السلام عليكم هل طبيعي إن لما أغلق فمي باطن فمي من جوه يلزق أو يفضل لامس أسناني أو أسناني ضاغطه عليه لاني عندي مشكله في الكلام أحياناً الكلام بيقع مني أو في حروف بستبدلها بحروف من غير قصد وفي تأتاه فعاوز أعرف هل من أسباب مشاكل نطقي المشكله الي في فمي عشان حقيقي لما بغلق فمي بيكون من جوه لازق في اسناني واسناني ضاغطه عليه ولا الموضوع دا طبيعي عند الكل اتمنى تفيدوني
السلام عليكم، لو تقصد بباطن الفم الجزء الداخلي للخدين أو بطانة الخد بتفضل ملامسة للأسنان فمجرد الملامسة منقدرش نعتبرها مشكلة ولازم فحص ورأي مختص عشان يحدد هل هي عاملة مشكلة بالنطق ولا لأ. لو فيه ضغط من اللسان أو تغير في وضعه فده ممكن يغير في نطق بعض الحروف ولو فيه مشكلة بالفك أو ترتيب الأسنان بس برضه من غير تقييم مينفعش الحكم. فالأفضل تزور طبيب أسنان وتتطمئن بالفحص. بالنسبة للتأتأة فأحيانا لها عوامل نفسية، هل هي مستمرة معك من فترة طويلة ولا استجدت؟ هل مرتبطة بمواقف معينة بتكون مثلا فيها متوتر أو مضغوط؟ ** ممكن تعمل تقييم عند أخصائي تخاطب عشان يحدد المشكلة فين بالضبط إذا كان فيه مشكلة في نطق أصوات معينة، ولا في طلاقة الكلام نفسه وسبب المشكلة دي إيه. ** وانتظر برضه إن شاء الله حد من دكاترة الأسنان أو أخصائي التخاطب على التطبيق يرد على سؤالك ويفيدك أكتر. تحياتي.
تم النشر الاثنين، ١٠ أغسطس ٢٠٢٦
وعليكم السلام ورحمة الله، الوصف اللي بتقوله مش طبيعي تمامًا عند الجميع، خاصة لو بيسبب لك مشاكل في النطق زي استبدال الحروف أو التأتأة أو "وقوع الكلام". عادةً لما تقفل فمك، اللسان بيستقر في سقف الحلق (المنطقة اللي فوق) مش ملتصق بالأسنان أو مضغوط عليها. الوضعية دي ممكن تكون مرتبطة بطريقة وضع اللسان أو عضة الأسنان، وده فعلاً بيأثر على مخارج الحروف في بعض الحالات. لكن ما أقدرش أأكد لك إن المشكلة دي هي السبب الوحيد، لأن مشاكل النطق لها أسباب متعددة (مثل عادات اللسان أو مشاكل في الأسنان أو حتى عوامل أخرى). أفضل خطوة عملية دلوقتي إنك تروح لطبيب أسنان متخصص في تقويم الأسنان أو أخصائي تخاطب (speech therapist) عشان يفحصوك فحص مباشر ويعطوك تشخيص دقيق. ممكن يحتاج الأمر جلسات بسيطة لتعديل وضعية اللسان أو تمارين نطق مخصصة. في الوقت نفسه، حاول تلاحظ نفسك وأنت بتتكلم أو بتأكل، ولو لقيت صعوبة مستمرة، متأجلش الموضوع. لو عايز آراء إضافية، ابحث عن أسئلة مشابهة على فدني عشان تشوف تجارب ناس تانية. ربنا يشفيك وييسر أمرك يا صاحبي. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٠ أغسطس ٢٠٢٦
حد يجاوب
تم النشر الاثنين، ١٠ أغسطس ٢٠٢٦
لعرض السؤال في فدني اضغط هنا