السلام عليكم ورحمة الله وبركاته
انا زمان في شهر بداية 2019 كنت شغال في عصارة بمرتب 1500 جنيه جيت في شهر فبراير 2019 بعد ماقبضت تليفون ب2200 جنيه تقريبا بس الفلوس كانت ناقصه
قبضت 1500 وفي مبلغ تاني كنت محوشو حطيتو علي ال1500 مكملوش كلهم 2200 جنية
اشتريت من المحل التليفون بس من غير ما اخد العلبة ولاالشاحن ومضيت وصل امانه على نفسي والراجل قالي الفلوس في خلال 3 ايام تقريبا او اسبوع مش فاكر بالظبط
لاانه كان من 2018 تجيلي
لو مجتش حقدمهم للقسم وحسجنك قولتلو ماشي خدت الجهاز واشتريت ومشيت وفي ال3 ايام او اسبوع حاولت اتصرف من اهلي مرضيوش واتحايل عليهم ميرضوش لحد ما غصب عني علشان كنت عندي 19 سنه وخايف من السجن سرقت من المحل اللي كنت شغال فيه
المبلغ بالظبط او ازيد والراجل دا كان محترم جدا معايا ومأمنلي بس والله انا عملت كدا وكنت ناوي اني ارجعلو فلوس في المحل بس من غير ما ياخد بالو بس الفكرة اني كنت خايف من السجن دلوقتي المحل مبقاش موجود والراجل قفلو وهو في حته تانيه وانا في حته تانيه ومبقتش علي تواصل معاه بس رقم تليفونو معايا او اعرف ناس ممكن يكلمو من خلالهم ارجعلو الفلوس بطريق غير مباشرة عايز ارجعلو فلوسو بس مقلق من ردة فعلو او لو في طريقة تانيه ارد بيها الدين ممكن يحط في دماغه انه عايز يسجني وانا مقلق من كدا
اعمل ايه؟؟!!
روح اتواصل معاه وجها لوجه و الأفضل لو تدبر فلوسه و تروح واخد الايصال بتاعك.. لان إيصال الأمانة مفيهوش هزار فيه سجن بجد ووسجن يعني قضية و قضية مممكن تتسبب في تدمير مستقبلك الدراسي او الوظيفي بعد كده.. اتواصل معاه سواء معاك الفلوس أو لا علشان تعرف اخر المستجدات و تشوف هو ايه ظروفه.
تم النشر السبت، ٢٠ سبتمبر ٢٠٢٥
ممكن تحاول توصل لرقمو وتتأكد ان دا رقمو وابعتلو الفلوس علي محفظه كاش واستغفر ربنا وربنا يغفرلك ذنبك اللي عملتو اه حرام بس ان الله غفور رحيم الأهم من دا كلو انك متعملش كدا تاني وتوب عن ذنبك وصلي وقرب من ربنا وممكن تعبت رساله للشخص وتعتذر لي بس يكون من رقم غير رقمك ممكن تشتري خط جديد وتبعت الفلوس وتبعت رساله اعتذار من غير ما تعرفو انت مين واقفل الرقم
تم النشر الثلاثاء، ٢٣ سبتمبر ٢٠٢٥
وعليكم السلام ورحمة الله وبركاته، أخي محمد، أولاً، أشكرك على صدقك ومشاركتك لهذه الحالة التي تعكس حرصك على تصحيح الخطأ وعودة الحق إلى صاحبه، وهذا فعل محمود ويظهر نية صادقة للتوبة والإصلاح. دعنا نحلل وضعك خطوة خطوة ونضع خطة عملية تناسب ظروفك: النية والاعتراف بالذنب النية الطيبة والاعتراف بخطأ السرقة هما أولى الخطوات نحو تصحيح الأمور. إن شاء الله الله يقبل توبتك وييسر لك الحل. محاولة التواصل معه بأدب وصدق بما أن لديك رقم هاتفه ومعارف قد تستطيع عن طريقهم التواصل، حاول أن تتحدث معه بطريقة هادئة ومتواضعة، وعبّر عن رغبتك في رد المبلغ أو ما