انا فتاة عندى ٣٨ سنة غير متزوجة كنت بحب شخص والان هو متزوج ولديه ٤ ابناء تزوج من اكثر من ١٠ سنوات كان بالنسبة لى كل شىء كان الامان كنا بنفهم بعض من غير ما نتكلم
انا دلوقتى حاسة انى مش مبسوطة وضايعة مفيش حد احكيله ولا افضفض معاه، انا مش بعشم نفسى انا عارفة انى لو كان لينا نصيب مع بعض كنا كملنا .
انا كنت بحس انه بيحبنى و قت ما كان خاطب ام اولاده الان كان مستنى كلمة منى انى اقوله يسببها ويجيلى .
انا فى حيرة بين عقلى وقلبى، قلبي لسه بيحبه وعقلى رافض الفكرة خصوصا انه متزوج وانى على اقتناع انه لو كان مكتوبلى كنا هنبقى مع بعض وانه محدش جبره يعمل حاجة من غير ما يكون عنده ميل ليها.
انا بحس انه مش مبسوط معها ولما بشوفة بحن ليه وساعات كتير بتمنى اترمى فى حضنه وكتير بتخيله بعلاقة معايا وساعات بعدها بعمل العادة السرية .انا عارفة انه مش هينفع ابقى معاه ولا عايزة اوهم نفسى . انا مش عارفة اعمل إيه
السلام عليكم ورحمه الله وبركاته ست البنات عشر سنين عدت على الموضوع ده وراد جدا يكون ده أول شخص انتي اختبرت معاه مشاعر الحب وكان شخص قريب منك ولكن من عشر سنين حصل القدر والنصيب اللي مقدر لك إنك مش هتستمري مع الشخص ده في حياة زي ما زوجته حاليا هي اللي معاه في الحياة دي طيب اللي بيحصل معاك حاليا بيحصل ليه لازم نبقى فاهمين عشان نعرف هنعمل إيه اللي بيحصل معاك حاليا هو استعادة لذكريات حلوة لأنه حاليا في الحاضر بتاعي معنديش حاجة بتديني شعور حلو بقوة يغنيني عن إني أدور على شعور حلو قديم زائد انه. حتى الان حضرتك متوفقتيش في الزواج ومازلتي سنجل مفيش أي شكل من الاشكال الارتباط ولا خطوبه ولا ولا جواز فلذلك طبعا اسهل حاجه البني ادم يعملها يفكر في ارتباط قديم حتى القديم ده احنا عارفين انه حصل فيه مشكله وانتهى او بقى مستحيل او اصلا احنا كنا ماذيين فيه عادي جدا ده كل ده ممكن يحصل مع اي حد كمان غيرك ممكن يكون كان في علاقه مؤذيه ولكن دايما لما بنغلط بنقول ايه خليني في اللي اعرفه احسن من اللي ما اعرفوش وراد يكون عدى عليكي تجارب محاولات ارتباط وناس اتقدمت بس ما لقيتيش فيهم ان انت بتدوري عليه فلذلك بتقعي في الحاله دي فاحنا اول ما نلاقي ان احنا وصلنا للحاله دي وبندور في القديم لا لازم بقى نشوف الحاضر بتاعنا قد ايه فاضي ونبدا نشتغل على الحاضر بتاعنا عشان ما نلاقيش كل شويه نفسنا بنتسحب للماضي بالشكل ده. فالحاضر بتاعك شكله ايه بتعملي ايه في حياتك كل يوم عاده ايه الحاجات اللي بتعمليها ايه الحاجات اللي تعتبر روتين اساسي وايه الحاجات اللي بتتكرر كل مده ممكن تكلمنا شويه عن حياتك عامله ازاي عشان اقدر اساعدك باذن الله
تم النشر الثلاثاء، ١٧ يونيو ٢٠٢٥
أنت عايشة في وهم لأنك مش متخيلة رجل في العالم أحسن ليكي منه وده للأسف بسبب طبيعة العلاقة اللي كانت بينك وبينه قبل ما يتجوز عشر سنوات كانت مدة كافية جدا لكي تنسي هذا الشخص وتتجاوزيه تماما إذا انشغلت بنفسك وبما ينفعك ولكن ملحوقة! مازال النسيان أمرا ممكنا وأول خطواته هي التناسي! ولكن عليك أن تستعيني بالله وتركزي مع نفسك وما ينفعك لا مع زوج امرأة أخرى! والرجال غيره كثير .. جدا!
