أولا لازم تحددي وتعرفي اي الهدف من مذاكرتك وليه بتذاكري أصلا عشان لما تكسلي تذاكري الدافع اللي جواكي يحركك إنك تذاكري تاني حاجه لازم تبقي فاهمة إني المذاكرة دي دلوقتي مسؤلية عليكي وهتتسئلي عنها هي مش ترفيه ولا شيء مباح عادي نعمله وعادي منعملوش لأ لازم تفهمي إنها مهمة وحاجة واجبة عليكي تعمليها تالت حاجه إنك تحاولي تحبي المذاكرة تحبي الوقت اللي بتقعدي تذاكري فيه وتعملي المطلوب منك وتعرفي إني العلم نور يهديه الله لمن يشاء فاسعي وحبي دا واعرفي إنك في نعمة كبيرة غيرك نفسه يتعلم ومش عارف وعلفكرة طبيعتنا لما بنيجي نذاكر بنبقى فرحانين وحاسين إننا بنعمل حاجة في حياتنا على عكس لما نفضل نتكاسل وقاعدين مبنعملش المطلوب مننا رابع حاجة ابعدي عن التليفون وقللي استخدامه نظمي وقتك وادي كل حاجه وقتها وحقها تنظيم الوقت مهم أوي وابعدي عن أي مشتتات بتلهيكي وتشوش عليكي كافئي نفسك لما تذاكري وشجعي نفسك بنفسك متستنيش حاجة من حد استعيني ربنا واعرفي إني التوفيق من عنده فاعملي اللي عليكي والتوفيق من عند ربنا خامساً انوي عدة نوايا وانتي بتذاكري مثلا طاعة الله ورسوله وإمتثالاً لأوامره وبنية مثلا طاعة وبر الوالدين لأنهم أكيد دا بيفرحهم وبيخلوهم راضيين عنا وذاكري بنية إنك تفيدي الإسلام والمسلمين وإنه ينفع بيكي وادعي إني علمك دا يكون حجة لكي لا عليكي اسفة عالإطالة 👀🥲
لعرض الإجابة في فدني اضغط هنا