السلام عليكم ورحمة الله وبركاته
انا عندي 17 سنه وعندي تبول لاإرادي من صغري جيت خفيت منه حوالي سنتين بس رجعت تاني بجد الموضوع مضايقني اوي وأخدت علاج كتير اوي وبرضو مفيش فايده ومفيش دكتور عارف يشخص حالتي مع العلم دا مستمر كل يوم ارجوكم اي حد مر باللي انا فيه يفدني او اي حد عنده معلومه يفيدني بيها
وعليكُم السَّلام ورحمةُ اللَّـهِ وبركاته شوفي هقولك بس على حاجتين ممكن يقللو من الموضوع شوية ان شاء اللـه ابحثي على اليوتيوب عن تمرين اسمه كيجل للسيدات وتنفذيه...التمرين ده بيقوي عضلات الحوض عندك ويخليكي مع الوقت قادره تتحكمي فيها وهو مفيد عمتاً، دي كده اول حاجة. الحاجة التانية قبل ما تنامي قللي كمية المايه اللي بتشربيها وده مش هيخليكي تعملي حمام على نفسك ونتي نايمة ان شاء الله. و ألف سلامة عليكي وحاولي تفهمي نفسك وتفكري مع نفسك انتي ممكن تكوني بتخافي من ايه او بتقلقي من اي لان ده له تأثير بيسبب المشكلة اللي عندك فاهمة... وربّ يطمن قلبك ويروق بالك.
تم النشر الجمعة، ٢٠ مارس ٢٠٢٦
و عليكم السلام ورحمه الله وبركاته ، أنا ما عنديش معلومات طبية كافية تقدر تفيدك ، لكن انها خفت لمدة سنتين كاملين ده معناه انه مش مزمن و له علاج ، فحاولي تسترجعي كل حاجه من الفترة دي خصوصا الحالة النفسية ، هتقدري توصلي لنمط معين و لز قدرتي تحددي ايه اللي اتغير خلاها ترجع تاني ده هيقربك اكتر للنمط ، و أتمنى لك التوفيق و الشفاء العاجل 😊
تم النشر الخميس، ١٩ مارس ٢٠٢٦
وعليكم السلام ورحمة الله وبركاته يا عزيزتي، أنا آسفة جداً للي بتمري بيه، وأقدر إحباطك تماماً خاصة في سن 17 سنة، ده موضوع يأثر على الثقة بالنفس والحياة اليومية. التبول اللاإرادي الليلي (المعروف طبياً بـ"التبول اللا إرادي" أو enuresis) شائع عند المراهقين، وغالباً ما يكون بسبب عوامل زي ضعف إشارة المثانة للدماغ أثناء النوم العميق، أو مشاكل هرمونية (زي نقص هرمون مضاد الإدرار)، أو وراثة عائلية، أو حتى التوتر. مش دايماً بيكون مرض عضوي، بس يحتاج تشخيص دقيق. نصائح عملية تقدري تجربيها بنفسك عشان تسيطري عليه تدريجياً (مش بديل عن الطبيب): قللي السوائل تماماً بعد العشاء (خاصة الشاي، القهوة، أو المشروبات الغازية اللي فيها كافيين). روتين قبل النوم : روحي الحمام مرتين قبل النوم مباشرة، واستخدمي إنذار ساعة للاستيقاظ نص الليل عشان تروحي الحمام (ابدئي بـ3 أيام في الأسبوع عشان متزهقيش). تمارين كيجل : شدي عضلات الحوض (زي إنك بتحاولي توقفي البول) 10 مرات × 3 مجموعات يومياً، ده يقوي المثانة مع الوقت. تابعي يوميات : سجلي كل ليلة إيه اللي أكلتيه وشربتيه، وهل حدث تبول، عشان تلاقي أنماط تساعد الدكتور. جربتي أطباء كتير، فكري في زيارة أخصائي مسالك بولية للبنات/النساء (urologist متخصص في enuresis عند المراهقين)، أو عيادة أطفال متقدمة. ممكن يطلبوا فحوصات زي سونار مثانة أو تحليل هرمونات، أو علاج دوائي زي desmopressin إذا كان مناسب. في فدني، ابحثي عن أسئلة مشابهة زي "تبول لاإرادي مراهقين" هتلاقي تجارب بنات زيك ساعدوا بعض. ولو عايزة استشارة متخصص، روحي صفحة الخبراء: https://www.fedni.net/experts – فيه أطباء ومستشارين هيقدروا يساعدوكِ بشكل شخصي. أنتِ قوية وقادرة تتغلبي عليه إن شاء الله، خطوة بخطوة. لو عندك تفاصيل أكتر عن الأعراض أو العلاجات اللي جربتيها، قوليلي عشان أساعد أكتر. ربنا يشفيكِ وييسر أمركِ 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٩ مارس ٢٠٢٦
الحل واحد بس انك تخش الحمام قبل ماتنامي وتصحي بعد النوم بساعه بعديها بساعتين وانسي موضوع ده خالص
تم النشر السبت، ٢١ مارس ٢٠٢٦
لو جربتي علاج ومنفعش في حاجات لازم تتبعيها مع العلاج تقللي توتر وكمان متشربيش سوائل قبل النوم بحوالي من 3ل 4 ساعات
تم النشر السبت، ٢١ مارس ٢٠٢٦
هل ممكن انها تكون وساوس؟
تم النشر الأحد، ٢٢ مارس ٢٠٢٦
هتوصلي سن تقريبااا العشرين. وهيمشي
تم النشر الأحد، ٢٢ مارس ٢٠٢٦
لازم تكشفي نفسيه مع الجسديه لان الموضوع ممكن يكون نفسي اكتر ماهو عضوي
تم النشر السبت، ٢١ مارس ٢٠٢٦
وفي حالات بتروح مع الوقت والسن ف الغالب بعد 18 الموضوع بيقف
تم النشر السبت، ٢١ مارس ٢٠٢٦
احيانا بيكون بسبب الضغوطات والتوتر
تم النشر السبت، ٢١ مارس ٢٠٢٦
انا عندي نفس الموضوع وسالت كتير مش لاقي حل
تم النشر السبت، ٢١ مارس ٢٠٢٦
لعرض السؤال في فدني اضغط هنا