تم النشر الثلاثاء، ١٧ يونيو ٢٠٢٥
السلام عليكم، الفراغ الي عم بتعيشيه بحياتك، مع الذكريات القديمة مع هاد الشخص بيخلوكي تتعلقي بماضي وتنسي حاضرك، بيخلوكي تعيشي وتتابعي اخبار حياة اشخاص ثانيين انت مش موجودة بالإطار، وهاد نوع من الهروب من الواقع، لواقع ثاني مبني على وهم وماضي فقط... يمكن الارتياح اللحظي او هاد الخيال بيخلوكي تعيشي سعادة وهمية ولحظية ، وانت بترضي فيها مع انها بتدمرك يوم عن يوم.. وبتنسي انه ممكن تعيشي واقع حلو وبخصّك انت بس، بتنسي انو تقولي لنفسك :"خلص لازم اعيش قصتي". المشاعر الي كنتي تحسيها مع هاد الرجل، ما تفكري انه مستحيل تعيشيها مع غيرو، المشاعر هي مشاعر، ياما اشخاص انفصلو وكل شخص كمل حياته مع شخص ثاني ، وصار بينهم حب وتفاهم ومشاعر حلوة... لهيك ما تحصري تفكيرك ومشاعرك وكإنها حكر عى هذا الشخص، وخصوصة انه تزوج وصارو عنده عيلة كبيرة ما شاء الله. لهيك الحل: ١. تتناسي هاد الشخص، وطبعا تتقربي لربنا وتبعدي عن كل عادة سيئة بتعمليها. ٢. ادعي ربنا انه يفتحها بوجهك ويرزقك زوج صالح، واعطي مجال للأشخاص الي بيتقدمو ما تسكري الباب ٣. اكثري من الاستغفار فإنه والله، والله ، والله فيه بركة وارزاق عظيمة بإذن الله♡ ٤. اشغلي نفسك بهواية، عمل، تعليم، تطوع، تربية حيوان اليف، نادي رياضي... هنالك الكثير والكثير من الأمور... لكن لا تدعي تلك الامور تمنعك من الدعاء بتيسير امورك وزواجك، كوني طموحة واكثري من الدعاء، خزائن الله لا تفذ، ويداه مبسوطتان سبحانه وفقك الله وأبعد عندك كل هم وضيق♡
تم النشر الثلاثاء، ١٧ يونيو ٢٠٢٥
انا اعتقد ان في حاجات الواحد بيقف عندها مش عاوز يسيبها وقصه انك مش مشغوله دا ممكن يكون حقيقي بس ان انشغلتي هيتبقي المشاعر دي عامله زي الشبح كدا يزورك من وقت للتاني حضرتك لازم تعالجي المشاعر دي وتوصلي لاخرها وتتكلمي مع نفسك ومع متخصص او متخصصه علشان حضرتك تبدأي تاخدي مفاهيم جديده وتفهمي اكتر المشاعر دي عباره عن ايه وليه متمسكه بيها حتي بعد ١٠ سنين
تم النشر الثلاثاء، ١٧ يونيو ٢٠٢٥
بصي طبعا انتي عارفه ان كل شئ قسمه ونصيب وانتي عارفه انه خلاص اتجوز من 10 سنين وخلف 4 وانتي كل الي كنتي محتاجاه 4 سنين ونص بالكتير عشان تنسيه نهائيا بس باين ان قلبك متعلق بيه اوي وده الي مخلاكيش تنسيه ال 10 سنين دول كلهم وكمان بتدخلي حاله وهم بانك تتخيليه معاكي بعلاقه ده غير الوهم الي قلبك حاطه فيكي بانه افضل واحد بالدنيا عشان بتحبيه... بس محدش يقدر يلومك على العاده السريه او التخيلات ده كويس انك معملتيش حاجه في الحرام زي الزنا اي حد مكنش صبر كل السنين دي كلها من غير جواز... عموما العاده السريه بتبقى مربوطه باكتر من حاجه زي (مكان، زمان، سبب، شخص، اداة) المكان كلنا عارفينه الزمان ده ممكن يكون بليل قبل النوم او كل ما يأثر السبب والشخص والاداة الشخص طبعا كلنا عارفينه السبب والاداه دول محدش هيعرفهم غيرك... لازم تعرفيهم وتغيري اماكن الي بتكوني فيها في مواعيد العاده وكل ما تحسي انك horny خدي شاور تلج