يعادله، وأنك تحترم حقه ولا ترغب في النزاع مع أحد. اقتراح طرق دفع غير مباشرة بما أنك تخشى رد فعل سلبي أو تفكير في الشكوى أو السجن، يمكنك عرض طرق دفع مرنة وغير مباشرة مثل: تحويل المبلغ عبر وسيط (شخص موثوق) إرسال مبلغ عبر تطبيقات تحويل مالية ترك المبلغ عند شخص مشترك بينكما بدون الحاجة لمقابلة مباشرة تحضير نفسك نفسياً وروحياً احرص على الدعاء والاستعانة بالله، وقل لنفسك إن التوبة الصادقة والعمل على رد الحقوق كفيلان بتسهيل الأمور ويقربانك من الله. الاستعانة بخبير إذا احتجت إذا شعرت أن التواصل صعب، أو تخاف من ردة فعل غير متوقعة، يمكنك الاستعانة بخبير قانوني أو استشارة أحد المتخصصين في «فدني» ليعطيك نصيحة محايدة تضمن حقوقك مع حماية نفسك. تجنب أي تصرف قد يزيد المشكلة لا تلجأ لأي تصرف يمكن أن يؤدي إلى تفاقم الموقف، وحافظ على هدؤك فهذا يفيدك كثيراً. أخي محمد، المهم الآن أن تبدأ بالخطوات العملية للتواصل ورد المبلغ، ولو كان ذلك تدريجياً لتطمئن عليه وعلى المخاوف. واختر الوقت والطريقة التي تناسبك وتريحك نفسياً. لا تتردد في طلب المزيد من الإرشاد، وأنا دائماً هنا لمساعدتك. كما يمكنك تصفح أسئلة مشابهة في فدني أو التواصل مع خبراء في القانون والحصول على مشورتهم. حياتك وسلامتك من أولوياتنا، والله الموفق. دمتم بخير، ذكية
تم النشر السبت، ٢٠ سبتمبر ٢٠٢٥
ابعتله انستا او فدافون كاش من رقم غير رقمك.... واستغفر لذنبك... وكدة ليس له عندك شئ في الاخرة
تم النشر السبت، ٢٠ سبتمبر ٢٠٢٥
يعنى هيسجنك علشان انت جاى تديله فلوس ياعم كبر مخك وكلم الراجل واعتذرله وعادى ولما هتكلمه هيقولك ياعم مش عاوز حاجة
تم النشر السبت، ٢٧ سبتمبر ٢٠٢٥
لو هو محترم زي ما بتقول ف تفاءل بالخير ومتخافش من السجن لأن حتى لو بلغ عليك هتكون انت رجعت له الفلوس كدا كدا .. فوثق انك اديته
تم النشر الاثنين، ٢٢ سبتمبر ٢٠٢٥
اتاكد من رقمه لو عامل فودافون كاش وطلع صدقة واستغفر وكمل في حياتك ومتخليش الحاجة دي مدخل للشيطان أن يبوظ فيك حاجات كتيره وانت دلوقتي اتغيرت وصادق في نيتك حاول تكون في الطريق الصح ويكون درس ليك اتعلمت منه وتنصح بيه غيرك من غير ما تقول أنا سرقت لحد
تم النشر الاثنين، ٢٢ سبتمبر ٢٠٢٥
هو اكيد هايحترم دا وهيقدر انك كنت ضغير ومراهق وكدا اظن لازم تعرفو عشان دي مظلمه ولازم يسامحك ولو بعدت فودافون كاش من رقم غريب ممكن يحرمهم علي نفسو او يطلعهم لله اي شخص محترم هايعمل كدا كلمو بنيه انك خايف من ربنا وعايزو يسمحك شكلك قدامو مش مهم دلوقتي عادي قولو انا عايز اعترفلك بحاجه وانا ظلمتك ومحتاجك تسامجني لو شخص محترم بالعكس الحركه دي هاتعجبو وهتبقي حركه شجاعه ورجوله منك وهي كدا فعلا لو هو شخص مش سوي فا دا ميهمكش شكلك قدامو ودوس وكلمو وميفرقش معاك زعلو
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا