السلام عليكم ورحمة الله وبركاته
من أكتر من ٩ سنين وانا بعاني من حاجة كنت بسميها الخيال المفرط بس من فترة قليلة عرفت إن الأعراض الي بتحصلي دي هي هي نفس الأعراض لمتلازمة اسمها متلازمة جوسكا وهي إني بعيش معظم الوقت جوا عقلي الباطن وبتهرب من الواقع بسبب كم الصدمات الي عقلي اتعرضلها فطفولتي انا مش بكبر الموضوع انا اصلا مش مقتنعة إنها متلازمة أو أنها مرض نفسي زي ما عرفت بالعكس أنا شايفة أنها نعمة الحمد لله ربنا عطاني عقل خياله واسع اوووي واقدر اعيش فأي عالم واروح فأي مكان وأتخيل اي حاجة وانا ما اتحركتش من مكاني لكن للأسف فالفترة الأخيرة تركيزي قل جدا مش بعرف اركز فصلاتي ولا فدراستي دا غير الصداع الي بقى شبه يومي بقى حاجة كدا ما ينفعش اليوم يعدي من غيره صداع شديد اوي وبحس بتقل غريب فدماغي من تحت
أنا مش عاوزة أبطل اتخيل بس عاوزة اعرف اركز زي الاول والصداع دا حتى يقل مش مهم يروح
أهلا بيكِ هنحتاج الاول نستشير طبيب نفسي ويشوف لو في سبب عضوي وفحوصات ممكن تعمليها عشان نطمن على شكوى الصداع الشديد والألم ده وكمان لو فيه سبب نفسي هو هيعرف يحدد ده كويس. شفاكِ الله وعافاكِ
تم النشر الأربعاء، ١٠ يونيو ٢٠٢٦
لعرض السؤال في فدني اضغط هنا