سؤال لو حد اشترى لاب توب قبل كدا او بيفهم فيهم
انا فى المرحله الجامعيه دلوقت وانا فى كليه علميه والمذاكرة على التلفون بدأت تتعبني وكنت عايزه اشترى لاب توب بس مش عارفه أى حاجه بخصوصه وكمان معرفش أسعاره وكمان إيه الأحسن أجيب مستعمل أو جديد ولو فيه مواقع أقدر اجيب منها موثوقه وايه الأنواع بتاعته إلى تكون مفيده ليا فى حدود الدراسه ولو هستخدمه فى أى حاجه بعد كدا
السلام عليكم ورحمه الله وبركاته. الموضوع هيتوقف على مقدرتك الماديه دي نمره واحد نمره اثنين على احتياجاتك نوعيه البرامج اللي هتستخدميها لو انت هتبقي بتستخدمي برامج بس علشان خاطر تتفرجي على فيديوهات وعايزه حاجات تظهر الصور أو الفيديوهات بشكل او بكواليتي عاليه فهتختاري حاجه يكون كارت الشاشه بتاعها كويس البروسيسينج بتاعها كويس عشان تقدري تستخدميه في الغرض اللي انت محتاجاه يعني بيبقى فيه كده مواصفات هي بتعتبر مواصفات وسط يعني ولا هي عاليه قوي ولا هي قليله اوي ولا هي هتساعد معاكي يعني ما تختاري مثلا مساحه تخزين تكون في حدود ال 500 جيجا يعني دي هتكون كويسه يعني اعتقد تكفيك وتكفي حبه حلوين قدام تحطي أي بيانات انت عايزاها تحفظي اي ملفات انت محتاجاها صورك فيديوهات اي حاجة اللي انا انصحك بيه شخصيا وده اللي انا عملته الحمد لله على اختياري انا يعني كان في ناس دايما بتنصح نشتري لاب توب عالي عشان نقعد كتير لكن انا اكتفيت ان انا اجيب حاجه على قد مثلا المقدار الماديه وقت ما اشتريته فاشتريت حاجه من الحاجات اللي هي بتكون جايه استيراد من الخارج تكون الكواليتي بتاعتها كويسه وكمان سعرها كويس. نقيت حاجه يكون فيها الامكانيات اللي على قد استخدامي اللي هو متغيرش لحد دلوقتي لاني كنت عارفه ان انا مش هستخدم اكثر من كده مش هستخدم اكثر من برامج عاديه جدا فانا عمري ما هفتح برامج مثلا برامج هندسيه او برامج تصميم عمري ما هفتح برامج او مثلا العاب الكترونيه فعارفه ان انا مش هحتاج حاجه بمواصفات عاليه في الاتجاه ده فالتزمت بالحاجات اللي هي هتكون الاستخدام المكتبي العادي جدا شويه البرامج بتاعت الكتابه والبي دي إف الحاجات الاساسيه دي واعتقد انه ده اللي هيكون بالنسبه لك انسب حاجه ل و مقدرتك لو عايزه حاجه تكون وسط وكويسه انا انصحك تعملي كده تجيبي الحاجه اللي هي استيراد من الخارج هي بتكون مستعمله بس استيراد الخارج بتبقى بيبقى الاستعمال نظيف جدا يعني اللي هو زي كسر الزيرو اللي احنا بنقول عليه. هتقدري تجيبي حاجة كواليتي كويسة وسعر كويس ولو مش حابة تعملي ده ممكن تجيبي حاجة جديدة لكن هتجيبي الحاجات الأساسية اللي هي مفيهاش إمكانيات عالية قوي لإنك في الغالب مش هتحتاجيها.
تم النشر الاثنين، ٢٥ أغسطس ٢٠٢٥
كلية علمية ايه؟ لو كلية لا تحتاج برامج يعني استخدام pdf وانترنت. هنصحك يكون لابتوب slim وخفيف وشاشته كبيرة ١٥.٦ بوصة ونحاول نختار أعلى جيل ممكن على حسب الفلوس اللي معانا طبعا. يفضل يكون نوع البروسيسور u لحفظ طاقة البطارية لو استخدامك هيكون حركي كتير. في حاجات كويسة جدا في مولات الكمبيوتر من اول ٩ او ١٠ الاف لو مناسب السعر لو كلية هتحتاج برامج ثقيلة يبقي هنضحي بميزة الslim مقابل كارت شاشة قوي و بروسيسور يستحمل وعموما ساعتها هندور في فئة الworkstation و الشركات الافضل في السوق dell او hp وبعض موديلات lenovo
تم النشر الثلاثاء، ٢٦ أغسطس ٢٠٢٥
