السلام عليكم
بنتي عندها سنه ونص بسم الله ما شاء الله بحس انها أذكى من الي في نفس عمرها
انا والدها
اعمل ايه اساعدها بيه في تنمية مهاراتها واستغلال ذكاءها بسم الله ما شاء الله عليها
وعليكم السلام ورحمة الله وبركاته، أبي الغالي! ماشاء الله تبارك الله على بنتك الذكية، ربنا يبارك فيها ويجعلها من الصالحات. 😊 سنة ونص عمر مثالي للتنمية الطبيعية، والصورة اللي بعتها تظهر مكعبات رائعة – دي بداية ممتازة! خطوات عملية لتنمية مهاراتها (ابدأ بـ15-20 دقيقة يوميًا، بدون ضغط): اللعب الحسي : استخدم المكعبات زي اللي في الصورة لبناء أبراج بسيطة، ترتيب ألوان، أو تطابق أشكال. ده ينمي المهارات الحركية والتفكير المنطقي. القراءة والكلام : اقرأ كتب مصورة كل يوم (مثل قصص الأنبياء للأطفال). وصف الصور بصوت مرح: "شوفي الدبدوب الأحمر!" ده يبني المفردات والتركيز. الاستكشاف اليومي : دعها تلمس أشياء آمنة في البيت (فواكه، أواني بلاستيك). مشي معاها في الحديقة أو الصلاة معاها بلعب. الروتين الإيجابي : جدول يومي ثابت: أكل، نوم، لعب. علمها كلمات بسيطة زي "شكرًا" بعد الأكل، وابدأ تعليم "بسم الله" قبل الطعام. الصحة الأساسية : ضمن نوم كافي (12-14 ساعة يوميًا)، تغذية صحية (فواكه، لبن)، ووقتك الخاص معاها بدون تلفاز. تابع تقدمها بلطف، وما تضغطش – الذكاء ينمو بالحب أكتر من التمارين. لو عايز نصائح أكتر، ابحث في فدني عن "تنمية الأطفال" أو زور صفحة الخبراء: https://www.fedni.net/experts (فيه متخصصين في التربية). ربنا يوفقك ويبارك في عائلتك! 🌟
تم النشر الاثنين، ٢٢ ديسمبر ٢٠٢٥
دي نصايح مهمة شوية للبنوتة -ربنا يحفظها- حضرتك حاول تعملهم معاها ونفس الكلام للأم برضو. كلمها طول الوقت احكيلها اللي بتعمله "بابا بيلبس الجزمة… دي جزمة سودة" وهكذا اسألها حتى لو مش هتجاوب "فين الدبدوب؟" ولما تقول كلمة، كررها صح وبجملة كاملة. العب معاها مش بس تراقبها: مكعبات (تبني وتهد) ألعاب فتح وقفل كورة ترميها وترجعها [اللعب مع الأب بالذات بيقوي الثقة بالنفس عند البنت ] اقرأ لها قصص مصورة للأطفال حتى لو 5 دقايق سمي لها الصور وعرفها عن كل واحد منهم خليها تشاور وكرر نفس القصة عادي لأن صوتك ليها مهم زي الأكل بالظبط. - دخّلها في يومك، خليها تساعدك: تحط الحاجات في مكانها تشيل لعبة من الأرض ، دا هيعلمها المسئولية والاعتماد على النفس. و بلاش موبايل اللعب الحقيقي أفضل لو شاشة: يكون الوقت قليل جدًا وفي الوقت دا يكون حد بيتكلم معاها عشان متركزش ف الموبايل قدر الإمكان. -ومهم جدًا تخليها تحاول وما تقاطعهاش سيبها تجرب ما تستعجلش عليها شجع أي محاولة منها حتى لو غلط -وكمان الأمان والحب أساس الذكاء الحضن، الضحك،الطبطبة الطفل اللي حاسس بالأمان، بيبقى ذكي وبيفكر بطريقة كويسة.
تم النشر الاثنين، ١٥ ديسمبر ٢٠٢٥
ما شاء الله ربنا يباركلك فيها اهم حاجه الاهتمام و الحنان قبل اي شئ قبل ما تعلمها ثانيا تهتم بفيتاميناتها كويس جدا الاطفال بيبقوا في السن ده كويسين جدا بعدين مع الإهمال في الاكل صحتهم و مخهم بيبوظ و اخيرا علمها العاب ذهنيه بس بصوره طفوليه يعني حيوانات و الوان و مكعبات مهدلها الطريق يعني
تم النشر السبت، ٢٠ ديسمبر ٢٠٢٥
ما شاء الله، ربنا يبارك فيها ويجعلها قرة عين لك. سن السنة ونصف هو سن الاستكشاف، وأفضل طرق لتنمية مهاراتها هي: القراءة التفاعلية: اقرأ لها قصصاً مصورة بكلمات بسيطة، واجعلها تشير للصور (أين القطة؟ أين الكرة؟). اللعب الاستكشافي: مكعبات التركيب الكبيرة، وألعاب ترتيب الأشكال (التي تدخل في فتحات معينة)، فهذه تنمي الذكاء المنطقي والحركي. الحديث المستمر: صف لها كل ما تفعله (نحن الآن نأكل، نلبس الحذاء الأزرق)، فهذا ينمي الحصيلة اللغوية بسرعة كبيرة.
تم النشر الجمعة، ١٩ ديسمبر ٢٠٢٥
خدها قاعدة ان الذكاء والعمل والنشاط بييجي من الملل ... هي لازم تحس بالملل عشان تبدع ... أما لو انهيت الملل وقررت تجيب لها تلفون أو تابليت فأنت أنهيتها ... هي فعلا لازم تكون على دراية في التكنولوجيا ولكن ساعة في الأسبوع كافية جدا للي في العمر ده
تم النشر الثلاثاء، ١٦ ديسمبر ٢٠٢٥
انك تنمي قدراتها عن طريق الالعاب البسيطة التعليمية اللي يكون فيها حركة وابتعد عن الالكترونيات وغير كدا اللغة مهمة جدا في الصغر بس ده للطفل الصغير في هذه المرحلة غير الاهتمام بالصحة والأكل وعدم تعرض الطفل مشاكل المنزل من الوالدين والدعم
تم النشر الاثنين، ١٥ ديسمبر ٢٠٢٥
وإياكم يا رب
تم النشر الاثنين، ١٥ ديسمبر ٢٠٢٥
أنا معرفش أماكن بصراحه ، ولكن أكيد لما تخرج لمكان واسع وتلعب مع أطفال زيها -مع الحفاظ على الأمان قدر الإمكان - دا هيخليها مبسوطة وسعيدة وخصوصاً لو حضرتك خليت الموضوع دا مكافأة مثلاً لما هي تعمل حاجة كويسة.
تم النشر الاثنين، ١٥ ديسمبر ٢٠٢٥
حضرتك ممكن تبدأ تحفظها القران
تم النشر الأحد، ١٤ ديسمبر ٢٠٢٥
اللهم بارك يا رب ربنا يحفظها ويبارك فيها ويجعلها من الصالحات
تم النشر الأحد، ١٤ ديسمبر ٢٠٢٥
شكرا د. مروان جزاك الله كل خير
تم النشر الاثنين، ٢٢ ديسمبر ٢٠٢٥
شكرا يا ا. محمد جزاك الله كل خير
تم النشر الاثنين، ٢٢ ديسمبر ٢٠٢٥
جزاك الله كل خير
تم النشر الثلاثاء، ١٦ ديسمبر ٢٠٢٥
جزاك الله كل خير
تم النشر الاثنين، ١٥ ديسمبر ٢٠٢٥
يعني الحدايق زي حديقة الطفل واكثرية الحدايق رحتها بالفعل.... بس بشوف انها مهما كانت هي في الاخر مكان الطفل بيطلع فيه طاقته لكن مش بينمي فيه ذكاءه مجرد مكان لتفريغ الطاقه و ليونه الجسم... عشان الحركه مفيده للاطفال
تم النشر الاثنين، ١٥ ديسمبر ٢٠٢٥
هل فيه اي اماكن تنمويه في نطاق محافظة الجيزة و القاهرة اقدر اوديها فيها
تم النشر الاثنين، ١٥ ديسمبر ٢٠٢٥
بسم الله ما شاء الله كل ده بعمله معاها و مستجيبه جامد اوي ولله الحمد
تم النشر الاثنين، ١٥ ديسمبر ٢٠٢٥
لو عندك افكار تنمويه ليها يبقي جزاك الله كل خير
تم النشر الأحد، ١٤ ديسمبر ٢٠٢٥
اللهم امين... هي اسمها عائشه فا حفظ القران في الخطه ان شاء الله بس سنه ونص في الكلام محدود جدا بيعبر ب كلمه واحده فقط عن الي عايزه
تم النشر الأحد، ١٤ ديسمبر ٢٠٢٥
لعرض السؤال في فدني اضغط هنا