مررت بكثير من الصعاب واشعر بالحزن دائما ورغبة شديدة فى البكاء والصراخ لكن لا لستطيع افكر كثيرا فى المواقف الصعبة التى مررت بها وهذا يجعلنى احزن اكثر ولا استطيع ان اتوقف عن التفكير بها
نظرتك للمواقف دي حبيبتي هتفرق كتير أنا متفهمة طبيعة مشاعرك لكن نظرتك للمواقف دي علي أنها صعبة واحتفاظك بمشاعر تخصها دي المشكلة الاساسية متشغليش نفسك بالتفكير في المواقف دي او غيرها لكن اهتمي برسائلك منها وشوفي اللي انتي محتاجه فيها علشان تتخلصي من الصعوبات قدرتك على فهم الرسالة بتحدد طول مدة الموقف الشخصيات المميزة بتتعرض للصعوبات لحد مترجع لطبيعتها واستكشفي الحزن ده لانه بطاقة دعوة للحياة لخلق نسخة افضل منك قدامك اختيار انك تقرري تفتحي البطاقة دي وتتعاملي مع كل اللي سيصدر منها أو تفضلي قفلاها بس الفرق انك هتتعاملي بدون وعي وساعتها التجربة هتكرر تاني متخافيش في حياة افضل بكتير في انتظارك ولكن كل اللي مطلوب منك انك تكتشفي حقيقتك المميزة بالتعامل مع المواقف اللي بتتعرضلها بهدوء داخلي وصبر وترجعي لطبيعتك الأنثوية واللي بتقوم علي الحكمة ، الهدوء ، الحدس الابداع ، حب الحياة ، عدم التفكير في المستقبل والماضي ودي عادات ممكن تساعدك على ده التدوين كل يوم ، الرسم العشوائي ، المشي في الطبيعة ، الأعمال اليدويه ، الاهتمام بحيوان اليف أو نبات ، ممارسة الرياضة الخفيفة ، القراءة وخلي الأوقات اللي هتعملي فيها كدة خالية من تفكير ومتجاهلة لكل الافكار اتمني لك الخير والسلام أنا متأكدة انك مميزة
تم النشر الخميس، ١٨ أبريل ٢٠٢٤
طب خلينا نسال كده السؤال المهم؟ ايه اللي بتفكري فيه في المواقف بيخليكي تبقي عايزه تعيطي وتحزني كل مره بتفكري في الموقف مثلا بتسالي ليه حصل كده ولا كل ما تفكري في الموقف تقولي كنت المفروض اتصرف تصرف تاني وتزعلي انك ما تصرفتيش التصرف الصح ايه الحاجات الافكار اللي بتجيلك تخص المواقف الصعبه دي ده اولا ثانيا الوقوف عند الموقف الصعبه دي بيبقى عامل بالزبط زي ما هنكون قابلنا حجر في الطريق بدل ما نرفع رجلينا ونعدي الحجر ونكمل احنا واقفين قدام الحجر. قوي ان الطريق مش مستوي وانه في حجاره والطريق صعب طيب لو وقفنا قدام الحجر ده يعني هغير من موضوع شقته طب ما احنا عندنا القدره وربنا مدينا رجلين نقدر نرفعها ونعدي الحجر ده ونعديه من جنبه في كذا طريقه ونقدر ناخد الحجر نشيله ونرمي بعيد ونكمل طريقنا لكن احنا بنكون متخيلين انه خلاص الطريق خلص والطريق وقف هنا طالما في حجر في نص الطريق. فكري كويس في المواقف دي وتخيليها انها قد الحجر الصغير اللي قدامك مش تبقي متخيله انها حيطه وقفلت لك الطلب عشان تقدري تبطلي حزن وكمان جاوبي على الاسئله اللي انا سالتها في الاول عشان نبدا نعرف ايه انواع الافكار دي هنصلح الفكره غلط اللي عندك مخلياك واقفه وحاسه.
تم النشر الخميس، ١٨ أبريل ٢٠٢٤
لعرض السؤال في فدني اضغط هنا