مرحبًا بكِ، أنا ذكية، ويسعدني مساعدتك في هذا الموضوع المهم خاصة في المرحلة الجامعية التي تحتاجين فيها إلى جهاز مناسب وفعال للمذاكرة والعمل. خليني أرتب لكِ الإجابة بخطوات واضحة عشان تساعدك تختاري أفضل لابتوب يناسبك: ايه الاستخدامات الأساسية اللي هتحتاجيها؟ للدراسة وأداء الواجبات والبحث. مشاهدة الفيديوهات والمحاضرات. ممكن استخدامات خفيفة تانية مثل تصفح الإنترنت أو بعض البرامج البسيطة. هل تفكرين تستخدمينه لاحقًا في برامج أضخم زي التصميم أو البرمجة أو الألعاب؟ لأن ده هيأثر على اختيار المواصفات. شراء لابتوب جديد ولا مستعمل؟ الجديد: له ضمان، وضمان الجودة، وأداء أكيد، لكن عادة بيكون أغلى. المستعمل: أرخص بس لازم تكوني حذرة جدًا، وتشتري من مكان موثوق، وتتأكدي من حالة الجهاز كويس، وممكن تدفعي أقل كتير بس في مخاطرة. المواصفات اللي تستحق تركزي عليها في حدود الدراسة: المعالج (Processor): يفضل i5 أو ما يعادله في AMD (Ryzen 5)، لأنه كفاية للمذاكرة والأعمال المكتبية. الرام (RAM): 8 جيجابايت على الأقل، ده يساعد في تشغيل أكثر من برنامج في نفس الوقت بدون تهنيج. التخزين: يفضل يكون SSD (القرص الصلب الحالة الصلبة) لأنه أسرع، وسعة 256 جيجابايت تكفي للدراسة وتخزين الملفات. الشاشة: حجم شاشة 13-15 بوصة مريح جدًا للمذاكرة والتنقل. البطارية: اختاري جهاز ببطارية تدوم طويلًا لأنك ممكن تدرسي في أماكن مختلفة. الوزن: لو هتتنقلي كتير، اختاري جهاز خفيف الوزن. العلامات التجارية الموثوقة: Dell، HP، Lenovo، Asus، وAcer كلها ماركات معروفة ومناسبة. ممكن تتابعي تقييمات كل موديل قبل الشراء. مواقع موثوقة للشراء: في مصر مثلاً: جوميا، سوق.كوم (أمازون مصر الآن)، راية للإلكترونيات. عربيًا: نون معتمد من المستخدمين، أمازون. تأكدي من وجود سياسة استرجاع وضمان. نصائح إضافية: لو ميزانيتك محدودة، ممكن تتعاملي مع جهاز مستعمل بس من مكان مضمون ومعاك ضمان. اسألي دايمًا أصدقاء لك أو في مجموعات جامعية عن تجاربهم مع الأجهزة. تأكدي من وجود وصلة شحن ومحول كهرباء أصلي. إذا حبيتي، ممكن تساعدي في تحديد ميزانيتك، وأنا أساعدك أدور لك على أفضل الخيارات اللي تناسبها. لو حابة نصيحتي اشتري جهاز يريحك نفسيًا وعمليًا، الجهاز مش بس أداة، ده استثمار في وقتك ومستقبلك. فما تضغطي على نفسك تختاري أرخص حاجة وتندمي بعدين. أنا هنا معاك على طول لو حبيتي تسألي أكتر أو تطلبي دعم في اختيار موديلات معينة. بالتوفيق في دراستك يا رب! 🌸
تم النشر الاثنين، ٢٥ أغسطس ٢٠٢٥
بس يكون تابلت كويس ميقلش عن 10 الاف ولو قدرتي تزودي زودي
تم النشر الثلاثاء، ٢٦ أغسطس ٢٠٢٥
انا مبفهمش اوي في اللابات.... بس كليتك مش محتاجة لابتوب ولو الفكرة في انك تشوفي فيديوهات وتقري pdf بس يبقا هاتي تابلت بقلم
تم النشر الثلاثاء، ٢٦ أغسطس ٢٠٢٥
لو البادجت في حدود العشرين في حاجات من بواقي مورد بالكرتونة ماتفتحش و لقطة حرفيا جيل ١٣ ، كور i7 ...
تم النشر الخميس، ٢٨ أغسطس ٢٠٢٥
ولا تعب ولا حاجه . خير بإذن الله
تم النشر الاثنين، ٢٥ أغسطس ٢٠٢٥
بجد تعبتك معايا جزاكَ اللَّه كل خير . خير إن شاء اللَّه
تم النشر الاثنين، ٢٥ أغسطس ٢٠٢٥
تم النشر الاثنين، ٢٥ أغسطس ٢٠٢٥
جزاكَ اللَّه كل خير مكدبش عليك فى كتير من كلامك مش مستوعباه دلوقت بس هحاول ابحث شويه فى المسميات دى بس انا مش عايزاه برمجه ولا حاجه بس ممكن احتاجه فيما بعد فى المعامل الافتراضيه فهل ال١٢ يجيب حاجه بالإمكانيات دى ومعلش هل في امل أن أى نوع منهم يكون مش مقاطعه
تم النشر الاثنين، ٢٥ أغسطس ٢٠٢٥
تم النشر الاثنين، ٢٥ أغسطس ٢٠٢٥
تم النشر الاثنين، ٢٥ أغسطس ٢٠٢٥
الشائع لابات استعمال خارج يعنى مستعمله بره مصر وحالتها بتبقى كويسه جدا والمكان اللى انا جايب منو او أشهر مكان هوا مول البستان ونقطه الأنواع والامكانيات دى بتتوقف على الميزانية يعنى معاكى فى حدود من كام لكام
تم النشر الاثنين، ٢٥ أغسطس ٢٠٢٥
اسمع بشمهندس علي شاهين ع اليوتيوب هساعدك
تم النشر الجمعة، ٢٩ أغسطس ٢٠٢٥
جزاكَ اللَّه كل خير . بس أعتقد هحتاجه اللاب فيما بعد فى شغل ال research
تم النشر الثلاثاء، ٢٦ أغسطس ٢٠٢٥
وياريت يكون نوع ينفعنى بعد الجامعه بردو
تم النشر الاثنين، ٢٥ أغسطس ٢٠٢٥
10 ل١٢ كدا مثلا
تم النشر الاثنين، ٢٥ أغسطس ٢٠٢٥
لعرض السؤال في فدني اضغط هنا