقيين بيشعروكي ويفهموكي، ده أفضل من صحاب كتير مش بتشاركي معاهم أي حاجة حقيقية. الصحبة وتأثيرها المستقبلي الصحاب بيساعدوا في الدعم النفسي، المشاركة في المواقف الصعبة أو السعيدة، وبيفتحوالك فرص جديدة. لكن لو بتشعري إنك سعيدة ومكتفية بروحك، مفيش مشكلة كبيرة. مع الوقت، ممكن تلاقي ناس يشبهوكي أكتر، خصوصًا في الجامعة أو بعد التخرج. نصيحة عملية ممكن تحاولي تخرجي مرة أو مرتين مع البنات اللي بتكوني معاهم في الجامعة لو حسيت إنك عايرة تقربي أكتر، بدون ضغط. حاولي توضحي لهم جوانب شخصيتك وهواياتك، دا أحيانًا بيسهل الربط. لو مش حابة الكلام الآن، تقدري تحتفظي بنفسك وحيدة وهي حاجة طبيعية. الدرس من تجربة الصحبة دي احترام رغبتك في الوحدة وتقديرها مهم، بس خلي دايمًا عندك استعداد للتواصل مع الآخرين لما تحسي بالاحتياج أو الرغبة. أخيرًا، لو حابة تتكلمي أكتر أو تستفيدي من نصائح مختصة في العلاقات الاجتماعية، ممكن تزوري صفحة الخبراء في فدني وتشوفي خبرات مختصة تساعدك. لو عندك أي أسئلة أو حابة تناقشي أمور أخرى، أنا هنا معاكِ دائمًا! 🌷
تم النشر الخميس، ٣١ يوليو ٢٠٢٥
بصي خلي حدود لنفسك بس خليكي اجتماعية مع كل البنات ادخلي الحمام هتلاقي كتير بيحطوا مكياج روحي للي مرتاحلها الله شكل الروج دا تحفه عليكي ، و اتعرفي عليها و بعد متروحي متكلميهمش ، ادعي ربنا دايما بصحبه الصالحة ، و اشتغلي على نفسك اوي في الطاقة الانثويه و حب الذات ، الحاجات دي مع ثقتك بنفسك بتخليكي كريزما قدامها اوي ، و خلي ثقتك بنفسك قويه جداً و هتلقي شلل كتير كويسه ادخلي في كذا واحده و اتعرفي عليهم اقعدي معاهم ، ضحكيهم و خلي طاقتك حلوة إلي يشوفك يبتسم و الي تحسي انهم كويسين امشي و تعالي معاهم لحد ما تدخلي في وسطهم و تتمكني منهم و صدقيني بعد سنه و لا اتنين اتفرجي انتي مين عندهم 👏🏻❤️✨
تم النشر الأحد، ٣ أغسطس ٢٠٢٥
مش هيأثر عليكي بس خلي يكون على لاقل في اتنين في حياتك إنتي بتحبيهم اوي وبتثقي فيهم وبترتاحي معاهم لأن هتحتاجيهم بعد كده وهما الي هيكونو معاكي لما تكوني بتتجوزي وكده
تم النشر السبت، ٢ أغسطس ٢٠٢٥
خلي عندك معارف كتير وخلاص مش لازم يبقوا صحاب مقربين عادي وكلما انتي بتحبي الوحده عادي خلي عندك معارف
تم النشر الجمعة، ١ أغسطس ٢٠٢٥
اعملي صداقات عاديه زي السلام عليكم عاملين ايه وابتسمي ليهم...لان المستقبل هيخليكي تحتاجيلهم....خلي عندك ١٠٠ زميل ومش لازم تصاحبي غير مامتك واخواتك وقرايبك... دول كفايه اوي
تم النشر الخميس، ٣١ يوليو ٢٠٢٥
لعرض السؤال في فدني اضغط هنا