مش شرط يضرب بس لازم يكون في متابعه ومهتم يعني ايه؟ يعني مثلا لو عطيكم واجب لازم الحصه اللي بعدها الاسستنت تفتش عليه والمستر يحله معاكم ويكون في متابعه بمعني اصح وانك تكون فاهم منه دي اهم حاجة. ولو انت مش حابب الوضع وعاوز منصه ف شوف نفسك لو هتقدر تنتظم في المنصه وتتابع مع نفسك ومتراكمش اهم حاجة يبقي خد منصه هيكون احسن ليك
@heba بصي انا زيك براكم برضو بس حرفيا انا مشتركه في النظام الالزامي وعامله لي العربي يومين في الأسبوع اول ما تنزل المحاضرة بذاكرها لان خايفه يقفلو عليا المنصه وطبعا لازم اشحنها تاني واهلي هيزعقو ف دا انا شيفاه كويس.. والمشكله عندك برضو انتي لازم تلزمي نفسك اصل دي سنه مصيريه فاهمه انتي لو نظمتي الأسبوع وكل ماده حددتي ليها ايام هتلاقي نفسك بتحلي وبتذاكري ومافيش حاجة اتراكمت عليكي.. وحتة انك تاخدي سنتر مع اونلاين ف انا شايفه انك هتشتتي نفسك وهتتلغبطي وتضيع وقت بصراحة برضو ف بصي لو بالنسبة ليا ف انا شايفه اني مستر السنتر بتاعك مقصر شوية لان الحل الكتير اهم من الشرح وانه مش بيعمل امتحان كل شهر على الاقل دا هيخليكي مش متعوده علي الإمتحانات وهياثر عليكي ف انا من رايي الشخصي تاخدي مع محمد صلاح لانه بيعمل شوامل وامتحان علي كل محاضره وبيحل الواجب واسئله كتيره ودا المطلوب في السنه دي وتلتزمي مع نفسك ولو عاوزة اقولك تنظمي اسبوعك ازاي وكدا معنديش مشكله
تم النشر الثلاثاء، ١٥ سبتمبر ٢٠٢٦
انا بكالوريا اه و كنت باخد مع محمد صلاح السنه اللي فاتت بس نقصت كتير عشان مكنتش بحل مقالي كفاية بصراحة بس هو فعلا كويس اوي. بس انا خوفت تخد اونلاين في العربي ف سنة مهمة يعني معرفش بقلق من الاونلاين اوي خصوصاً اني براكم فا اخترت سنتر احسن عشان كده.. هل لو كملت مع مدرس العربي اللي باخد معاه ده و زودت عليه محمد صلاح للحل و كده يكون احسن؟؟ ولا لغبطة..؟ انا في صحبتي معايا في مجموعة مدرس العربي ده و بتقولي انها مش معتمدة عليه اساسا و بتاخد مع مدرسة تانية بتحل كتير و بتعمل امتحانات كتير، و انها بتاخد معاه بس عشان التثبيت و كده.. هل لو عملت كده بس ب محمد صلاح هكون تمام ولا هتلغبط؟؟ عشان انا فعلا كنت عايزه اخد معاه اوي السنة دي بس خايفة اوي اعتمد على اونلاين زي ما قولت و عشان برضو لو في حاجة وقفت معايا اعرف اسأل في السنتر اما الاونلاين بحس مفيهوش الموضوع ده يعني حى منتدى الطلبة اللي محمد صلاح عامله في منصته مكنتش بحبه عشان ممكن مفهمش من المدرس المساعد اللي بيرد عليا و بيتأخروا في الرد. و النظام الالزامي ده حساه هيخليني اراكم اكتر بس الفرق ان المحاضرة هتقفل عليا و مش هعرف الم المتراكم بقا😭
تم النشر الأحد، ١٣ سبتمبر ٢٠٢٦
@heba بصي انتي لو بكالوريا او تالته ثانوي ف دي سنه مصيريه ف لازم تاخدي عند حد كويس اوي واهم حاجة بيكون بيحل كتير وبيحل اسئله صعبه علشان تتعودي عليها وانه مش مهتم دي حاجة مش حلو ف انا بنصحك تسبيه احسن وتلحقي نفسك من دلوقتي ممكن تشتركي منصه مع محمد صلاح عربي تحفهه كلمه تخفهه قليله والامتحان بيحي من كل اللي بيعطهولك بجد وانتي لو مش هتنتظمي ف في نظام اسمها الزامي عامله في المنصه بيخليكي غصب عنك تذاكري المحاضرة قبل ما تنزل التانيه ولو مش حابة المنصه شوفي مدرسين سنتر غيره ومعاكي لي اخر 9 بس وتثبتي عند واحد علشان متفضليش كدا باقي السنه والاحسن تسالي عل نظام المدرس قبل ما تروحي عنده وبالتوفيق
تم النشر السبت، ١٢ سبتمبر ٢٠٢٦
انا باخد مع مدرس عربي اسلوبه عجبني في الاول و كملت معاه باخد معاه من اول شعر ٨، هو بيعمل حصه في.السنتر للشرح و بيحل شويه في الحصه ، و بعديها بيعملنا حصة زووم فيها حل الواجب بس هي بتكون فيها ناس كتير اوي بصراحة و التفاعل فيها صعب.. بنصحح لنفسنا الواجب من الزووم بس هو مش بيشوفه ولا بيسأل حليناه ولا لا فالحصة، و مش بيعملنا امتحانات في السنتر.. انا حاسه اني تايهه اوي بسبب الموضوع ده بالرغم اني بقالي شهر و اكتر معاه .. و مش قادره اقيم مستوايا ولا انتظم ، و جيت حليت كتاب خارجي حاسه ان الواجبات اللي هو بيديهالنا سهلة او مباشره شويه عن الكتاب الخارجي (بالمناسبة اللي هو كتاب الامتحان، اعتقد يعتبر مستواه متوسط مش كده..؟ مقارنةً بكتب خارجيه تانيه) و هو مش عنده مساعدين ماده علمية اصلا عشان يصححوا لنا الواجب او الامتحان حتى.. كنت بفكر اقترح عليه يعملنا امتحانات بس واحده كانت بتاخد معاه قالتلي اقترحوا عليه موضوع الاامتاحن ، عمل مرة مثلا و بعديها بطل .. المفروض ادور علي حد تاني صح..؟😭
تم النشر السبت، ١٢ سبتمبر ٢٠٢٦
تمام شكرا جزاكم الله خيرا
تم النشر الخميس، ٣ سبتمبر ٢٠٢٦
خلاص طالما مافيش متابعه وانت مش مرتاح خد منصه بس شوف نفسك هتقدر تلتزم بالمنصه ومتراكمش لو هتراكم خليك في السنتر وانت تابع مع نفسك وحل كتير
تم النشر الأربعاء، ٢ سبتمبر ٢٠٢٦
هو مش بيتابع هو بيديك واجب تحضره بس مش تحله
تم النشر الأربعاء، ٢ سبتمبر ٢٠٢٦
لعرض الإجابة في فدني اضغط هنا