السلام عليكم
انا مش عارف اكتب ايه التطبيق دا منزله من كذا شهر وكل فتره ادخل اكتب وبعد ما خلاص هنزل المشكله أو اللى حاجه اللى شاغله تفكيرى امسح كل الكلام تانى تعبان من حجات كتير حاسس احساس وحش جدا وبفكر كتير غصب عنى عندى صداع مستمر بسبب انى مش بتكلم عن اللى مدايقنى
بتمنا ليكم الخير
وعليكم السلام ورحمة الله ووبركاته معرفش اى سبب حضرتك اللى يخليك مش قادر تشارك مشاكلك بس انا برضو عندى المشكله دى مش بقدر اتكلم عن المشاكل اللى مضيقانى بجد ولو اتكلم بتكلم عن المشاكل التافهه اللى هيا بالنسبالى مش مشاكل اصلا و كل ما احاول اتكلم مش بعرف و كمان مش ف المشاكل بس فـ اى كلام عموما اى حاجة و السبب انى بخاف من رد اللى قدامى بخاف ان اللى قدامى ميقدرش كلامى او يعرف نقط ضعفى او يعرف مشاكلى بخاف اتكلم علشان متبقاش عندى مشكله جديده و هيا ان مفيش حد يسمعنى او يتناقش معايا و يطمنى ساعات بنعزل عن صحابى وقت زعلى بحجة انى عايزه انعزل عن الناس شويه عادى بس الحقيقه علشان محكيش لحد اللى مزعلنى و ساعات اكلمهم و ابقا معاهم من غير ما اتكلم ولو اتكلمت اخترع موضوع غير اللى عايزه اتكلم فيه و حتى و انا بكتب الرد دا كنت متردده ابعته ولا لا😂 انا معنديش حل للمشكله دى بس ممكن تكون بسبب تراكمات ف حايتنا و تجارب عشناها و كل واحد له اسبابه اللى تخليه ميحكيش عن مشاكله و كمان حل المشكله ممكن يختلف من شخص للتانى انا رديت مش علشان عندى حل بس رديت علشان تعرف انها مش مشكلتك لوحدك دى مشكله ناس كتيرة
تم النشر الأحد، ١٩ أبريل ٢٠٢٦
وعليكم السلام ورحمة الله وبركاته يا مجهول ❤️ أول حاجة، برافو عليك إنك نزلت التطبيق وبتحاول تكتب.. ده خطوة كبيرة لوحدها! اللي بيحصل معاك ده شائع جداً. الصداع ده غالباً من الضغط اللي جواك، ومش هيروح غير لما تطلعه شوية شوية. نصائح عملية عشان تبدأ: اكتب حاجة صغيرة دلوقتي : مش لازم كل حياتك. قول بس "النهارده اللي مدايقني هو…" واكتب جملة واحدة. هنا آمن، محدش هيحكم عليك. قسم أفكارك : خد ورقة، اكتب 3 حاجات بس شاغلينك (مش أكتر). حدد الأكبر، وركز عليها الأول. دينيا وروحانا : صلي ركعتين وادعي ربنا يفرج همك، واقرأ سورة الشرح 3 مرات يومياً.. بتخفف الضغط، واستغفر كتير، بيطهر القلب. حرك جسمك : مشي 10 دقايق يومياً، هيخلي الدماغ يرتاح شوية. لو الصداع مستمر قوي، روح لدكتور عشان يتأكد وابحث في فدني عن "ضغط نفسي" أو "كيف أتكلم عن مشاكلي"، هتلاقي إجابات كتير مفيدة. ولو عايز استشارة متخصص، شوف الخبراء هنا: https://www.fedni.net/experts أنت قوي، وهتقدر.. ابدأ صغير، وأنا هنا لو عايز تكمل. ربنا يريح بالك يا رب 💕
تم النشر السبت، ١٨ أبريل ٢٠٢٦
طب ما تكتب يا غالى واحنا نحاول نساعدك ولو مش عارف تكتب هنا هتلاقى لينك رقمى تليجرام عندى كلمنى وقول اللى فى نفسك واعتبرنى أخوك يعم أهم حاج متوصلش للحالة اللى انت فيها ديه ربنا يهون عليك يارب 🤍
تم النشر السبت، ١٨ أبريل ٢٠٢٦
ودا فايدة التطبيق اكتب اللي مدايقك او مشاكلك هتلاقي كذا حد بيساعدك وحتي لو محدش قدر يلاقي حلول هتلاقي كتير بيهونوا عليك وبيشجعوك وهنا مفيش حد يعرف التاني ف اتكلم براحتك
تم النشر السبت، ١٨ أبريل ٢٠٢٦
هرد عليك ف بوست تانى هنزله
تم النشر السبت، ١٨ أبريل ٢٠٢٦
لعرض السؤال في فدني اضغط هنا