لانه هيقلل الشعور ده وشغلي قرآن في بيتك واقرأي كل يوم على الاقل ربع حزب قرآن وداومي على صلاتك دايما لان الصلاة تنهي عن الفحشاء والمنكر... واذكار الصباح والمساء وحاولي تصلي بخشوع ده هيخلي قلبك يحب ربنا اكتر من اي حاجه... عموما لما ننهي العاده هيقلل الاحساس في قلبك حبه حبه لان عقلك اللا واعي اخد الحب ده على انه علاقه الي بالي بالك مش علاقه حب عاديه بسبب احتياجاتك كبنت لسه متجوزتش احنا مهمتنا اننا نقلل احساسك بالhorny ونحوله لحب عادي.... بعد كده باذن الله هيجي يوم تلاقي الحب الي يغنيكي عن الحب الاول اهم حاجه حافظي على صلاتك وادعي ربنا واللحي بالدعاء فالالحاح بالدعاء يقدر يغير اقدار اذا شاء رب العالمين ملخص ده كله بطلي العاده وارجعي لربنا هتلاقي طريقك الحقيقي... اتمنى اكون فدتك بحاجه عارف كلامي اغلبه مش مفيد بس اتمنى اكون ساعدت 😁✌🏻
تم النشر الثلاثاء، ١٧ يونيو ٢٠٢٥
مرحبًا يا عزيزتي، شكرًا لك على ثقتك ومشاركتك هذه المشاعر الصعبة والصادقة. أقدر جدًا شجاعتك في التعبير عن وضعك الداخلي بهذا القدر من الصراحة. دعيني أساعدك خطوة خطوة، لأن ما تمرين به هو تجربة إنسانية عميقة تتطلب الكثير من التفهم والرعاية. أولًا: فهم مشاعرك والاعتراف بها أنتِ تمرين بتجربة فقدان حب كان يمثل لكِ أمان وسعادة، وهذا طبيعي أن يصاحبه حزن وارتباك. من الطبيعي أن يظل القلب متعلقًا، خاصة حينما كان هذا الشخص يشكل جزءًا كبيرًا من عالمك العاطفي. الحيرة بين القلب والعقل جزء من الصراع الداخلي الذي تعيشينه. ثانيًا: قبول الحقيقة والواقع كما ذكرتِ، هو متزوج ولديه أسرة، وهذا واقع لا يمكن تغييره. الاعتراف بأنكما لم تكونا قدراً في هذا الوقت هو خطوة حكيمة، والرضا بهذا الواقع يساعد على التقليل من الألم تدريجيًا. للأسف، محاولة التعلق بأوهام أو توقعات غير واقعية تزيد من الألم وتعطل فرصك في الشعور بالراحة. ثالثًا: خطوات عملية تساعدك على تجاوز هذه المرحلة إعادة بناء الحياة من داخلك: حددي لنفسك أهداف صغيرة في حياتك اليومية ترفه عن نفسك وتمنحك إحساسًا بالإنجاز. استثمري في تطوير هواياتك أو تعلم شيء جديد يشغلك ويزيد من ثقتك بنفسك. تنظيم الأفكار والمشاعر: حاولي كتابة مشاعرك على ورقة أو دفتر، فهذا يساعد على تفريغ ما بداخلك من ألم ويقلل من شدته. عندما تشعرين بالرغبة في التفكير فيه أو تخيل علاقتكما، ابدئي بتحويل الانتباه إلى شيء عملي، مثل ممارسة هواية أو الخروج للتمشية. تجنب المثيرات التي تزيد من ألمك: الابتعاد أو التقليل من مشاهدة أو متابعة أخباره أو صور التواصل الاجتماعي له. تقليل التفكير في السيناريوهات «ماذا لو» لأن ذلك يزيد من تشتتك وعدم رضاك. التعامل مع الشعور بالوحدة: رغم شعورك بعدم وجود من تفضفضين له، جربي المشاركة هنا في فدني أو مع مختصين عبر صفحات الخبراء، فالتحدث مع مختص يمكن أن يخفف من لوعة الحزن. لا تترددي في طلب استشارة نفسية تساعدك على تخطي هذه المرحلة بأساليب احترافية. تذكري قيمتك الحقيقية: أنتِ تستحقين السعادة والعيش حياة متجددة مليئة بالرضا والفرح. لا تسمحي لألم هذه العلاقة السابقة أن يعطل مسيرتك نحو مستقبل أفضل. رابعًا: الجانب الروحي استمري في الدعاء واطلبي من الله سبحانه وتعالى أن يرزقك السعادة والهدوء في قلبك. استغلي هذه الفترة كفرصة لتقوية علاقتك بالله، لأنه سبحانه هو الملجأ الحقيقي بعد كل ألم. أعلم أن الطريق ليس سهلاً، ولكن مع الوقت ومساندة الدعم المناسب، سوف تخرجين من هذه الأزمة أقوى وأكثر إشراقًا. إذا شعرتِ أن الأوضاع تحتاج إلى دعم نفسي أكثر تعمقًا، يمكنك زيارة صفحة الخبراء في فدني وطلب المساعدة من أخصائيين ملتزمين. أنا هنا دومًا للاستماع ودعمك، فلا تترددي في العودة وطرح أي سؤال أو مشاعر تودين مشاركتها. دمتِ بخير وعافية يا عزيزتي، واذكري أن بكره أجمل إن شاء الله! 🌷✨ — ذكية
تم النشر الثلاثاء، ١٧ يونيو ٢٠٢٥
بصي يا قلبي انتي بتقولي دلوقت اني هو متزوج وعنده اولاد فده مسؤول عن رعيته لازم يرجع ليها حتي لو في مشاعر ليك من جهته فهو متزوج وحطي نفسك مكان زوجته هل تقبلين أحد يشاركك في زوجج أو يفتنه انا مش اقصد اي حاجه ولكن لازم تركزي في حياتك سواء بيفكر فيكي ولا لا هو بدأ حياته وبناها وزي ما بتقولي لو كان ليكي كان زمان الأمور والأوضاع اتعدلت وزي ما في خيالك ولكن ده محصلش يبقي كفايه تفكير ع حياه متعرفيش بداية الخيط ليها وابدأي حياه جديد وافتكري قوله تعالي وفي السماء رزقكم يعني مقالش في الأرض مقالش مع البشر لا رزقك مع ربنا سبحانه وتعالي فلو ليكي نصيب في شخص ايا يكن هو فين هيجي ابداي حياتك يا قلبي متوقفهاش ع شخص بدأ حياته هو
تم النشر السبت، ٢٨ يونيو ٢٠٢٥
انا مش هرجع واقول ان الاساس كان من بدايته غلط واحنا اللي بنعلق نفسنا بنفس ما تستاهلش بس ملحوقه علقي نفسك بمن هو يستحق والدائم والموجود دائما حين تريدين عارفه ده مين الله حس بالكلمه حب الكلمه اعرف الكلمه امني بالكلمه وصدقيني اقسم بالله ربنا هيعوضك الخذلان والحب المكذوب وكل تلك الاشياء وسيبك بقى ما قد ولى قد ولى وما تسمعيش شعر حزين ولا قصص حزينه ولا احد يولد عندك مشاعر حزينه اسمعي قران حسي ان هو الامان فهم نفسك كده على الاقل لان انا حاسس فعلا بيكي ربنا يهدي كل الناس ويتوب عليهم يا رب امين يا رب العالمين
تم النشر الثلاثاء، ١٧ يونيو ٢٠٢٥
اي حل الوحدة في رأيك
تم النشر الثلاثاء، ١٧ يونيو ٢٠٢٥
يعني مش شرط هو توأم الروح يمكن دا نوع من التسكين من العقل
تم النشر الثلاثاء، ١٧ يونيو ٢٠٢٥
طيب ميمكن كان تخيله والتفكير فيه هو المسكن للوحدة والجفاف العاطفي لا اكثر
تم النشر الثلاثاء، ١٧ يونيو ٢٠٢٥
صح كلامك انا عارفة انى مش دماغة وبقوله لنفسى وده اللى انا ذكرته وبقول لنفسى انه اللى بيحب حد مش هيشوف غيره. انا كنت متاكده وما زلت متاكده انه مش وحش وماكنش بيضحك عليا لانه حب العمر والطفولة هو مش اكثر من نصيب وقدر.نصيبى مش معاه بس مش عارفة انساه
تم النشر الثلاثاء، ١٧ يونيو ٢٠٢٥
ايش ضمنك انك في دماغه اصلا ؟
تم النشر الثلاثاء، ١٧ يونيو ٢٠٢٥
لعرض السؤال في فدني اضغط هنا